Cej luam txog cov kev poob deg

Raws li tsab ntawv cej luam tshiab National Drowning Report uas koom tes teeb txheeb ntawm lub koom haum The Royal Life Saving Society Australia thiab Surf Life Saving Australia uas tau coj mus tshaj tawm rau ntawm phau ntawv xov xwm Australia and New Zealand Journal of Public Health tau qhia ces lub caij so public holidays thiab long weekends yog lub caij uas yuav ua rau muaj neeg Australia poob deg ntau dua. Thiab kuj pom tau tias tej neeg muaj hnoob nyoog 45 xyoos los yog siab tshaj ntawd yog cov poob deg tas sim neej coob tshaj plaws, ua ke no los kuj pom tias muaj tej me nyuam yaus poob deg tsawg lawm thiab. Txawm li cas los tej kws paub txog kev nyab xeeb txog dej hais tias kom siv lub tswv yim ''stop, look and plan'' los yog kom cheem tus kheej, txheeb thaj chaw yus yuav mus ua si seb puas muaj tau teeb meem phom sij rau yus, thiab npaj tswv yim tias yuav ua li cas kom yus thiaj tau txais kev nyab xeeb.