Xov xwm luv tshaj tawm hnub zwj Feej (Wednesday newsflash 12.03.2025):
Meskas lub tuam chav tswj kev lawm hais tias nws yuav rho tej neeg ua hauj lwm ib nrab tawm ua zaum ob raws li President Trump hais. Ces thiaj yauv ua rau tej neeg yuav tau so txij tim 21 lub 3 hlis ntuj mus, rau lub caij tseem muaj tej lus tawm tswv yim ntau yam tias tej zaum ntshe yuav muab lub tuam chav no kaw.
Thawj pwm tsav Anthony Albanese hais tias nws tus tsoom fwv yuav tsis tsub se paub rau tej Meskas tsub rau nws tej hlau thiab Aluminium txij hnub no mus. Mr Albanese hais tias tsis yog tej cwj pwm ntawm ib tug zoo phooj ywg, thiab nws tu siab heev tab sis yeej tseem yuav xyuas seb puas yuav zam rau Australia ntxiv.
Peter Navarro uas yog tsev dawb tus neeg sab laj lagluam tau thim cov kev hawv yuav tsub se ob npaug rau Canada tej hlau thiab txhuas ntawm 25% ua 50% tom qab Ontario tus hau xeev hawv tias yuav tsub se rau tej hluav taws xob xa muag rau Meskas 3 lub xeev tom qab tau muaj cov kev ib khom haum.
Russia tau liam Ukraine tias tau ua cov xwm txheej txhaum cai terrorism tom qab tau xa drone yam tsawg li 91 lub mus tua Mosco ua rau muaj ob tug neeg tuag thiab tsev kub hnyiab thiab muab tej fij dav hlau ncua thiab kaw tshav dav hlau.
Ukraine tus President Volodymyr Zelenskyy lees paub Meskas cov tswv yim xaus tsov rog 1 hlis nrog Russia, tom qab ob tog nom tswv tau sib tham ntawm Saudi Arabia, ces thiaj ua rau Meskas rov qab pab tug rog thiab soj xwm rau Ukraine ntxiv.
Greenland tau mus xaiv nom los txiav txim tsis nyob qab tswj hwm ntawm Denmark tom qab uas Meskas tus President Trump tau hais tias yuav siv ntau billions dollars coj los yuav thaj chaw no kom Meskas muaj fwj chim.
Tau tsim pawg neeg Aboriginal Business Taskforce coj los txhawb nqa neeg txum tim tej lagluam ntawm NSW, vim tej lagluam no tau ntiav neeg ua hauj lwm txog 116,000 tus thiab khwv tau nyiaj tshaj $16 billion ib xyoos twg.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
