Xov xwm luv tshaj tawm hnub zwj Quag (Tuesday news 23.04.2024):
Elon Musk lub tuam txhab social media platform X no raug hais kom yuav tsum tau txwv tsis txhob pub txhua txhua tus neeg mus saib cov video uas tsim kev kub ntxhov cuam tshuam nrog cov xwm txheej tsim kev kub ntxhov cuam tshuam nrog cov xwm txheej nkaug neeg nyob rau ntawm ib lub tsev teev hawm ntawm Sydney. Ces thiaj li ua rau Mr Musk thiab nws lub tuam txhab no muaj kev txhawj xeeb txog cov kev tawm tswv yim tau ywj pheej thiab cov kev txwv los ntawm Australia lub koom haum internet watchdog uas tau hais kom nws daim video tso rau hnub tim 15 lub 4 hlis ntuj xyoo 2024 no tshem tawm. Thiaj tau ua rau thawj pwm tsav Anthony Albanese tau qhia rau Sunrise tias Mr Musk no ntseeg tias ntshe Australia tej cai no tej zaum yuav tsis siv rau nws. Nws hais tias 'Mr Musk no ces yeej yog ib tug neeg uas tsav hwj chim kawg nkaus, nws yog ib tug tuam los pav nyob rau ntawm teb chaws America thiab nws pheej xav tias ntshe Australia tej cai yuav tsis siv rau nws. Thiab nws tseem tab tom tawm tsam kom muaj cai los tso tej video tsim kev kub ntxhov ntawm nws lub social media platform X, uas yog tej yam uas tsim kev puas tsuaj loj rau tej hluas, thiab peb yeej paub tias ua rau tej neeg muaj kev nyuaj siab thiab yog tej yam uas yuav ua rau muaj kev sib tawg tswj rau peb lub teb chaws. Qhov no tsis yog kev txwv tab sis yog tej yam uas Elon Musk yuav tau ua thiab yuav tau los nrog xyuas.
Australia tej nom tswv no kuj tau tib tsis pom zoo nrog Elon Musk tej lus tawm tswv yim uas tsis pom zoo yuav ua raws li eSafety Commissioner hais uas kom muab daim video tsim kev kub ntxhov cuam tshuam nrog cov kev nkaug ib tug txiv plig ntawm Sydney ib lub tsev teev hawm ntawd rho tawm. Yog li ntawd lub tuam txhab social media platform X no thiaj li raug hais kom yuav tsum muab cov video no tshem tawm, vim rau qhov yog ib co xwm txheej cuam tshuam txog cov terror attack nyob rau ntawm Western Sydney lub tsev teev hawm rau hnub Monday. Mr Musk uas yog tus tswv lub tuam txhab no yeej qhia txog nws txoj kev txhawj xeeb txog cov kev tawm tau tswv yim ywj pheej, thiab cov kev txwv los ntawm lub federal court.
Thawj pwm tsav Anthony Albanese kuj tau pib mus taug kev ntawm Kokadu track ntawm teb chaws Papua New Guinea (PNG). Yog li ntawd Mr Albanese thiaj li yog Australia thawj tug thawj pwm tsav uas tau mus tau kev rau txoj Kokoda track. ntawm PNG.
Rishi Sunak uas yog Askiv tus thawj pwm tsav hais tias yuav pib muab cov fij dav hlau xa tej neeg rov qab mus rau teb chaws Rwanda yuav pib rau lub caij ntuj so no. Ces nws thiaj li tau nqua hu kom lub tsev house of lords (tsev kis xeev siab) tsis txhob cheem kom nws thiaj ua tau tej hauj lwm uas yuav muab tej neeg thoj nam uas pheej caij nkoj hla English Channel mus rau Askiv xa rov qab.
Antony Blinkin uas yog Meskas tus nom txawv teb chaws tau qhia tias Meskas tab tom mus txheeb xyuas ib co lus iab liam cuam tshuam txog cov hauj lwm human rights uas teb chaws Israel no mus ua txhaum rau lub caij ua tsov rog ntawm Gaza. Raws li Meskas lub tuam chav txawv teb chaws tau txheeb txog nws tsab ntawv cej luam txog cov kev pov puag leej tib neeg txoj cai uas muaj ib xyoos ib zaug twg, ces Mr Blinkin tau tsis lees paub tias teb chaws Meskas tau siv cov kev saib ntsej ua ntuv saib neeg ua phlu thaum tham txog teb chaws Israel thiab nws cov hauj lwm human rights. Mr Blinkin hais tias 'Puas yog tias peb muaj cov double standards? Peb tsis muaj cov teeb meem saib ntsej ua ntuv saib neeg ua phlu. Peb yeej siv tej cai no tib yam rau sawv daws xwb.
Katherine Bennell-Pegg kuj tau loj hlob nyob rau ntawm tej ntug hiav txwv sab qaum teb ntawm Sydney thiab yeej tau ua si ntawm tej hiav txwv thiab muaj kev cia siab tias nws xav mus teeb txheeb nruab ntug. Ces nws cov kev npau suav no thiaj tau ras los muaj tseeb tiag tom qab nws tau ras los ua Australia thawj tug poj niam Astronaut lawm.
Teb chaws Suav tuam tshoj no kuj tau kos xyeem mem tes rau ib cov kev pom zoo lagluam ywj pheej nrog teb chaws Papua New Guinea (PNG) kom muaj peev xwm los koom tes lagluam nthuav dav tuaj ntxiv rau cheeb tsam pacific region. Ces Wan Yi thiab PNG tus nom txawv teb chaws thiaj tau qhia tej xov xwm ntxaws txog cov kev sib khom pom zoo no ntawm Port Morsby uas yuav muaj cib fim ntau yam coj los pab rau haiv neeg ntawm hiav txwv Pacific no, thiab pab kom nws muaj peev xwm ua tau lagluam nrog Suav tej kiab khw lagluam.
Raws li tau muaj ib tsab ntawv cej luam tshiab qhia ces kuj txheeb tau tias tej neeg Australia cov kev npau suav xav yuav tsev nyob ntshe yuav ua tsis tau yooj yim rau lub caij uas tej nqe ntiav tsev thiab tej nqe tsev kim tuaj ntxiv no lawm.
Vientiane Times kuj tau tshaj tawm tias tau muaj huab cua tsis huv ntau tuaj ntxiv ntawm Nplog tej xeev sab qaum teb thiab ntawm tuam cheeb Vientiane.
Bangkok Post kuj tau tshaj tawm tias tus coj Thaib lub tuam chav tswj kev noj ncig tau nqua hu kom nom tswv Thaib nces nqe se ntoj ncig li 300 Baht vim qee lub teb chaws tseem sau tus nqe no kim tshaj.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
