Ntsiab lus tseem ceeb:
- Koj yuav tau them tej paj, tej nqe sib txawv, tsuas nyob rau ntawm seb kom qev hom nyiaj zoo li cas los yog koj ho poob rau tej xwm txheej zoo li cas xwb.
- Koj tej credit score yuav ua cov uas tej chaw qev nyiaj yuav txheeb seb koj puas muaj peev xwm them tau tej nyiaj qev los siv raws li qhov tsim nyog..
- Tej chaw qev nyiaj tsuas kub siab txog koj tej keeb kwm siv nyiaj (credit history) ntawm Australia no xwb.
Cov kev qev nyiaj rau ntiag tug siv (Personal loan) no ces yog ib co kev qev nyiaj uas yuav pub yus qev tau ib co nyiaj los siv, tab sis yus yuav tau them rov qab, thiab yuav tau them nrog paj los yog lwm yam nqe, thiab them rov qab kom tag rau ib lub caij twg.
Thiab peb yeej ib txwm siv cov personal loan coj los siv ua ib yam dab tsi tsi ntsees li yuav ib lub tsheb, siv mus holiday, siv coj los ua ib lub rooj tshoob, los yog siv coj los tswj tag nrho yus tej nuj nqe ua ke.
Raws li Andrew Dadswell uas yog ib tug neeg ntawm ASIC’s Moneysmart team hais ces “Tej txiaj ntsim ntawm ib co personal loan ces yog pab kom koj muaj peev xwm them ib co nqe twg rau ib lub caij twg, thiab pab kom koj muaj peev xwm tswj tej koj tej nyiaj uas npaj tias yuav siv ua dab tsi."
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
“Qhov tsis zoo ntawm cov personal loan no ces yog koj yuav tau them qee yam nqe thiab yuav tau them paj.”
Thiab peb yeej muaj peev xwm qev tau nyiaj txij li $2,000 txog $100,000, thiab them rov qab kom tag rau lub sij hawm txij ob xyoos mus txog xya xyoo.
Koj puas yog tus neeg muaj cai qev cov nyiaj personal loan siv?
Yog tias koj xav qev cov nyiaj personal loan coj los siv, ces koj yuav tsum yog ib tug pej xeem Australia, yog ib tug neeg nyob ruaj ntawm Australia thiab yuav tsum muaj hnoob nyoog nto 18 xyoo los yog muaj hnoob nyoog siab tshaj ntawd.
Mr Dadswell hais tias “Tab sis kuj muaj qee zaus uas txawm tias koj yog ib tug neeg thov tau visa tuaj nyob ib ntus ntawm Australia xwb los tej zaum koj kuj yuav muaj peev xwm qev tau cov nyiaj personal loan coj los siv thiab, tab sis lawv xav tau qee yam dab tsi ntxiv ntawm koj ua ntej tso.”
Tej chaw qev nyiaj tsuas kub siab txog koj tej keeb kwm siv nyiaj ntawm teb chaws Australia no xwb. Lawv xav tau koj tej keeb kwm ua hauj lwm, koj tej ntaub ntawv cim thawj (proof of identity) thiab seb koj puas muaj peev txheej dab tsi los yog puas tiv nuj nqe dab tsi, suav cov kev tiv cov nuj nqe credit cards nrog.
Tsis tas li ntawd los lawv tseem xav txheeb koj tej ‘credit score’ thiab.
Daim ntawv credit report nyob saum rooj nrog lwm yam ntaub ntawv nrog ib tug cwj mem, tsom iav, thiab lub tshuab xam zauv. Credit: courtneyk/Getty Images
Credit score yog dab tsi?
Amy Bradney-George uas yog ib tug kws paub zoo txog tej nyiaj personal loan ntawm lub tuam txhab Finder hais tias kom xam tias cov credit score ces yog koj tej keeb kwm siv nyiaj ntawm teb chaws Australia.
“Koj tej credit score ces yog ib co zauv uas feem ntau yeej pib ntawm 0 txog rau 1000, uas yog tej yam uas tej chaw qev nyiaj yuav siv coj los ntsuam tias seb koj puas muaj peev xwm yuav tswj thiab them tau tej nyiaj qev los siv no rov qab raws li qhov tsim nyog.”
Yog tias koj tau cov credit score tsawg ces yuav raug kev phom sij ntau dua rau tej neeg qev nyiaj rau koj siv yog li ntawd lawv yuav tsub paj kim dua rau koj them.Amy Bradney-George
Thiab koj yuav tau cov credit score tsawg yog tias koj pheej tsis them tej nqe siv credit cards los yog tej nyiaj qev los siv yav tag los.
Txawm tias ib txhia yeej xav mus sim qev nyiaj tib zaug ntawm ntau lub chaw qev nyiaj kiag, los cov kev ua li no kuj yuav ua rau koj tau cov credit score tsawg dua thiab vim yog tej yam qhia tias koj muaj teeb meem nyiaj txiaj lawm.
Ib tug poj niam neeg dawb tab tom txheeb xyuas ib lub tsheb sports car uas tiv muag ntawm ib lub chaw muag tsheb. Credit: Jacobs Stock Photography Ltd/Getty Images
Ho muaj hom nyiaj personal loans twg rau koj qev?
Xav kom koj xub pib mub txheeb txog tej chaw qev nyiaj ntawd, seb lawv tsub paj li cas, muaj tej nqe dab tsi koj yuav tau them, koj yuav tsum yog cov neeg zoo li cas lawv thiaj kam qev rau koj, thiab seb qev lawm yuav tau them npaum li cas rov qab thiab them kom tag rau lub caij twg.
Tej chaw qev nyiaj li tej banks thiab mutuals yeej muaj ntau hom personal loans uas tej them paj muaj ntsis zoo sib yam rau koj qev siv.
Paul Farmer ntawm lub chaw qev nyiaj Heritage and People's Choice tshab txhais tias “Banks and mutuals los yeej yuav tau ua raws li tej cai tswj cov kev qev nyiaj uas yuav tau ua tib zoo xyuas kom tus neeg qev nyiaj siav ntawd muaj peev xwm them rov qab.”
“Tej chaw qev nyiaj uas tsis yog tej txhab nyiaj yeej muaj ntau yam nyiaj personal loans rau koj qev siv, thiab lawv yeej tsis txheeb nruj li tej txhab nyiaj. Tab sis tej zaum koj yuav tau them paj kim dua los yog yuav tau them lwm yam nqe rau tej nyiaj koj qev ntawm lawv siv no.”
Muaj ob yam personal loan li secured thiab unsecured uas tsim nyog koj txheeb xyuas.
- Secured loans ces yog cov nyiaj uas koj qev coj los yuav tej peev txheej loj li yuav tsheb. Thiab tej chaw qev nyiaj ntawd yuav siv koj tej peev txheej coj los ua cov zoj khi - guarantee - kom muaj teeb meem tsawg rau lawv yog tias koj tsis muaj peev xwm them tau tej nyiaj qev ntawm lawv rov qab rau lawv. Yog tias koj tsis muaj peev xwm them rov qab ces lawv yuav txeeb koj tej khoom koj yuav ntawd rov qab. Thiab feem ntau mas cov secured loans no yog cov loan uas tsuas tau them tus paj xwm yeem li qub xwb.
- Unsecured loans ces yog cov loans uas tsis tas siv ib yam peev txheej (khoom) dab tsi xiab, tab sis koj yuav tau them paj kim dua.
Mr Farmer hais tias “Tab sis lub chaw qev nyiaj ntawd kuj tsuas pub koj qev tau tsawg dua thiab tsuas qev tau txij li ntawm $2,000 to $20,000 xwb.”
Cov kev qev ib co nyiaj los siv
Yog koj ntseeg koj tus kheej tias koj muaj peev xwm them rov qab, ces koj yeej muaj peev xwm qev tau hauv tej chaw qev nyiaj online thiab tsuas xa koj tej ntau ntawv rau lawv xwb.
Thiab kuj tsis yog tej yam dab tsi txawv uas tej zaum tej chaw qev nyiaj ntawd tsis kam qev nyiaj rau koj.
Ms Bradney-George ceeb toom tias thaum uas lub chaw qev nyiaj ntawd los txheeb kom daim ntawv qev nyiaj, ces tej zaum lawv kuj yuav txheeb tias seb tej nyiaj koj khwv tau los puas txaus siv coj los them tej nyiaj koj qev coj los siv ntawd.
“Dua ntawm cov kev cuam tshuam txog tej nyiaj koj khwv tau los ntawd lawm, los yog tias koj tsis tau ib txoj hauj lwm ua ruaj, thiab tsis tau ua txoj hauj lwm ntawd ntev, ces tej zaum lawv kuj yuav muab tej no los txiav txim tsis kam qev nyiaj rau koj thiab.”
Koj yeej muaj peev xwm sab laj nrog lub chaw qev nyiaj rau koj siv ntawd yog tias koj ho txom nyej nyiaj txiaj kom thiaj nrhiav tau ntau txoj xub ke pab koj them rov qab. Source: iStockphoto / Atstock Productions/Getty Images/iStockphoto
Tab sis yog tias koj tsis muaj peev xwm them rov qab ne?
Cov kev pheej them lig yuav ua rau koj tau them lwm yam nqe tsub ntxiv.
Thiab yog tias ho muaj kev pauv hloov rau tej nyiaj txiaj koj khwv tau lawm thiab koj ho txom nyem nyiaj txiaj, ces yog tej yam tseem ceeb uas koj yuav tau sab laj nrog lub chaw qev nyiaj rau koj tham seb ho muaj tej xub ke twg uas koj muaj peev xwm them.
Tsis tas li ntawd los koj muaj peev xwm siv tau tej neeg pab sab laj tawm tswv yim txog nyiaj txiaj uas siv tau dawb ntawm raws tus zauv xov tooj 1800 007 007.
Thiab koj yeej muaj peev xwm siv lub koom hais txhais lus thiab txhais ntawv uas siv tau dawb xwb kom lawv hu rau lub chaw qev nyiaj uas koj xav nrog tham ntawd pab txhais lus rau koj.
Ceev faj tsam raug neeg phem dag
Andrew Dadswell ntawm Monenysmarts hais tias “Yog tias muaj muaj ib lub tuam txhab twg los yog ib tug neeg twg cia li hu nrog koj tham thiab qhia tias lawv xav qev nyiaj rau koj siv, ces xav kom yuav tsum mus txheeb lub tuam txhab ntawd los yog tus neeg ntawd kom ntxaws tias seb yog leej twg tso.”
“Tsis txhob cia li pom zoo nrog ib yam dab tsi kiag tam sim ntawd. Thiaj xav kom koj yuav tau ceev faj txhua sij hawm thiab yog koj tsis paub tseeb, ces xav kom koj thov kev pab cuam.”
muaj peev xwm pab koj txheeb tias seb puas yog ib cov kev dag thiab yuav taw qhia rau koj tias seb puas yog koj raug neeg phem dag.
