Xov xwm luv ntawm limtiam tshaj tawm hnub zwj Quag (Weekly news for Tuesday 22.04.2025):
Lub tuam chav Prime Minister and Cabinet hais tias cov kev txo Australia tus chij ib nrab ntawm tag nrho tsoom fwv tej tsev thiab tej tuam chav yog ib lub cim qhia txog cov kev hwm thiab tu siab rau txiv plig Pope Francis cov kev nruam sim. Thawm pwm tsav Anthony Albanese hais tias tus txiv plig no yog ib tug sib raug zoo nrog Australia. Hos Peter Dutton uas yog tus coj ntawm lwm pab nom teb chaws hais tias nws yog ib tug txhawb nqa tej neeg Christian tej kev coj taug ua zoo li cov kev zam txim thiab cov kev hlub tshua txog lwm tus.
Lub chaw teev hawm Catholic Church thiaj yuav siv 9 hnub ua kev tu siab rau Pope Francis raws tej kab lic kev cai qub. Tau muaj ib tug kis ntawm Vatican hasi tias tej zaum yuav muab nws lub hleb tshem mus rau St Peter's Basilica thaum ntxov hnub zwj Feej (Wednesday) kom tej neeg ntseeg thiaj tau mus hwm nws. Txawm li cas los kuj tseem tsis tau paub tias yuav ua ntees rau nws hnub twg tab sis Vatican yeej hais tias tej zaum yuav ua txij hnub zwj Kuab (Friday) thiab zwj Hnub (Sunday).
Lub koom haum Cyabra uas yog ib lub txheeb tej xovxwm cuav hais tias tau muaj ib phau X (Twitter) accounts ntawm 5 phau tau coj tej xov xwm cuav tham txog Australia cov kev xaiv tsa xyoo 2025 coj mus faib rau lwm tus ntau tshaj 500,000 zaus thiab muaj neeg saib tshaj 700,000 zaus.
Thawj pwm tsav Anthony Albanese hasi tias Australia yeej yuav ua txhua yam raws li qhov nws muaj peev xwm ua tau mus pab Oscar Jenkins tom qab muaj xovxwm ntawm Russia qhia tias nws raug teem txim raws li Russia cov criminal code vim nws yog ib tug tug rog raug ntiav mus sib tua nrog Russia rau Ukraine ces nws tsis yog ib tug prisoner of wars thiab tsis muaj cai raws Geneva Convention.
5 tug kws txiav txim plaub ntug ntawm Askiv kub tsev hais plaub Supreme Court tau pom zoo kho lub ntsiab cai ntawm tsab cai teev txog lo lus 'poj niam -women' thiab 'sex' tias tsuas yog poj niam thiab yog cov neeg yug los yeej yog poj niam xwb. Thiaj ua rau tsab cai Equality Act no yuav ua rau tej trans women tsis muaj cai siv ntau yam li changing rooms, homeless shelters, swimming areas, medical thiab counselling services uas tsim rau tej poj niam siv.
Hugh Evans uas yog tus coj lub koom haum Global Citizen thiab yog ib tug neeg Australia yeej cov khoom plig Sunhak Peace Prize uas muab txhua txhua 2 xyoos twg ib zaug ntawm Kaus Lim Qab teb, thiab nws hais tias tej nyiaj yuav laug txog li AUD$80 billion raug coj mus pab tej neeg txog li 1.3 billion tus kom dim kev txom nyem.
Thaib tus ntxhais huab tais Maha Jakri Sirindhorn tau mus xyuas Nplog 4 hnub txij tim 21 lub 4 hlis ntuj 2025 coj los txhawb nqa kom muaj kev sib raug zoo ntawm Thaib thiab Nplog rau lub caij ob lub teb chaws no tseem muaj kev koom tes sib pab rau tej hauj lwm kho mob raws li Vientiane Times tau qhia.
Cob tsib lub tsev hais plaub Hanoi's People Court tau coj Nguyen Ngoc Phuong uas yog tus coj lub tuam txhab khawb kub Phu Cuong Gold Corporation coj mus hais plaub thawj zaug liam tias nws tau xav nyiaj tshaj USD$400 million mus txawv teb chaws yam tsis raug cai raws li Tuoitre News tshaj tawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
