Ntsiab lus tseem ceeb:
- Yeej tseem muaj cov kev totaub yuam kev tias neeg txum tim tej kab lis kev cai ces yeej zoo tib yam thoob plaws txhua qhov chaw ntawm Australia. Tab sis tsis yog li ntawd.
- Cov kev hloov los tsim tej chaw ib puag ncig yog cov kev tsim raws li tej keeb kwm ntawm ib lub teb chaws twg, thiab yog ib lub tswv yim uas yeej txawv tej ib txwm siv los txim tej nroog.
- Lub tswv yim uas ib thaj chaw twg muaj feem koom los npaj tsim los yog txim kho nroog ces yog muaj tej kev npaj, muaj tej neeg txum tim uas muaj txuj ci thiab paub zoo txog thaj chaw ntawd, tej ib puag ncig, tej tswv yim los tsim ib thaj chaw twg tsi ntsees yog cov los tswj tej txheej txheem no.
Neeg txum tim cov kev ua tswv rau lawv tej kab li kev cai txhua yam yeej tau txais kev pov puag txwm npo raws li UN tsab cai pov puag neeg txum tim tej cai .
Ntau xyoo tsis ntev los no ntawm Australia no ces kuj tau ua ntau yam hauj lwm los teeb tsa tej cai thaum ua hauj lwm nrog neeg txum tim tej arts projects.
Tab sis ib tug twg ho yuav muaj peev xwm ua li cas kom neeg txum tim tej txuj ci thiab tej kab lis kev cai uas tseem coj ua ntuv zus ua rau lwm tus paub thiab pom txog ntawm tej caw peb ua lub neej nyob ntawm Australia tej nroog?
Peb thiaj tau mug tej kws uas yog neeg txum tim thiab tej uas tsis yog neeg txum tim txog lawv tej kev xav txog cov kev tsim tej chaw thiab tej vaj tse uas siv neeg txum tim tej txuj ci thiab tej txuj ci ntawm tej teb chaws vam meej.
Cov kev txhim kho ib thaj chaw twg, yuav tau muaj kev sib cuag nrog thaj chaw ntawd, thiab xyuas kom qhia tau ua tau thiab lees paub nws tej kab lis kev cai txhua ntxiv rau ib thaj chaw twg ntawm teb chaws Australia uas nws yeej muaj nws ib cov keeb kwm txawv lwm qhov chaw uas muaj los tau ntau caum txheeb xyoo. Nod yog tej paj xyoob paj ntoo uas muaj ntawm Karijini National Park ntawm xeev Western Australia (WA). Source: Getty / TED MEAD
Nws kuj yog ib tug uas tau koom sau tej cai , uas teev txog tej kev taw qhia zoo tshaj plaws txog cov kev tsim ib yam khoom ua luam kom haum raws li tej kab lis kev cai.
Nws tshab txhais tias vim li cas tsis hais ib co project yuav tsim ib yam dab tsis tsis hais yog tsim zej tsoom ib lub tsev twg, tsim ib qho tshav tiaj twg los yog kos duab rau ib co phab ntsa twg, yuav tsum xyuas kom tsim haum raws li neeg txum tim tej kab lis kev cai ntawm thaj chaw uas ua cov project ntawd.
Tag nrho txhua yam txuj yeej yog los ntawm thaj chaw ntawd los.Professor Brian Martin, co-author International Indigenous Design Charter
“Yog li ntawd tej kev taw qhia zoo tshaj plaws uas tsim nyog ua raws thiaj yuav tau txheeb nrog tej tswv chaw ntwm thaj chaw ntawd thiab tej txuj ci uas cuam tshuam nrog ib thaj chaw twg tsi ntsees los yog ib lub teb chaws twg tsi ntsees.”
Yog li ntawd neeg txum tim cov kev koom tsim thiab txhim kho thiaj yog cov uas ib thaj chaw twg nrog koom txhim kho vim rau qhov tias tsis yog muaj tib hom kab lis kev cai ntawm neeg txum tim ntawm Australia no xwb.
Professor Martin tshab txhais tias ''Lub tswv yim uas pheej xav zoo tib yam xwb ces yeej tsis kub siab txog ntau yam tsi ntsees rau ib thaj chaw twg. Piv txwv li lub teb chaws Boonwarrung Country ntawm xeev Victoria uas yeej txawv lub teb chaws Kamilaroi ntawm New South Wales, los yog txawv lub teb chaws Bidjara ntawm Queensland los sis lub teb chaws Noongar ntawm nroog Perth.''
Jefa Greenaway yeej pom zoo thiab. Nws los kuj yog ib tug archetects neeg txum tim ua muaj koob nto npe thaum ntxov ntawm xeev Victoria, uas yeej xub nyob ntawm NSW, thiab kuj yog ib tug xeeb leej xeeb ntxwv neeg txum tim caj ceg neeg Wailwan/Kamilaroi thiab Dharawal.
Mr Greenaway hais tias cov kev lees paub txog neeg txum tim tej kab lis kev cai ntau yam sib txawv rau tej architecture ''ras los ua ib co cibfim txhawb nqa cov kev muaj suab thiab tej koom haum. Yog tej yam uas txhawb nqa lub tswv yim uas tau txais vaj huam sib luag rau cov kev tsim/txhim kho...Thiab raws li ib txwm pom ces neeg txum tiam yeej tsis tshua tau mua koom tej project txhim kho tseem ceeb li.''
Jefa Greenaway hais tias: “Peb yeej paub tias nyob rau nrim av pov txwv loj dav heev no yeej muaj cov pab pawg neeg hais tej lus tshaj 270 hom lus loj thiab tseem muaj ntau pawg neeg hais cov lus me uas ncau tawm ntawm cov neeg pawg tsawg ntawd txog li 600 hom thiab.'' Credit: Aaron Puls
Thiab yog thaum peb tau kev ncig tsev kawm qib siab Melbourne University tej chaw kawm ntawv hauv nroog, ces peb yeej muaj peev xwm pom tej piv txwv ntawm cov kev siv tej tswv yim uas tej neeg txum tim koom tsim thaj chaw ntawd uas yeej sib txuas nrog lub plawv nroog ua lagluam ntawm txoj kev Swanston Street.
Mr Greenaway uas yog ib tug koom tswj cov project no hais tias yeej muaj neeg txum tim koom tej txheej txheem tsim txij li thaum pib, uas yeej tau qhia txog tus dej qub uas nyob ze ntawm thaj chaw yuav txhim kho uas muaj tej ntses nab uas yeej tau hla tau ntev tshaj 60,000 xyoo mus rau thaj chaw Birrarung (Tus dej Yarra) mus ua me nyuam.
Ces pab neeg no thiaj tau tsim ib lub chaw zoo li thaj chaw saib ua yeeb yam uas muaj rooj zaum ncig thiab tsim ib txoj kev kom zoo nkauj li tus kwj deg, thiab siv tej nroj tsuag xyoob ntoo thiab ntau yam khoom uas muaj ntawm thaj chaw ntawd los tsim, thiab tsim tej chaw khaws dej nrog tej pas dej ncig tej chaw kawm ntawv.
Thiab thaum uas tau txuas tej raj dej rau tus kwj deg qub rau tej qhov raj dej uas dej nag ntws rau ntawd tej ntses nab los yeej tau siv tej chaw ntawd mus rau ntwm ib qho chaw rau lwm qhov chaw txuas ntxiv.
Mr Greenaway thiaj hais tias cov kev tsim tej chaw no thiaj pab kom muaj neeg kub siab txog neeg txum tim tej kab lis kev cai txuas ntxiv.
Tsev kawm qib siab University of Melbourne ib co project txhim kho uas qhia txog txoj kev uas tej ntses nab mus ntawm dej rau nruab teb, uas yog ib co lus paj lub qhia txog neeg txum tim cov kev nyiaj ntxeem, raws li Jefa Greenaway uas yog ib tug architect hais. Credit: Peter Bennetts
Yog li ntawd tej neeg uas tsim los yog txhim kho thiaj yuav tau xyuas kom muaj kev cuam tshuam nrog thaj chaw ntawd los yog muaj feem koom los ntawm tej neeg ntawm thaj chaw ntawd, thiab tsis txhob muab tej cai teev txog tej kab lis kev cai ntawd saib tias tsuas yog ib co uas yuav tau ua kom tiav ib co hauj lwm twg ntawm ib co project twg xwb.
“Vim yeej muaj tej kev sib raug zoo uas raug tsim rau lub caij tseem ua cov project ntawd, tsis hais yog cov project teeb txheeb los yog ib co project uas tsim txhim kho ib yam dab tsi. Tsis hais tej tuam txhab architact los yog nom tswv ib lub tuam chav twg los sis tej neeg siv tej laj lim tswv yim los sim thaj chaw ntawd li, lawv yeej tseem yuav tau los nrog xyuas kom muaj cov kev sib raug zoo thiab cuam tshuam nrog tej neeg thiab thaj chaw ntawd.''
Desiree Hernandez Ibinarriaga ces yog ib tug poj niam neeg txim tim Mayan Mexico, Aztec thiab Basque, thiab kuj yog ib tug senior Lecturer (Tus zes kais qhia ntawv qib siab, sab laj thiab pab taw qhia tej tub kawm uas tseem teeb txheeb, thiab ua ib tug tswj ib lub cuam chav kev kawm twg) ntawm tsev kawm qib siab Monash University lub tuam chav Department of Design.
Lub caij uas nws tseem ua nws cov kev teeb txheeb PhD, ces yeej tau koom tes nrog tej ntxhais hluas neeg txum tim ntawm teb chaws Australia thiab Mexico thiab tej lees kais uas tsis yog neeg txum tim, nws tau tsim ib co tswv yim los tsim thiab txhim kho uas xub kub siab txog neeg txum tim tej txuj ci thiab ntau yam kab li kev cai ua ntej tshaj plaws.
Dr Ibinarriaga hais tias cov kev mloog tau tias cov kev tsim ib yam dab tsi uas qhia tau txog lub cim thawj kab lis kev cai yog ib feem tseem ceeb ntawm neeg txum tim tej tswv yim los tsim thiab txhim kho. "Yog tham txog cov kev txhim kho lawm ces peb yeej kub siab tias yuav daws teeb meem li cas, ces lub tswv yim uas ib thaj chaw muaj feem tsim thiab txhim kho thiaj ras los ua tej yam tseem ceeb rau thaj chaw ntawd kom thiaj muaj peev xwm siv tau tej chaw ib puag ncig peb kom tau txais txiaj ntsim.'' Credit: Desiree Hernandez Ibinarriaga
Nws hais tias ''Kuv siv lub caij 8 hli los tsim kev sib raug zoo thiab muaj ib pab ntxhais, tej lees kais thiab tej neeg ua hauj lwm ntawm lub teej kawm ntawd thiaj lees txais kuv.''
Nws cov kev teeb txheeb thiaj yog cov kev teeb txheeb theem siab tshaj plaws ntawm ntau yam kab lis kev cai thiab tej tsiaj muaj sia ntawm ib thaj chaw twg uas ua rau muaj kev pauv hloov rau tej neeg tej cwj pwm uas muaj lub hom phiaj los txhawb nqa tej tub kawm tej cim thawj kab lis kev cai raws cov kev sib cuag nrog ib thaj chaw twg.
Dr Ibinarriaga hais tias “Ib thaj chaw twg/ib lub teb chaws twg yog thaj chaw uas peb tshwm sim lo; uas kuv hu tias yog 'Tonantsintlalli', uas txhai tias tus tswv luaj pua raws li peb tej poj koob yawm koob tej lus Nahuatl. Yog li ntawd neeg txum tim tej tswv yim thiaj kub siab txog cov kev los saib cov kev tsim ib thaj chaw twg raws lub teb chaws ntawd, thaj luaj pua ntawd, los yog nruab ntug thiab tej dej ntawm thaj chaw uas peb nyob ntawd. Thiab tseem muaj cov kev sib raug zoo ntau yam tsis hais nrog tej khoom uas peb xuas tau kov tau los yog tej uas peb tsis pom thiab kav tsis tau tib si.''
Tus pej thuam qhia txog qhov chaw ntses nab so uas tus artist neeg txum tim Kamilaroi hu ua Reko Rennie tsim ces yog ib yam ntawm ntau yam uas teev txog tej xwm txheej ntawm thaj chaw Parramatta Square.
Yog li ntawd thaum nws tau koom nrog ib pab neeg uas kub siab txog tej hauj lwm no heev, uas muaj Dillon Kombumerri uas yog tus principal architect thiab kuj yog tib tug txiv neej neeg txum tim caj ceg neeg Yugambeh ntawm Gold Coast ntawm xeev Queensland, ces lawv kuj tau los koom tsim cov .
Ces tej neeg uas yuav los ua ib co project dab tsi thiaj tab tom los siv tej framework no kom thiaj kub siab los tsim tej tej project uas zoo rau thaj chaw ntawd thiab lub zejzog ntawd.
Ms Hyde hais tias ''Thiaj xav kom tej zejzog neeg txum tim siv tej tswv yim no los tsim lawv tej projects kom ua tau raws li qhov lawv xav ua kom tau. Ces tej nom tswv zos tej tuam chav thiaj txhawb nqa kom lawv yuav tsum tau ua tib zoo xyuas raws li qhov tsim nyog kom tej neeg txum tej tej zejzog muaj feem koom thiab muaj kev hwm lawv vim lawv yog tej uas yuav ua cov saib xyuas tej projects ntawd. Tsis tas li ntawd los tej architects thiab lwm tus neeg uas tsim thiab txhim kho tej ib puag ncig los yuav tau ua tib zoo xyuas kom tej project uas tseem tab tom ua ntawd yog tej yam zoo rau thaj chaw ntawd thiab.''
Nyob rau lub caij 5 xyoos uas tau tsim tej framework (Lub hauv paus teeb tsa ntawm tej txheej txheem txhim kho) no thiaj tau raug coj mus siv tam li yog ib yam ntawm ntau yam ntawm tej tswv yim uas muaj feem koom ntawm ib thaj chaw twg uas yeej tau coj mus siv rau ntau cov projects li tej peb pom ntawm Parramatta square.
Ms Hyde thiaj tshab txhais tias ''Peb tau siv tej txuj ci kab lis kev cai ntawm tej neeg txum tim Dharug los pab tsim thaum xub pib lawm. Yog li ntawd thiaj siv ib cov txheej txheem uas yeej tau koom tes nrog tej zejzog los ua raws li tej hauj lwm npaj tsim thaj chaw ntawd.''
Yog li cov kev muaj feem koom ntawm ib thaj chaw twg los tsim thiab txhim kho thiaj yog tej yam rov qab los qhia txog ib co hauv paus txhim kho ntawm thaj chaw ntawd. Lub paj Waratah ces yeej pom muaj thoob plaws rau sab qab teb hnub tuaj ntawm Australia, uas yog ib tug yeeb yam tseem ceeb ntawm zaj dab neeg Dreamtime uas txhab txhais txog nws cov kob liab. Nod ces yog lub paj teeb Waratah uas tau nruab rau lub caij ua koom txoos taws teeb Vivid Light xyoo 2017 ntawm Sydney. Credit: Manfred Gottschalk/Getty Images
Kuv yeej ntsib tej xwm txheej uas twb yog thaum yuav xaus ib cov txheej txheej ua ib yam dab tsi lawm, ces mam li muaj lwm tus los hais tias 'Oh, ntshe peb yuav tau xyuas kom muaj ib tug neeg txum tim los muaj feem koom ua thiab.'Professor Brian Martin, co-author International Indigenous Design Charter
“Ces qhov uas plam ntawd thiaj yog qhov tias tsis muaj neeg txum tim los ua tus coj koom tsim txhim kho. Ces thiaj tsim tau tej yam dab tsi uas tsis muaj peev xwm sawv cev rau ntau cov chaw raws li tej txheej txheem tsim, thiab thiaj tsuas tsim tau tej chaw tsis raws li qhov tsim nyog ua xwb.''
Raws li Ms Hyde hasi ces yog tham txog thaj chaw Parramatta square lawm, ces tej neeg tsim yeej tau ua hauj lwm los xyuas kom tsim tau thaj chaw uas qhia tau txog keeb kwm ntawm thaj chaw ntawd thiab pab kom tej neeg paub txog thaj chaw ntawd txuas ntxiv mus.
Yog li ntawd tej chaw uas tsim neeg txum tim tej artwork, thiaj yog tej neeg txum tim Dharug qhov chaw tusj sib ntsib thiab yog ib thaj chaw qhia txog tej pov thawj keeb kwm ntawm tej neeg txum tim uas tau sib ntsib sib sau los tau ntau caum txheeb xyoo.
Nws hais tias “Tej no yog cov kev tham txog qhov tseem ceeb ntawm cov kev ua lub neej nyob ntawm thaj chaw ntawd them thiab qhov tseem ceeb ntawm tej kab lis kev cai ntawm thaj chaw ntawd rau neeg txum tim. Tab sis kuj yog ib cov kev lees paub tias yeej tseem muaj tej kev coj taug tej kab lis kev cai ntawd txuas ntxiv thiab yeej tseem muaj tam sim no thiab yuav muaj nyob mus ib txhis. Yog li ntawd cov kev ua tib zoo xyuas kom pab tau tej kab lis kev cai uas tseem coj tseem ua tam sim no kom tseem coj yuav pab kom ua tau tej kab lis kev cai ntawd thiab muaj kev ua kev zoo siab thiab qhib rau sawv daws, tab sis kuj yog ua tiam rau ib co neeg twg tsi ntsees raws li qhov tsim nyog thiab.''
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm [email protected]
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
