Lub koom haum Tourism Australia yeej lees paub tias muaj tej neeg ntoj ncig ntau tuaj ntxiv xav mus ncig xyuas neeg txum tim txoj kev ua lub neej txhua hnub thiab xyuas lawv tej kab lis kev cai.
Nicole Mitchell hais tias yeej muaj tej neeg ntoj ncig xav kawm kom paub zoo txog neeg txum tim thiab lawv lub teb chaws. Nws kuj yog tus coj lub koom haum Discover Aboriginal Experiences (DAE), uas yog lub koom haum Tourism Australia cov kev koom txhawb nqa neeg txom tim cov kev ntoj ncig.
Ms Mitchell hais tias “Xyoo 2023 ces twb muaj tej neeg ntoj ncig pej kum haiv txog 969,000 tus tau koom nrog neeg txum tim cov kev ntoj ncig rau lub caij lawv tseem tab tom tuaj xyuas teb chaws Australia.”
“Kuj yog tej yam zoo uas peb tau pom tias txij xyoo 2019 txog 2023 ces tau muaj tej neeg ntoj ncig hauv teb chaws ntau tuaj ntxiv txog 22 feem pua lawm. Los yog muaj tej neeg ntoj ncig ntau tshaj 1.1 million tus tau mus koom neeg txum tim cov kev coj neeg ncig teb chaws.''
Thiab txhua yam kev ncig ntawm lub koom haum DAE ces yeej muaj tej neeg txum tim Aboriginal or Torres Strait Islander ua cov coj tej neeg ncig.
Cov kev coj tej neeg mus ncig saib tej duab kos rau tej pob zeb ntawm Jarramali Credit: The Edit Suite/Tourism Australia
Tej tswv dab neeg thiab cov kev qia tej dab neeg
Juan Walker ces yog ib tug txiv neej neeg txum tim caj ceg neeg Kuku Yalanji uas tswj lub koom haum Walkabout Culture Adventures ntawm Far North Queensland.
Nws hais tias “Kuv xav tias yog koj xav kawm txog neeg txum tim Aboriginal tej kab lis kev cai thiab tej keeb kwm, ces qhov zoo tshaj plaws ces kawm ntawm tej neeg txum tim kom paub txog lawv tej dab neeg, kom yus thiaj li nkag siab tiag tiag txog lub teb chaws no thiab tej hiav txwv uas yus tab tom mus ncig.”
Tsis muaj ib txoj xub ke twg yuav zoo tshaj cov kev kawm los ntawm tej kab lis kev cai qub tshaj plaws uas tseem muaj tam sim no vim lawv yeej tau tswj tej nchaw no txij thaum ntuj tsim teb raug los lawm.Juan Walker, Walkabout Culture Adventures
Mr Walker kuj tau coj tej neeg ntoj ncig mus xyuas thaj hav zoov Daintree Rainforest muaj hnoob nyoog ntev txog 135 million xyoo dhau los uas nyob ze ntawm Port Douglas.
Nws kuj qhia nws tej txuj ci txog ntau cov ecosystem sib txawv, tej dag neeg, tej kab li kev cai thiab tej peev txheej ntau yam, thiab txhawb nqa kom tej neeg ntoj ncig mus saj tej zaub mob ntawm tej neeg zejzog ntawm tej chaw ntawd.
Zaub mob yog ib yam zoo qhia txog lub teb chaws ntawd rau tej neeg ntoj ncig.
Thiab yeej pom tias cov kev ntoj ncig mus xyuas neeg txum tim tej zaub mov yog ib cov uas muaj neeg nyiam tshaj plaws thiab tej zaub mov nrhiav tau tom hav zoov (bush foods) yeej raug lees paub tias nws qab raws nws ib tug yam ntxwv uas nrhiav tsis tau lwm qhov thiab siv tej zaub mov no ua ntau yam.
Lub koom haum Tourism Australia yeej lees paub tias muaj neeg kub siab txog neeg txum tim cov kev ntoj ncig ntau tuaj ntxiv lawm vim tej neeg ntoj ncig los yeej xav paub txog lawv cov kev ua lub neej txhua hnub thiab lawv tej kab lis kev cai.
Txheeb txog ntau yam dab neeg ntawm peb tej chaw
Yeej muaj ntau txoj xub ke mus ncig xyuas Australia tej chaw txawv ntau yam. Tsis hais yog cov kev taug kev, cov kev caij nkoj mus ncig, caij dav hlau ya siab saib ib thaj chaw twg, los yog cov kev caij tej tsheb kiv plaub lub log (4WD) mus ncig xyuas tej tiaj nyom puam khab, tej chaw no yeej muaj tej chaw rau tej neeg mus rub ntaub kaus pw hmo, mus txog rau tej chaw so luxury rau tej neeg tau so tib si.
Peb tej National Parks los kuj yog ib co ntawm ntau cov uas muaj tej duab kos rau pob zeb uas qub tshaj plaws hauv ntiaj teb no, uas muaj ib txhia ces yeej muaj hnoob nyoog ntev txog 20,000 xyoo diam. Yog li ntawd neeg txum tim tej neeg coj neeg mus ncig thiaj yuav muaj peev xwm qhia txog qhov tseem ceeb ntawm tej kab lis kev cai txog tej chaw no.
Kakadu National Park ntawm xeev Northern Territory (NT) ces yog ntiaj teb ib co qub puav pheej uas raug teev tseg tias yog ib cov chaw ib puag ncig tseem ceeb thiab yog ib cov chaw tsim nuj rau tej kab lis kev cai, thiab kuj yog thaj chaw uas muaj tej duab kos rau tej pob zeb ntau tshaj plaws.
Thaj chaw no thiaj muaj tej dej tsaws tsag, tej ntuj hiav txwv, tej tsiaj qus, thiab tej qhov da dej, thiab Kimberley ntawm xeev Western Australia (WA) ces yog ib thaj chaw uas muaj tej dua kos rau tej pob zeb zoo nkauj heev.
Tsis tas li ntawd los kuj muaj tej chaw tsis tshua tau luag peb tsawg li Mungo National Park uas yeej raug teev ua ntiaj teb ib co qub puav pheej nyob rau sab qab teb hnub poob ntawm xeev New South Wales (NSW) thiab.
Kuj tseem muaj ib lub tiaj nrag qhuv, uas yog lub pas Lake Mungo uas yog ntiaj teb ib qho chaw tseem ceeb tshaj plaws rau cov kev txheeb txog tej khoom qub txheej thaum ub. Ntawm thaj chaw no ces koj yeej muaj peev xwm mus xyuas tau, mus pw hmo tau los yog koom nrog ib tug neeg coj tej neeg mus ncig tau.
Cov kev koom neeg txim tim tej kab lis kev cai
Ms Mitchell hais tias tej neeg ntoj ncig yeej ib txwm tau mus koom kiag thiab nqes tes ua kiag tej neeg txum tim tej kab lis kev cai raws li qhov lawv npaj tau rau sawv daws koom.
Yus kuj muaj peev xwm koom ib chav kos duab, los yog caij ib lub tsheb quad bike mus rau ntawm tej roj xuab zeb ntawm Warami uas yog thaj chaw sab qaum teb ntawm nroog Sydney, thiab yus kuj kawm txog neeg txum tim tej kab lis kev cai.Nicole Mitchell, Discover Aboriginal Experiences
Ces thiaj ua rau tej neeg tau koom tej no thiaj tau qhia txog qhov tseem ceeb ntawm neeg txum tim cov kev coj tej neeg mus ncig lub teb chaws no kom muaj neeg rov qab kub siab txog thiab thiab yog tej yam uas tej neeg yuav nco ntsoov tsis ploj mus ib txhis.
Great Golf Courses of Australia aboriginal experience
Tej neeg zejzog ntawm tej chaw ntawd tau txais txiaj ntsim ntawm cov kev ntoj ncig
Tsis yog tias neeg txum tim cov kev ntoj ncig yuav khwv tau nyiaj rau tej neeg zejzog xwb, tab sis kuj tseem yog tej yam pab ceev txuag kom khaws tau lawv tej kab lis kev cai cia ntev ntxiv mus thiab.
Nicole Mitchell tshab txhais tias lub koom haum Maruku Arts ces yog lub koom haum muaj 900 tus neeg kos duab ntawm tej zejzog yaj sab nyob deb ntawm Central Australia. Ces tej neeg txum tim thiaj nyob ntawm tej zos ntawd rau lub caij lawv muag lawv tej duab, los yog npaj lawv tej workshops los yog coj neeg ncig xyuas lawv tej kab lis kev cai, thiab qhia txog lawv tej xub ke ua neej qub qub ntawm tej tiaj suab puam.
Nws hais tias “Lawv kuj qhia ua lawv cov lus Pitjantjara kom thiaj pab lawv ceev txuag tau lawv tej lus thiab,” tsis tas li ntawd los kuj tseem muaj tej workshops uas qhia tej neeg kos neeg txum tim tej duab uas tub ua ib tee ib tee thiab.
Juan Walker hais tias nws cov kev coj tej neeg ncig thiab qhia txog neeg txum tim tej kab lis kev cai tau pab kom nws qhia tej neeg ntoj ncig txog neeg txum tim Aboriginal tej keeb kwm thiab qhia txog nws tsev neeg tej keeb kwm, rau lub caij nws tseem nyob ntawm tej chaw ntawd.
“Yus tsis tas yuav mus nrhiav hauj lwm ua rau lwm qhov chaw li, thiab tej hauj lwm no pab kom kuv tau nyob ze nrog kuv tsev neeg thiab kuv tej neeg thiab tau sib cuag nrog lub teb chaws ntawd. Cov kev faib thiab qhia tej neeg txog kuv tej puav pheej kuj yog ib lub zoo tswv yim khwv tau nyiaj rau yus, thiab pab kom tej neeg hwm lub teb chaws thiab tej hiav txwv los yog tej dej uas lawv tau mus xyuas ntawd thiab.”
As a First Nations Storyteller, Bundjalung man Kyle Ivey guides visitors on a climb of the Sydney Harbour Bridge as part of the Burrawa Aboriginal Climb Experience. Credit: davidf/Getty Images
Tej kab lis kev cai ntawm tej nroog
Yeej tseem pom tias tej neeg pheej xav tias tsuas muaj neeg txum tim tej kab lis kev cai ntawm tej zos toj siab uas nyob deb xwb, tab sis tej zaum koj yeej tau hnov txog tej dab neeg ntau yam ntawm peb tej nroog lawm thiab.
Kyle Ivey uas yog ib tug txiv neej neeg txum tim caj ceg neeg Bundjalung thiab kuj yog ib tug neeg qhia neeg txum tim tej dag neeg thaum nws coj tej neeg ntoj ncig mus mus nce tus choj Sydney Harbour Bridge tam li yog ib co
Nws hais tias nws yeej xav muab cov kev coj tej neeg nce tus choj no piv tam li yog ib cov kev sib kho kom muaj txoj kev sib nkag siab.
“Thaum kuv tseem nce tus coj ntawd ces kuv yuav nres thiab yuav qhia txog qee yam kom thiaj li qhia tau tej dab neeg yooj yim me ntsis.”
Tej neeg tau ces yog ua rau nws muaj kev txaus siab heev, tsis yog tias txaus siab rau nws tus kheej xwb tab sis tseem yog tej yam zoo rau neeg txum tim 500 pawg sib txawv ntawm teb chaws Australia no thiab.
“Tsis tas li ntawd los kuj yog tej yam pab kom kuv cim xeeb zoo thiab. Thiab yog tej yam txhawb nqa kom kuv haj yam kub siab tshaj no, thiab txhawb fawb kom ntau tshaj no ntxiv, kom qhia tau txog peb tej neeg coob ntxiv, thiab ua tib zoo xyuas kom kuv nco tau tej npe. Ces thiaj yog tej yam uas ua rau yus txaus siab heev.''
Ntawm plawv nroog Melbourne ces koj kuj muaj peev xwm mus koom tau cov kev coj tej neeg mus ncig hu ua Birrarung Wilam Walk raws tus dej Yarra River mus saib neeg txum tim Aboriginal tej duab los yog tej art uas coj mus txho rau ntawm ntau thaj chaw thiab.
Ces yuav muaj neeg qhia rau yus tias ho muaj cov kev pauv hloov li cas raws lub caij nyoog thiab ho yog ib qho chaw sib ntsib sib sau tseem ceeb li cas rau cov neeg txum tim Kulin.
ces kuj yog neeg txum tim ib lub koom haum coj tej neeg ntoj ncig ntawm nroog Melbourne. Cov kev coj tej neeg ncig hu ua One Walk uas coj ncig raws tus dej Yarra thiab kuj muaj cov kev coj tej neeg ncig ntawm Fitzroy thiab.
Ntawm xeev Tasmania ces kuj muaj tej neeg txum tim Nipaluna ntawm Hobart coj tej neeg ncig. Thiab yuav tau kev ntev txog li 90 ntiag tiv (Minutes) thiab muaj cov kev ua yeeb yam uas qhia txog tej xwm txheej tsis zoo los yog tej dab neeg uas muaj teeb meem puas tsuaj loj rau tej neeg zejzog Palawa thiab.
Petermann, Northern Territoty / Australia - December 8, 2019: A tour guide walked through the safety precautions of hiking into Kata Tjuta near a tent Credit: alanlim97/Getty Images
Neeg txum tim cov kev ntoj ncig pab kho kom muaj kev sib raug zoo
Nicole Mitchell hais tias neeg txum tim tej hauj lwm li no yuav ua rau tej neeg txum tim thiab tej neeg uas tsis yog neeg txim tim sib pauv hloov thiab sib qhia tej txuj kab lis kev cai.
Nws hais tias “Kuj yog tej yam yuav pab kho kom muaj kev sib haum xeeb kev sib sib raug zoo. Thiab tej neeg los tab tom kawm txog ntau yam kab lis kev cai sib txawv ntawm Australia. Ua ke no los kuj yog ib lub cib fim rau tej zej zog no los qhia txog lawv tej dab neeg rau lwm tus. Yeej tau muaj ib tug neeg coj tej neeg ncig tau qhia rau kuv tias 'peb yuav tau faib thiab qhia peb tej kab lis kev cai rau lwm tus mas peb thiaj yuav ceev txuag tau'.”
Subscribe thiab mloog cov xov xwm Australia Explained kaw ua suab uas muaj ntau yam xov xwm tseem ceeb thiab tej lus taw qhia pab kom koj ua tau lub neej tshiab ntawm teb chaws Australia.
Yog tias koj muaj lus nug dab tsi los yog muaj ib lub tswv yim dab tsi ces xa email rau
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
