Xov xwm luv tshaj tawm hnub zwj Feej (Wednesday news 19.03.2025):
Israel tej tub rog tau ceeb toom kom tej neeg ntawm Gaza tsiv tawm tom qab tsis muaj peev xwm cheem co tsov rog ua lub hli thib ob nrog Hamas. Nws thiaj tau siv dav hlau tua ntau thaj chaw ntawm Gaza thiab cog lus tias yuav tawm tsam txog thaum uas Hamas tso tej neeg nws mus txhom tso. Thiaj ua rau zej zog pej kum haiv txhawj xeeb txog tej xwm txheej tshiab no. Rolando Gomez uas yog UK tus kis thiaj hais tias cov kev tua Gaza no ua rau UN tus coj ceb thiab nqua hu kom tsis txhob sib tua thiab pab tej neeg txom nyem thiab tso tej neeg raug txhom.
Peru tus President tau siv cov state of emergency tswj nws lub tuam ceeb Lima coj los pab tub ceev xwm tswj tej xwm txheej kub ntxhov ua txhaum cai uas muaj ntau tuaj ntxiv. Vim rau qhov tau muaj cov kev sib tua thiab siv kev kub ntxhov kom tau nyiaj thiab tej khoom muaj nqe thiab muaj cov kev tawm tsam zej tsoom tej chaw rau ntau hlis tsis ntev los no, uas twb ua rau muaj neeg raug tua yuav laug txog 560 leej thiab 2,000 tus cuam tshuam nrog tej kev siv kev kub ntxhov.
Tsoom fwv Northern Territory tseem yuav tsim ib tsab cai tshiab limtiam no yuav tso cai ua ib co project uas yuav tsis ua raws li tej cai pov puag neeg txum tim tej kab lis kev cai, tej cai ua tswv av thaib tej ib puag ncig. Thiaj ua rau tej tswv av thiab tej neeg pov puag ib puag ncig tau mus tawm tsam tsis pom zoo nrog tsab cai Territory Coordinator Bill no.
Adam Bandt uas yog tus coj pab nom Greens tau tsis pom zoo nrog Peter Dutton tej tswv yim xav thov kho txhooj cai tswj haiv kom daws tau tej xwm txheej ntxub ntxaug faib cais ib tsav neeg twg dua ntawm qhov kub siab los daws tej teeb meem nuj nqes siv ua lub neej ntau yam. Thiaj tau muaj tej xwm txheej no tom qab uas tus coj ntawm lwm pab nom teb chaws qhia tias yog pab nom koom tswj yeej xaiv tsa ua tsoom fwv tshiab ces yuav tso cai rau zej tsoom Australia tawm suab kho txhooj cai tswj hais seb puas yuav tsis pub tej neeg ua pej xeem rau ob lub teb chaws uas ua txhaum cai tsis pub ua pej xeem thiab yuav raug muab xa rov qab.
Lub koom haum NSW Council for Civil Liberties tab tom nqua hu kom tsim ib co cai tshiab los tsawj tej kev ua txhaum cai tsi ntsees rau ib tsav neeg twg los yog ib co neeg ntseeg twg kiab tam sim no rau lub caij tseem mus txheeb txog tej cai uas maj ntug maj teb tsim tau los siv tsis ntev los no. Tsoom fwv tau tsim tau tsab cai Hate Crimes lub ob hlis dhau los no ntawm tsev tsoom fwv los siv rau lub caij muaj neeg tawm tsam tsis nyiaj tej neeg Jews txij tsaib no los.
Vladimir Putin uas yog Russia tus coj tau pom zoo yuav tsis tua Ukraine tej energy infrastructure 1 hlis ntxiv no tab sis tsis kam cheem rog kom txwm kiag. Mr Putin thiab Mr Trump tau rov qab sib tham hauv xov tooj txog tej tsov rog ntawm teb chaws Ukraine.
Ob tug nurses hu ua Sarah Abu Lebdeh and Ahmad Rashad Nadir uas ua hauj lwm ntawm Sydney lub tsev kho mob Bankstown Hospital uas tau hais ib cov lus tsis nyiam tej neeg Jews hauv social media tias yuav tsis kho tej neeg mob Israel thiab yuav muab lawv tua uas ua rau sawv daws tsis pom zoo yuav raug coj mus hais plaub hnub tim 19 lub 3 hlis ntuj (2025) no.
Australia yuav muag ib co radar rau Canada raug nyiaj $6.6 billion rau lub caij uas Canada tus coj tshiab hu ua Mark Carney tau nrog Australia tus thawj pwm tsav tham kom thiaj siv tau cov kev ceeb toom raws nws tej ciam teb nrog teb chaws Meskas thiab cheeb tsam Arctic.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
