Raws li tej nom tswv xeev cov tuam chav lis laj fai tswj kev kawm tau qhia ces Australia tej tub kawm yuav rov qab pib mus kawm ntawv ntawm tej teej kawm rau Term 4 no pib txij li ntawm tim 4 lub 10 hli ntuj mus txog li ntawm hnub tim 16 lub 12 hlis ntuj xyoo 2021 no.
Tab sis nom tswv tau qhia tias yuav xub pib cia tej tub kawm qib pib (Kindergarten, Preschool) nrog rau cov kawm xyoo 12 yog cov xub mus kawm ua ntej, ces tom qab ntawd maj mam tso lwm cov tub kawm uas kawm cov qib sib txawv ntawd mus kawm ntawm tej teej kawm.
Yog li ntawd lub caij uas tej tub kawm tseem kawm ntawm tsev no thiaj ua rau tej teej kawm yuav tau npaj ntau yam li, xyuas kom muaj tej cai COVID-Safe los tswj kom txhob muaj neeg kis kab mob, kom tej cua hli lam lug thiab muaj cua huv hauv chav kawm, xyuas kom muaj tej twj lim cua, kho tej twj txhom tej pa tsis huv, teeb rooj kom tej tub kawm zaum sib nrug, los yog kho tej twj tso cua kub cua txias coj los npaj kom thaum tej tub kawm rov qab mus kawm tim ntsej tim muag ntawm tej teeej kawm es thiaj li yuav tau txais kev nyab xeeb.
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
