Giacomo uas yog lub npe piv txwv (tsis yog lub npe tiag) ntawm ib tug hluas neeg Italian hnoob nyoog 25 xyoos thiab yog ib tug neeg paub txuas ntoo ua vaj tsev thiab tau thov tau cov Working Holiday Visa tuaj rau teb chaws Australia rau xyoo 2018 thiab tom qab ntawd ces mam li thov tau ib daim student visa kawm ntawd. Txuas ntxiv ntawd nws mam li nrhiav tau ib tug tswv lagluam pab tos nws ua hauj lwm kom nws thov tau cov Temporary Skill Shortage visa siv.
Cov ntsiab lus tseem ceeb:
- Tsis hais ib tug neeg twg li yog tsis yog pej xeem Australia ces yuav tsum tau muaj ib daim visa raug kev cai siv
- Tej neeg uas nyob ntev tshaj daim visa pub nyob lawm yuav ras los ua ib cov neeg txhaum cai thiab tej zaum yuav raug txhom kaw thiab raug xa tawm ntawm teb chaws Australia mus.
- Yog ib tug twg tseem nyob dhau 28 hnub thaum daim visa tag sij hawm lawm ces tej zaum lawv kuj yuav raug txwv tsis pub thov visa tuaj ncig los yog tuaj nyob rau teb chaws Australia no rau lub sij hawm 3 lub xyoos ntxiv tom ntej no.
Thaum Giacomo tau xa nws daim ntawv mus thov daim visa 482 ntawd ces nws thov tau daim Bridging Visa A siv. Tab sis tej xwm txheej ho muaj kev paub hloov tsis raws li nws siab xav lawm.
Kuv tau thov ib daim sponsorship visa rau lub 11 hlis ntuj xyoo 2019, thiab tom qab ntawd ces kuv txawm tau ib daim bridging visa siv vim muaj ib tug tswv lagluam pab. Tab sis thaum lub 5 hlis ntuj uas muaj tus kab mob COVID-19 ntawd ces kuv poob kuv txoj hauj lwm lawm, ces thiaj tsis muaj tus sponsor kuv lawm
Ces nws thiaj tsis tau hauj lwm ua txij thaum tau pib muaj tus kab mob COVID-19 kis thoob ntuj, thiab nws tus tswv lagluam txawm thim tsis kam sponsor nws ntxiv lawm.
Yuav muaj dab tsi tshwm sim thaum ib tug neeg twg txiav txim siab nyob hauv teb chaws Australia yam tsis muaj ib daig visa siv?
Lub tuam chav Home Affairs yeej tau xa ib tsab ntawv qhia rau Giacomo tias nws tsuas muaj sij hawm 35 hnub los thim nws cov kev thov daim visa 482 xwb thiab kom nws thov dua lwm yam visa los sis yuav tau tawm ntawm teb chaws Australia no mus xwb.
Giacomo ua hauj lwm ntawm Sydney tam li tus neeg txuas ntoo ua vaj tse - Anna Shvets - Pexels Source: Pexels
Cov neeg tsis raug cai
Emanuela Canini yog ib tug neeg pab lis tej ntaub ntawv rau tej neeg tsiv teb tsaws chaw thiab yog ib tug kws lij choj ntawm lub tuam txhab Migration World hais tias tej neeg feem coob nyob ntawm teb chaws Australia no yeej muaj tej visa raug cai siv li Giacomo. Tab sis muaj qee zaus, ces nws kuj pom tias kuj muaj ib txhia yeej tsis tau visa siv vim lawv tej visa tag sij hawm ua ntej lawv muaj peev xwm yuav thov tau dua lwm daim visa tshiab siv.
Raws li ib txwm pom mas tej neeg feem coob uas pheej cia lawv tej visa tag sij hawm mas yog cov neeg thov cov visitor visa thiab cov student visa.
Nws hais tias tej zaum kuj tsis yog tag meeg ua hos tej zaum ces yeej paub lawm tag sis txhob txwm ua thiab. "Raws li kuv paub thiab pom dua los lawm, ces yeej muaj ib txhia neeg thov cov working holiday visa thiab yeej tsis totaub li tias thaum twg mam li thov tau daim working holiday visa ob siv ces thiaj ua rau lawv tsis nco tias xyov lawv daim visa tag sij hawm rau hnub twg lawm."
De txiv strawberry - James Russel - Pixabay Source: Pixabay
Tsis muaj tseeb li ntawd. Yog thaum visa tag sij hawm lawm ces tsis muaj sij hawm ntxiv tiag tiag li lawm.
Nws hais tias yog thaum ib tug twg daim visa tag sij hawm ntawm teb chaws Australia no lawm, thiab lawv tseem nyob ntawm teb chaws Australia no ntxiv, ces lawv yuav ras los ua ib tug neeg txhaum cai lawm. Ces nom tswv yuav mus tej neeg no txhom thiab muab xa tawm ntawm teb chaws Australia no mus.
Ncaim teb chaws Australia mus rau lub caij koj daim visa tag sij hawm lawm
Alessia Comandini uas yog ib tug neeg pab khiav ntaub ntawv tsiv teb tsaws chaw thiab yog ib tug kws lij choj ntawm lub koom haum Comandini Migration Services hais tias yog ib tug twg paub tias lawv daim visa tag sij hawm lawm, ces lawv muaj peev xwm sib txuas lus nrog lub tuam chav Home Affairs thiab thov daim Bridging Visa E kom muaj cai nyob tau raug cai ntawm teb chaws Australia rau lub caij uas ntej lawv yuav ncaim mus.
Ib tug txiv neej nrog nws pob khoom sawv ntawm chaw tos caij dav hlau - Victor Freitas - Pexels Source: Pexels
Yog ib tug neeg twg nyob tsawg dua 28 hnub tom qab lawv daim visa tag sij hawm lawm ces lawv tseem muaj lwm txoj kev xaiv thiab. Ms Comandini hais tias tej zaum lawv kuj tseem yuav thov tau cov partner visa los yog student visa los sis thov tau cov COVID-19-Pandemic visa siv tau thiab.
Txwv peb xyoos tsis pub thov visa siv
Txawm li cas los yog hais tias ib tug neeg twg nyob tshaj sij 28 hnub uas lawv tej visa pub lawv nyob yam tsi muaj visa raug cai siv lawm, ces lawv kuj muaj lwm txoj hauv kev tsawg tsawg lawm xwb. Muaj qee cov neeg ces tej zaum lawv kuj yuav raug txwv tsis pub thov ib hom visa twg siv rau lub sij hawm 3 lub xyoos ntxiv tom ntej no li raws li Ms Comandini tshab txhais.
Yog tias koj tseem nyob tsis raug cai ntawm teb chaws Australia ntev tshaj 28 hnub thiab ces yog yav pem suab koj mus thov Australia ib hom visa twg siv ces koj yuav raug txwv tsis pub thov rau ib lub caij twg lawm.
"Qhov no txhais tau tias koj yuav tsis muaj peev xwm thov tau visa tuaj ncig los ygo tuaj nyob rau teb chaws Australia no rau lub sij hawm yam tsawg li 3 lub xyoo ntxiv tom ntej no lawm. Lub caij txwv koj no ces yuav suav txij li hnub koj ncaim ntawm teb chaws Australia mus tom qab koj tawm ntawm teb chaws Australia mus lawm."
Thiab yuav siv cov kev txwv no rau tej neeg ib tug twg uas pheej tsis kub siab los xyuas kom lawv yog cov neeg muaj ntaub ntawv raug cai nyob tau rau Australia rau lub caij 28 hnub thiab ncaim teb chaws Australia mus yam tsis yog ib tug neeg nyob raug cai los yog lub caij uas koj thov tau cov bridging visa C, D thiab E siv ntawd. Thiaj yog tej yam tseem ceeb heev uas yuav tau ua tib zoo xyuas kom koj nkag siab txog tias koj daim visa tag sij hawm thaum twg ces koj mam xam lub caij 28 hnub ntawd.
Passport thiab visa - Belterz - Getty Images Source: Getty Images
Raws li Ms Canini hais ces qhov zoo tshaj plaws ces yuav tau kub siab txheeb xyuas tias koj daim visa tag sij hawm rau hnub twg kiag thiab thaum twg nom tswv pub daim visa ntawd rau koj siv.
Thaum koj thov tau ib daig visa siv lawm ces nom tswv yeej qhia tias hnub twg koj daim visa tag sij hawm rau hauv daim ntawv xa tuaj rau koj lawm.
Koj yeej tseem muaj peev xwm mus txheeb tau ntawm Department of Home Affairs lub vas sab VEVO portal thaum koj ntau koj qhia koj tej xov xwm ntawm koj daim passport los yog koj daim visa.
Thiab yog tias ho muaj ib tug neeg twg muaj laj thawj zoo txaus uas lawv ntseeg tias lawv ntshai tsam yog lawv rov qab mus rau lawv lub teb chaws es tsam ho raug nom tswv rau txim los yog nrhiav teeb meem rau, ces lawv muaj peev xwm thov tau ib daim protection visa kom nyob tau ntawm teb chaws Australia no thiab.
Thiab yog tias tej neeg uas tsis muaj nyiaj ntiav kws lij choj sawv cev pab lawv ces yeej muaj kev pab cuam ntau yam raws li tej koom haum hauv qab no pab rau lawv thiab:
NSW
Refugee Advice and Casework Service (RACS) (02) 8355 7227
Immigration Advice and Rights Centre (IARC) 02) 8234 0700,
Legal Aid NSW (02) 9219 5790
Victoria
Refugee Legal (03) 9413 0100
Asylum Seeker Resource Centre (ASRC) (03) 9326 6066
Victoria Legal Aid (VLA) 1300 792 387
Queensland
Refugee And Immigration Legal Service (RAILS) (07) 3846 930
Western Australia
Circle Green Community Legal (08) 6148 3636
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
