Xov xwm luv tshaj tawm hnub zwj Quag (Tuesday) 03.09.2024:
Treasurer Jim Chalmers hais tias kom zej tsoom Australia xav rau kis zoo txawm tau muaj kev kwv yees tias tej lagluam tsis loj hlob raws li qhov tsim nyog. Ces Mr Chalmers thiaj tau hais tias vim Reserve Bank of Australia tau nce kab theem paj ntau zaus ces thiaj ua rau neeg Australia ntsib teeb meem ntau yam, 'tab sis nom tswv yeej kub siab los txo se, pab kom yuav tau tshuaj pheej yig siv, pab kom tau siv cov childcare thiab early childhood pheej yig thiab pab nyiaj them nqe hluav taws xob.'
Israel tau tua 48 tus neeg Palestinians tas sim neej thiab tseem tawm tsam tej neeg no ntwm Gaza strip thiab ob lub yeej thoj nam rau lub ciaj hnub ob uas UN qhia tias tau hno tshuaj Polio vaccine rau tej me nyuam ntawm Gaza tshaj 80,000 tus.
Askiv tus nom txawv teb chaws David Lammy tau qhia tias tom qab ua tib zoo xav lawm ces nws yuav tsis xa ib co twj riam phom rau Israel siv vim txhawj tsam coj mus siv ua txhaum pej kum haiv cai.
Meskas tau muab Venezuela tus President Nicolas Maduro lub dav hlau txeeb thaum ya mus tsaws ntawm Florida lawm, vim Meskas hais tias yuav tsis raug cai thiab nyiag coj tawm ntawm lub teb chaws no mus xwb.
Germany pab nom AFD tau ras los ua thawj pab nom far-right party uas tau yeej cov kev xaiv tsa 32 lub rooj nom ntawm tag nrho 88 lub ntawm tsev tsoom fwv.
Ukraine tau qhia tias nws tej tub rog nruab ntug tau txais tau ntau cov foob pob thiab tej dron tua rau Kyiv, tab sis kuj muaj tej txhaib foob pob poob ua rau muaj neeg raug mob yam tsawg li ob leeg thiab tsim kev puab tsuaj rau tej vaj tse thiab haus paus txhim kho suav lub chaw caij tsheb ciav hlau uas ua qhov chaw nkaum foob pob nrog.
Vientiane Times tshaj tawm tias tim hnub tim 1 lub 10 hli ntuj no mus ces nom tswv nplog pib kom tej tuam txhab lagluam uas pheej them nyiaj hauj lwm txawv teb chaws rau tej neeg ua hauj lwm yuav tau them nyiaj kis (Kip-LAK) lawm xwb.
The Laotian Times tau qhia tias lub koom haum Mines Advisory Group tau nyiaj USD 800,000 coj los pab khaws tej foob pob tsis tau tawg ntawm xeev Khammuane xyoo 2024-2025. Ua ke no los nom tswv Nplog kuj yuav nce nqe hluav taws xob rau 4 xyoos no ntxiv ua 3 cent nyiaj Meskas yog siv txog 150 kwh thiab sau 7 cents yog siv tshaj ntawd thiab tseem yuav tsub nqe 1.2% rau cov nqe xa hluav taws xob rau tej neeg siv.
Bangkok Post tau tshaj tawm tias Thaib tus thawj pwm tsav Paetongtarn Shinawatra tau xaiv tau nws 35 tug nom lawm thiab tseem tos huab tais Thaib los teeb tsa thiab cia siab tias tus tsoom fwv tshiab yuav pib ua nom txij lub 9 hli ntuj nrab no mus.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
