Ntsiab lus tseem ceeb:
- Capital gains tax (CGT) yog tej se nyiaj tsam uas yuav tau them thaum koj muag tsev, shares, thiab cryptocurrency.
- Tej nyiaj koj khwv tau tsam los ntawm cov kev muag koj lub tsev ces tsis tau them se CGT.
- Yog tsis them CGT ces tej zaum ATO kuj yuav nplua hnyav thiab.
ces yog ib co se uas them rau tej nyiaj khwv tau los ntawm cov kev muag tej peev txheej. Yog tias koj khwv tau nyiaj tsam (profits) thaum muag ib yam peev txheej, ces txhais tias koj yuav tsum tau them se ntau ntxiv xwb.
Cov se no ces yuav them raws yus ntiag tug tej nyiaj khwv tau los thaum thov se rov qab thaum xaus Australia cov financial year rau hnub tim 30 lub 6 hlis ntuj.
Tej neeg Australia uas ua hauj lwm thiab yuav tau them se uas tau muag ib co peev txeej twg li vaj tse los yog shares ntawd ces yuav tsum tau qhia tias seb muag tau nyiaj los yog poob peev li cas rau lub caij uas thov se rov qab rau tej nyiaj ntiag tug uas khwv tau ntawd thiab kom thiaj tsis txhob raug nplua.
Txawm tias CGT yog ib lub npe se txawv los yeej yog ib feem ntawm yus tej nyiaj uas yus khwv tau (income tax) thiab.
Tej neeg Australia uas ua hauj lwm thiab yuav tau them se yeej muaj lub luag hauj lwm yuav tau qhia rau nom tswv tias seb lawv puas yuav tau them tej se capital gains los yog capital losses nrog rau lawv tej income tax return thiab kom thiaj li them se raws li qhov tsim nyog.
ATO yog lub tuam chav uas tswj tag nrho tej hauj lwm sau se thiab tej nyiaj khwv tau los ntawm Australia.
Tej neeg feem coob ces yeej siv tax accountants thaum lawv thov se rov qab ib xyoos twg.
Manoj Gupta ces yog ib tug accountant ntawm nroog Melbourne tshab txhais tias cov se CGT yog dab tsi thiab ho ua hauj lwm li cas.
Nws hais tias "Capital gains tax ces yog ib co se uas tsoom fwv tsub se rau tej nyiaj tsam (profits) uas peb tau los ntawm cov kev muag tej peev txheej...tsis hais yog tej vaj tse, tej shares, thiab tam sim no ces yog tej cryptocurrency los yog lwm yam peev txheej. Suav tej peev txheej uas yus muaj txawv teb chaws nrog tib si thiab.''
Yog li ntawd yuav tsum ua zoo xam seb koj ho tau nyiaj tsam los yog pob nyiaj npaum li cas rau tej peev txheej ib yam twg uas koj muag thiab them se raws li qhov tsim nyog tsuas yog tias ntshe nom tswv ho teev tseg tias tsis tau them se xwb.
Ib tug poj niam accountant los yog tus neeg ua hauj lwm hauv txhab nyiaj tab tom xam nyiaj. Tej nyiaj peb khaws cia, nyiaj qev los yog tej nyiaj uas peb khwv tau los, los sis yog poob peev. Source: Moment RF / Prapass Pulsub/Getty Images
Raws li Mr Loh hais ces "Piv txwv tias Noori yuav ib co shares raug nyiaj $5000, thiab nws khaws cov shares ntawd 6 hli thiab rov qab muab muag tau $5500. Thiab xam tias nws tsis muaj lwm yam se yuav tau them rau tej nyiaj khwv tau los yog poob peev ntawd, ces Noori yuav tsum tau them se capital gain tax rau $500 ntawd thaum nws mus thov se rov qab thiab yuav xam raws li tej se nws them rau tej nyiaj ntiag tug uas nws khwv tau ntawd."
CGT exemptions
Txawm tias tsuas them cov uas tau los ntawm cov kev muag tej vaj tse feem ntau xwb, los yog tej yam tseem ceeb uas xav kom tej neeg nkag siab tias muaj ib txhia vaj tse ces tsis tau them tej se CGT dab tsi thiab.
Mr Gupta tshab txhais tias "Raws li ib txwm pom, ces yog tias yus muag lub tsev uas yus yuav los nyob ntawd xwb ces yuav tsis tau them se capital gains tax dab tsi.''
Thiab yeej muaj coob tus yeej tseem tau them tej CGT tsawg zog thiab.
Thaum yus muag ib yam peev txheej dab tsi, ces yus kuj muaj peev xwm txog tau yus tej se txog li 50 feem pua thiab yog tias yus yuav tau lub tsev ntawd yam tsawg li 1 xyoos thiab yus yog ib tug neeg Australia uas ua hauj lwm them se.
Thiaj hu cov kev txo se no ua CGT discount, txhais tias yus tsuas tau them se ib nrab rau tej nyiaj yus khwv tau los ntawm cov kev muag lub tsev ntawd xwb.
Cov ntoo muab txiv luv luv sau los lus se 'Tax' tso rau saum ib co nyiaj Australia Source: iStockphoto / alfexe/Getty Images
Cov kev rau txim rau tej kev tsis them se
Txawm tias tej neeg Australia ua hauj lwm uas yuav t au them se yeej tau qhia rau nom tswv tias lawv khwv tau nyiaj li cas thiab yuav tau them se rau thaum xaus financial year, los yeej muaj ib txhia neeg ntiag tug lug hla tsis xav them se, ces tej zaum thiaj yuav ua rau lawv raug nplua thiab los kuj tau.
Mr Loh tshab txhais tias ATO yeej txheeb tej neeg uas lawv xav tias tsis them se no cov kev siv nyiaj thiab txheeb tias seb puas yog lawv tsis them se rau ib cov nyiaj lawv khwv tau los twg.
Nws hais tias "Peb yeej tau tej xov xwm los ntawm tej txhab nyiaj, ntawm nom tswv tej tuam chav khaws tej nyiaj khwv tau los, tej tuam chav tswj ntawv tso cai siv av, tej tuam txhab muag nyiaj tuav pov hwm, thiab tej koom haum teev txog tej share.''
Yog koj tsis paub tseeb tias seb puas tau them capital gains tax los yog ho tau ua ib yam dab tsi yuam kev thaum thov se rov qab, ces yog tej yam tseem ceeb uas koj yuav tau sib cuag nrog peb ntawm ATO los yog rog ib tug registered tax agent twg sab laj.Tim Loh
rau tej neeg uas tsis them tej se capital gains tax thiab, zoo tib yam li lwm cov se uas yuav xam raws li qhov tsim nyog tau rov qab los yog tseem them tsis tau txaus, thiab tej cwj pwm ntawm tej neeg ntiag tug thiab.
ATO mam li ua tus txiav txim tias seb tias seb tus neeg ntawd puas coj tej cwj pwm tsis kub siab txog nws cov kev tsis them se, los yog yeej kub siab them seb, los sis yog txhob txwm tsis them se. Ces thiaj li yuav muaj cov kev nplua sib txawv raws tej cwj pwm li tau hais no ib yam twg.
Ntxiv ntawd los tej zaum ATO kuj tseem yuav tsub paj rau ib co se uas tsis them rau nom tswv thiab.
Mr Loh hais tias tej zaum kuj yuav nplua txij li ntawm 25 txog 100 feem pua rau tej se tsis them ntawd tsuas nyob rau ntawm seb tej xwm txheej ntawm ib tug rau ib tug ho sib txawv li cas xwb.
Nws hais tias "Yog tias koj lug hla tsis them se, ces kuj yuav muaj cov kev rau txim raws li tej cwj pwm koj ua ntawd xwb thiab. Yog koj tsuas ua yuam kev xwb ces kuj yuav tsis nplua loj. Tab sis yog koj txhob txwm tsis xav them thiab lug hla tsis them se, ces koj yuav raug nplua hnyav heev.''
Cov kev txhob txwm tsis them se thiab pheej rov qab txhob txwm tsis them se ntxiv thiab tej zaum kuj yuav raug txim tau.
Australia yeej yog lub teb chaws uas tej lagluam yeej tsis siv nyiaj ntsuab lawm.
Txawm li cas los, kuj tseem muaj ib txhia neeg tseem siv nyiaj ntsuab kom thiaj pab tau lawv tsis txhob qhia tias lawv khwv tau nyiaj npaum li cas uas yuav tau them se kom thiaj lug hla tsis txhob tau them se thiab.
Tab sis kuj tsuas pom tej xwm txheej no tsawg tsawg xwb thaum muag tej peev txheej vaj tse thiab shares uas yuav tau them cov CGT ntawd.
Mr Gupta tshab txhais tias "Nyob ntawm Australia no ces tej zaum yuav tsis muaj tej xwm txheej no tshwm sim vim feem ntau ces yeej siv nyiaj hauv tej txhab nyiaj ntau dua cov kev siv nyiaj ntsuab xwb."
Mus hais kom thim cov kev nplua cuam tshuam txog cov kev them se
Tej neeg ua hauj lwm them se muaj peev xwm mus hais yog lawv ntseeg tais lawv raug nplua yuam kev lawm.
Yog tias ATO txaus siab rau cov kev hais kom thim cov kev nplua no, ces tej zaum nws yuav txo cov kev nplua los yog muaj qee zaus uas tsis hais kom yus them dab tsi li.
Mr Loh hais tias "Koj yuav tsum tsis pom zoo nrog ATO cov kev txheeb koj tej tax return thiab koj yuav tsum mus hais kom thim tsis txhob nplua yus los yog nplua tej se uas yus yuav tau them rau nom tswv.''
Mr Loh hais tias cov kev yuav tau them tag nrho tej se tsim nyog them suav cov kev them tej se CGT nrog ntawd yog tej yam tseem ceeb uas yuav pab peb lub teb chaws.
Yog thaum koj tsis them koj tej se lawm, ces yuav ua rau peb ib tug twg yuav ntsib teeb meem tau thiab. Txhais tau tias peb tej teej kawm, tej tsev kho mob yuav tsis muaj lees kais, tsis muaj tej kws kho mob, tsis muaj tej nurses txaus los pab Australia tej zejzog.Tim Loh
Cov kev poob peev
Kuj txawv cov kev ib txwm nkag siab uas yog thaum khwv tau nyiaj lawm ces yuav tau them se rau tej nyiaj yus khwv tau, tab sis muaj qee zaus txawm tias yus poob peev los kuj yeej tseem yuav tau them se thiab. Cov se no hu ua capital loss.
happy African couple outside home with sold sign giving thumbs up Source: iStockphoto / michaeljung/Getty Images
Nws tseem nco tau thiab hais tias "Peb yuav ib lub tsev ua luam ntawm xeev Tasmania. Thaum peb yuav ces raug nyiaj $420,000 thiab peb kuj tau nyob tau ob peb xyoos ua ntej tsiv mus nyob Brisbane. Ces peb kuj tau muab ntiav rau lwm tus nyob tau ob peb xyoos thiab, tom qab ntawd ces peb xav muab muag. Tab sis tus nqe tsev poob ua $380,000 lawm xwb. Ces thaum peb mus thov se rov qab ces ATO hais tias ''peb yuav tau them cov se capital gain'.''
Tau muaj tej xwm txheej no thaum uas thov tau nyiaj rau tej nqe siv rau ib lub tsev nqe peev lagluam, tab sis cov kev ua luam poob peev no pheej tseem ua rau ib txhia tswv tsev ntseeg tias lawv twb poob peev lawm, tab sis ATO tseem xav tias yog ib cov nyiaj uas lawv khwv tau thiab.
Mr Subramanya thiaj qhia tias ho muaj tej xwm txheej no tshwm sim li cas.
Nws hais tias "Peb yeej tau thov tej kev txo se rau tej khoom qub law, tej nqe siv tu thiab saib xyuas lub tsev, thiab them tej council rate uas tau ua rau tus nqe tsev poob los ua $355,000 lawm. Tab sis tam sim no lawv tseem kom peb them cov capital gain tax txog $3,000 los yog $4,000 dollars rau cov nyiaj $25,000 capital gain tax thiab.
Txhua tus neeg ua hauj lwm khwv tau nyiaj yuav tsum tau thov se rov qab piv txij li thaum tim 1 lub 7 hli ntuj mus txog tim 30 lub 6 hli ntuj. Thiab yog tias koj xav tau neeg pab koj se rov qab ces koj muaj peev xwm sab laj tau nrog ib tug tax agent tau tsis pub dhau tim 31 lub 10 hli ntuj.
yeej muaj tej xov xwm tseem ceeb ntau yam cuam tshuam txog tag nrho tej se ua 36 hom ntawv.
