Xov xwm tshaj tawm hnub zwj Teeb (Thursday news 03.04.2025):
Thawj pwm tsav Anthony Albanese hais tias tsoom fwv yuav pab nyiaj $50 million los pab tej lagluam uas raug teeb meem los ntawm Trump cov se tshiab, tom qab uas Meskas tus coj no tau cog lus tias yuav tsub se 10 feem pua rau Australia ntau yam khoom uas xav muag rau Meskas. Ces nws thiaj hais tias yuav pab nyiaj rau tej koom haum National Farmers Federation koj ua tau lagluam ruaj thiab tsim tau tej kiab khw lagluam tshiab rau Australia muag nws tej khoom. Thiab nws yuav txwv tsis pub xa tej khoom ntau tuaj muag thiab ua tib zoo xyuas kom pov puag tau tej hlau thiab txhua kom tsis txhob raug tsub se, thiab siv $1 billion los qev rau tej lagluam xa khoom muag txawv teb chaws kom muaj cib fim ua luam yam tsis tau them paj, uas nws hais tias yog ib co se uas tsis nco faj txog.
Peter Dutton uas yog tus coj lwm pab nom teb chaws los kuj qhia tias nws yuav pab tsoom fwv lub tswv yim no kom pab tej lagluam ntawm Australia no daws tej Meskas tej se, tab sis thawj pwm tsav yuav tsum kub siab tshaj no ntxiv kom Australia tau txais txiaj ntsim, uas nws tus nom tswj nyiaj txiaj Angus Taylor tau qhia tias tsis tsim nyog tsub tej no rau Australia tej lagluam. Thiab Penny Wong uas yog Australia tus nom tswj dej num txawv teb chaws hais tias Peter Dutton ces yog ib tug txaus luag kawg uas phej hais kom Australia sib khom nrog tsoom fwv Trump seb puas zam tsis txhob tsub se rau Australia.
Israel tus nom tiv thaiv teb chaws Israel Katz tau qhia tias yuav siv tub rog tawm tsam kom nthuav dav tuaj ntxiv ntawm Gaza thiab npaj yuav txeeb ib co chaw ntau thiab yuav ua rau tej neeg Palestinian tawg ua sab ua sua. Thiab nws hais tias tsuas xaus tsov rog thaum uas neeg Palestinian muab Hamas ntxeev thiab tso tej neeg uas nws muab txhom rov qab xwb. Ces thiaj ua rau UN tsis pom zoo rau Israel lub tswv yim yuav hloov Gaza tej nrim av.
Meskas tus coj tau qhia txog nws tej kev tsub se pauj rau tej khoom yuav laug txhua nrho uas xa muag rau teb chaws Meskas li yuav tsub se 25 feem pua rau tej tsheb txawv teb chaws xav muag ntawm Meskas...tsub se 34 feem pua rau tej khoom Suav xa muag rau nws...thiab tsub 20 feem pua rau lub koom haum European Union ua ke no los kuj tsub 10 feem pua rau Australia thiab Askiv tej khoom xa muag rau Meskas.
Pab nom koom tswj (Coalition) tau cog lus tias yuav siv nyiaj $600 million los kho tej kev tsheb pab rau tej lagluam cog qoob loo thiab khawb peev txheej yog nws yeej cov kev xaiv tsa yuav muaj sai sai no los ua tsoom fwv Australia tshiab.
Lub koom haum Productivity Commission tsab ntawv cej luam Closing the Gap tau qhia tias yeej tseem muaj neeg txum tim raug kaw tsev laj cuj ntau, tsis muaj peev xwm yuav pov puag tej lawv tej me nyuam, tseem muaj cov kev txov txo tus kheej txoj siab txuas ntxiv. Ces Senator Jacinta Nampijinpa Price thiaj hais tias yog tsoom fwv xav daws tej teeb meem no tiag tiag ces yuav tsum tau mus ua tib zoo txheeb tag nrho nws tej nyiaj uas tau siv coj mus tsim tej kev pab cuam rau neeg txum tim.
Tej koom haum pab cuam hais tias tej neeg zejzog raug tej xwm txheej av qeeg ntawm Phabmab xav tau txais kev pab cuam li dej haus, kev kho mob thiab vaj tse nyob kom sai tom qab tau muaj tej xwm txheej qav qeeg no hnub zwj Kuab (Friday) dhau los.
Jenny McAllister uas yog Australia tus nom tswj cov hauj lwm Emergency tau qhia tias yuav muaj ib co nyiaj tshiab coj los pab tej neeg Queensland uas raug teeb meem dej nyab uas raug kev puas tshuaj phem tshaj plaws rau lub caij ntev tshaj 50 xyoo, uas ntuj los nag hlob tau nyab plawv xeev Queensland ib thaj chaw dav txog li 2 npaug ntawm lub xeev Victoria thiab tseem yuav muaj ntuj los nag ntxiv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
