Xov xwm luv tshaj tawm hnub zwj Feej (Wednesday newsflash 27.03.2024):
Pab nom Labor tsab cai uas xav thov tsim dua tshiab kom muaj peev xwm muab tej neeg thoj nam xa rov qab ntawd tseem raug txheeb ntawm tsev kis xeev siab hnub no (27.03.2024). Tsab cai no yuav rau txim kaw tsev laj cuj 5 xyoos rau ib tug neeg uas tsis kam koom tes nrog tsoom fwv cov kev muab ib tug neeg xa rov qab thiab yuav muab tus neeg ntawd yuam kaw li ib xyoos.
UN pawg neeg uas mus txheeb xyuas cov av uas teb chaws Israel pheej mus tswj tej neeg Palestinian tau qhia rau nws lub koom haum tswj thiab pov puag tib neeg txoj cai tias, yeej tau muaj ''tej laj thawj zoo txaus'' tias Israel tau mus tsim cov xwm txheej tua neeg npog nroj ntsuab ntawm Gaza. Francesca Albanese cov kev cej luam uas lub koom haum Human Rights Council hais kom cej luam txog txog tej xwm txheej no tau liam hais tias Israel cov tub rog thiab nom tswv tej coj txhob txwm yuam pej kum haiv cai ua rog.
Australia tej nom tswv kuj muaj cov kev zoo siab rau cov kev txiav txim rau Julian Assange tias yuav tsis raug xa mus rau teb chaws Meskas, thiab tej zaum yuav muaj peev xwm mus hais rooj plaub no. Lub tsev hais plaub High Court ntawm London tau txiav txim tias Mr Assange yuav tsis raug xa tam sim no mus rau Mekas, txog rau thaum nws ua tib zoo txheeb thiab paub tseeb lawm tias seb puas raug txim tuag tso, thiab nws muaj peev xwm siv Meskas tsab cai First Amendment uas pov puag neeg ntiag tug tej kev ywj pheej rau cov kev ntseeg, tawm tswv yi, thiab tshaj xov xwm tau ywj pheej ntawd tso.
Pab nom Labor kuj yuav coj nws tsab cai Fuel Efficiency Laws coj los sab laj hauv tsev tsoom fwv hnub tim 27.03.2024 no. Tsab cai no ces yuav ua tib zoo los xyuas kom cov tsheb passengers vehicles los tej tsheb tej neeg caij no yuav tsum yog cov tsheb uas txo cov pa tsis huv paug tsuas rau tej ib puag ncig kom tsawg txog 61 feem pua rau thaum xaus rau lub sij hawm 10 xyoo ntxiv no. Tab sis thaum xub thawj ntawm tsab cai no mas tsuas yog los xyuas cov tsheb ua lagluam los yog cov tsheb commercial vehicles uas muaj cov utes thiab van xwb. Ces tus tsoom fwv Albanese no thiaj tau los tiv thaiv nws cov kev txiav txim siab los kho tsab cai Fuel Efficiency no kom ib nyuag ntaug zog me ntsis rau lub caij nws tseem yuav coj los sab laj sib tham rau hnub tim 27 lub 3 hlis ntuj no, uas Katherine King uas yog tus nom Transport Minister thiab Chris Bowen uas yog tus nom Energy Minister hais tias tsoom fwv tau npaj nws cov tswv yim kawg coj los tswj cov nag hmo uas tej zaum yuav tsis ua rau cov tsheb utes los yog cov tsheb SUV loj no yuav raug tswj nruj li thaum xub uas tau hais ntawd. Ces thiaj li ua rau tej tuam txhab muag thiab tsim tsheb no zoo siab rau tsoom fwv tsab cai ib nyuag ntaug zog. Uas tsab cai no yuav xyuas kom tej tsheb tshiab yog cov tsheb tso tej pa tsis huv paug tsuas rau tej ib puab ncig tsawg, thiab yuav muaj paj tshab coj los txhawb nqa tej tuam txhab tsim tsheb tsim tej tsheb uas tso pa tsawg rau tej ib puag ncig.
Raws li phau ntawv xov xwm The Laotian Times tau tshaj tawm ces kuj tau muaj neeg Indian ib co hlua tshaj 25 leeg kuj raug ntxias kom mus ua hauj lwm ntawm teb chaws Thaib tab sis thaum kawg ces raug yuam kom mus ua hauj lwm ntawm teb chaws Nplog. Thiaj tau muaj ib tug hluas no qhia nom tswv Nplog thiab qhia rau India tej nom tswv ntawm Embassy ntawm Nplog ces thiaj tau rov qab mus tsev lawm.
Ua ke no los kuj muaj ib tug neeg tseem ceeb uas sawv cev rau lub koom haum pov puag tej neeg puas cev txoj cai ntawm Meskas lub tuam chav txawv teb chaws kuj tau mus xyuas Nplog teb, thiab hais kom Nplog kub siab kho nws tej cai kom thiaj pab tau tej neeg no kom muaj feem koom txhim kho. Thiab ua zoo xyuas kom tsis txhob muaj neeg ntaus nqe yuam kev rau tej neeg puas cev.
Thaib phau ntawv xov xwm Bangkok Post tau tshaj tawm tias Thaib tus thawj pwm tsav Srettha Thavisin cov kev tau mus xyuas 10 tawm lub teb chaws tsis ntev los no kuj ua rau muaj tej lagluam xav mus nqes peev lagluam ntawm nws lub teb chaws tshaj 500 billion Baht. Raws li Thaib pawg nom tswv tswj cov kev nqes peev lagluam qhia ces kuj muaj ntau cov lagluam li tej tsheb siv hluav taws xob, tej digital economy, electronics, semiconduct thiab logistics yog cov mus nqes peev lagluam luam.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
