Xov xwm tshaj tawm hnub zwj Teeb (Thursday news 27.02.2025):
Tsoom fwv teb chaws Australia tau tso cai pom zoo rau lub tuam txhab Qatar Airlines yuav tau 25 feem pua ntawm lub tuam txhab Virgin Australia tej shares. Tau muaj tej xwm txheej no tom qab txheeb tau tias lub tuam txhab Qantas tau cov kiab khw lagluam yav dav hlau txog 60 feem pua thiab nws qhia tias nws khwv tau nyiam tsam los ntawm cov lagluam no txog li $1.39 billion.
New South Wales tus nom tswj dej num noj qab haus huv tau tawm los thov txim tom qab tau muaj ib tug me nyuam hnoob nyoog 2 xyoos tau tas sim neej ntawm ib lub rooj emergency chair uas tos ntev txog li 2 teev 30 ntiag tiv kom tau siv cov kev kho mob lub 9 hli ntuj xyoo 2024 ntawm lub tsev kho mob Northern Beach Hospital ntawm Sydney.
Keir Starmer uas yog Askiv tus thawj pwm tsav yuav rub ib lub rooj sab laj nrog tsoom thawj coj ntawm Europe tham txog Meskas cov kev nrog Russia sab laj txog cov kev tsim kev thaj yeeb rau Ukraine, uas tej zaum yuav cia Ukraine tus coj Volodymyr Zelenskyy mus koom seb yuav ua li cas rau Meskas tej tswv yim no.
Tej neeg paub zoo txog cov hauj lwm tsiv teb tsaws chaw hais tias Meskas tus president Donald Trump lub tswv yim yuav tsim cov ''gold visas'' coj los siv uas yuav kom tej neeg tsiv teb tsaws chaw them nyiaj USD$ 5 million kom tau ib daim green card siv no ntshe xyov siv puas tau hauj lwm. Lub hom phiaj yog xav muab cov visas no rau 10 million tus neeg txasv teb chaws, thiab tej tub kawm pej kum haiv tau mua kawm Meskas tej tsev kawm qib siab nto npe.
Muaj ib lub tsheb metau thauj ib cov neeg Palestinians uas raug kaw ntawm Israel ib lub tsev laj cuj ntawm West Bank tawm ntawm Israel. Thiaj tau muaj tej xwm txheej no coj los pauv 4 tug qauv neeg Israel ntawm Hamas.
Tsoom fwv xeev New South Wales yuav kub siab los xyuas kom tso cai sai kom thiaj li tsim tau tej vaj tse yuav laug txog li 9,000 lub ntawm 18 cov projects kom thiaj muaj vaj tse ntau ntxiv tuaj rau nws tej neeg nyob. 17 cov ces nyob hauv nroog thiab 1 co projects ces yog tej tsev tsim ntawm tej zos cheeb tsam tuaj ntug nroog.
Huab tais Askiv Charles thiab niam huab tais Camilla tau mus xyuas lub khw noj mov Darjeering Express uas tej neeg ua hauj lwm tag nrho yog poj niam ua ntej yuav txog lub koom txoos Ramadan uas muaj ntau millions tus neeg Muslims thoob ntuj yuav so. Lub koom haum no pab tej neeg Muslim uas tawg ua sab ua sua.
Tau muaj ib co xov xwm ntawm tsoom fwv Ukraine qhia ces tej zaum President Volodymyr Zelenskyy yuav kos xyeem mem tes pom zoo muag ib co minerals rau Meskas thaum uas nws ntsib President Trump ntawm Washington DC hnub zwj Kuab (Friday) no.
Tau muaj ib tus nurse hu ua Sarah Abu Lebdeh uas ua hauj lwm ntawm lub tsev kho mob Bankstown Lidcombe Hospital ntawm Sydney kuj raug rau 3 lub txim teb chaws vim nws tau txhawb nqa cov kev tsim kev kub ntxhov rau tej neeg mob uas yog neeg Israel thiab hawv yuav muab tej neeg mob no tua raug txwv tsis pub tawm teb chaws Australia thiab tsis pub siv social media.
Muaj ib lub tsheb me (bus) uas thauj 49 tus neeg tau poob qab ke nrug ntawm Bangkok rau sab hnub tuaj 150 km vim tus brake tsis ua hauj lwm thaum tsheb nqes hav ces thiaj ua rau tsis muaj peev xwm tswj tau lub tsheb no thiab tau ua rau 18 tus neeg tas sim neej.
Tsoom fwv teb chaws tau qhia tias nws yuav ua tib zoo nrog xyuas kom muaj peev xwm los daws tau cov teeb meem cuam tshuam nrog tej parent visas uas muaj los tau ntau caum xyoo. Tsoom fwv Albanese hasi tias nws yeej yuav nrhiav ntau txoj xub ke los ua tej hauj lwm no tom qab nws tau qhia rau tim 6 lub 3 hlis ntuj xyoo 2023 txog nws cov kev los txheeb Australia cov Migration System, li yuav muaj ib co lottery xaiv ib cov neeg tsiv teb tsaws chaw tej niam thiab tej txiv tuaj; thiab kho kom siv tau cov parent visas tuaj nyob ib ntus kom siv tau zoo tshaj qub ntxiv.
Australia tseem tab tom los xyuas kom muaj cov kev koom tes nrog ntau lub teb chaws ntawm cheeb tsam Pacific rau lub caij uas Meskas txiav nws tej nyiaj pab cuam txawv teb chaws.
Lub koom haum Financial Action Taskforce tau muab Nplog teev nrog cov grey list uas tseem tsis tau muaj peev xwm los tswj tau cov teeb meem siv nyiaj txhaum cai cuam tshuam nrog cov financial crime raws li The Laotian Times qhia.
Thaib tus thawj pwm tsav Paetongtarn Shinawatra tau qhia tias yuav siv lub sij hawm 1 hlis los tawm tsam nrog cov luam yeeb pa (e-cigarette) uas pheej muag txhaum cai thiab muag zej tej teej kawm, thiab tau txib kom tej tuam chav sau se, tej tuam chav tswj kev ruaj ntseg thiab lagluam ua cov nrog xyuas.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
