Keir Starmer uas yog Askiv tus thawj pwm tsav tau koom lub koom haum EU tej coj lub rooj sab laj ntawm Brussels kho kom muaj kev sib raug zoo nrog lub koom haum no thiab tsis pom zoo nrog tej lus tawm tswv yim tias Askiv yuav rov qab koom lub koom haum no.
Jenny McAlister uas yog tus nom tswj tej xwm txheej Emergency Services tau tseem npaj mus rau north Queensland rau lub caij tseem muaj tej xwm txheej dej nyab txuas ntxiv. Thiab nws tseem yuav hais luv rau tej kis ntawm tej zej zog raug dej nyoab ntawm Townsville thiab kuj muaj ib cov tub rog twb tab tom pab tej neeg rau lub caij ntuj los nag hlob thiab dej nyab no lawm.
Lub koom haum Centre for Public Integrity hasi tias vim tsis muaj tej cai zoo ces thiaj tsis muaj kev dawb huv rau tej nyiaj political donation ntau caum million dollars. Australia lub koom haum tswj kev xaiv nom (Australian Electoral Commission - AEC) qhia tias Labor tau nyiaj tshaj $67 million xyoo 2023-24, Coalition tau tshaj $73 million thiab Greens tau $17 million.
Muaj ib cov kev txheeb txog tej online safety laws ces hais kom nplua tej tuam txhab social media companies kom hnyav kom thiaj kub siab pov puag kom neeg Australia tau txais kev nyab xeeb.
Canada tau pib tawm tsam nrog Meskas cov kev tsub se lagluam li tau tsis mus rau ntawm sab qab teb ciam teb Canada-US, tawm tsam tsis yuav Meskas tej khoom thiab txwv meskas tej khoom. Ua ke no los Suav tuam tshoj kuj tau qhia tia snws yuav coj Meskas mus hais nrog World Trade Organisation rau cov kev tsub se 10 feem pua rau tej khoom xav muag rau Meskas, uas yog ib cov kev yuam WTO cai thiab tej zaum nws yuav ua ib yam dab tsi pauj.
Nom tswv Nplog yuav kho nws tej cai los tswj kom Nplog tej nyiaj kis tsis txhob poob nqe li yuav tsum siv nyiaj Kis (LAK) xwb, tsis pub siv nyiaj txawv teb chaws, thiab tswj cov kev sib pauv hloov nyiaj txawv teb chaws raws li the Laotian Times tau qhia.
Elon Musk uas yog tus tuam los pav uas Meskas tus President Trump xav los tswj lub tuam chav Department of Efficiency tau qhia tias yuav los xyuas kom tsis txhob siv Meskas tej nyiaj USAID mus pab txawv teb chaws.
Thaib phau ntawv xov xwm Bangkok Post tau tshaj tawm tias lub tuam chav Digital Economy Ministry tau qhia tias yuav xyuas kom siv tau tej cai kom nruj tuaj ntxiv tawm tsam nrog cov teeb meem cybercrime thiab pov puag tau tej neeg raug neeg phem ntxias dag.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
