Raws li phau ntawv xov xwm Telegraph tau qhia, txij thaum tau muaj Askiv lub tuam txhab Cambridge Analytica uas yog ib lub tuam txhab tawm tswv yim pab fab laj fai kum xeeb rau teb chaws America tau muaj feem cuam tsuam rau cov neeg America 50 roob tus tej xov xwm paim quav uas cuam tshuam txog America tus thawj tsav meem cov kev sib tw xaiv tsa los ua nom teb chaws xyoo 2016 ntawd, lub tuam txhab no tau muab nws tus coj rho tawm hauj lwm lawm vim lawv kaw tau nws ib cov lus cuam tshuam txog cov teeb meem no.
Tau muaj lub tuam txhab Fan Yuan sawv cev rau ntau caum tus neeg nqes peev rau Facebook lub tuam txhab tau coj Facebook mus hais plaub liam tias nws dag thiab tsis qhia qhov tseeb thiaj ua rau Facebook cov lagluam poob nyiaj txog USD 64 billion.
Thiaj tau muaj neeg tau tsim cov hashtag thiab dcoj los tawm tsam nrog lub tuam txhab Facebook no ces thiaj ua rau muaj neeg nyiam lub txwv yim no tshaj 10 txheeb tus lawm.
Yog vim li no Mark Zuckerberg uas yog tus coj thiab tsim tsa lub tuam txhab social media Facebook no thiaj tau tawm los thov txim thiab tau qhia tias nws yuav los txheeb thiab tshuaj ntsuam xyuas tej teeb meem no seb yog li cas thiab tiv thaiv kom txhob muaj tej xwm txheej zoo li no tshwm sim ntxiv lawm. Nws kuj tau qhia tias nws txaus siab rau US Congress nug nws txog cov teeb meem no.
Askiv cov nom hauv tsev tsoom hwv thiab cov teb chaws Europe kuj tau hais kom Facebook muab pov thawj tim khawv los qhia lawv qhov tseeb seb yog li cas tiag puas muaj teeb meem li cas rau lawv tej pej xeem uas siv Facebook.
Ntawm teb chaws Australia los kuj tau muaj neeg nqua hu kom tsoom hwv kho nws tsab cai Privacy Act kom nruj ntxiv coj los tswj cov tuam txhab uas pheej ua tej neeg ntiag tug tej xov xwm paim quav ntawd tab sis tsoom hwv Australia qhia tias nws yuav tsis kho dab tsi tam sim no.
Tau muaj cov kws txawj txeeg paub zoo txog cov cyber security tau qhia tias kom yuav tsum siv cov password zoo, txhob qhia yus lub hnoob nyoog tiag thiab yuav tsum tua lub pob qhia tias yus nyob qhov twg los yog thaum yus siv Facebook los sis tej vas sab yuav tsum tau ceev faj xyuam xim, thiab ua zoo xyuas seb yog vim li cas thiaj tso tej xov xwm ntawd los yog xyuas cov privacy setting kom tsuas pub yus tej zoo phooj ywg, txheeb ze, yus tsev neeg pom thiab paub xwb tsis yog yuav tso rau ntiaj teb saib.
Tab sis tej neeg txawj txeeg paub txog txoj kev nyab xeeb rau cov kev siv online thiab internet hais tias yeej tsis muaj neeg kub siab los ua tej hais dhau los no kom thiaj li yuav muaj peev xwm tswj tau kev ruaj ntseg thiab kev nyab xeeb rau lawv li.
Tsis tas li no lawv tseem tau hais ntxiv tias yog peb tsis paub thiab tsis totaub txog tej tuam txhab lagluam social media tej qauv lagluam tias lawv ua li cas, khaws peb tej xov xwm li cas coj mus siv li cas yam tsis tau txais kev tso cai ntawm peb ces kuj yuav ua rau peb raug teeb meem phom sij thiab pheej hmoo tau. Yog li thiaj tsim nyog peb yuav tau sawv los tawm tsam pov puag peb txoj cai thiab tsoom hwv los yog tej tuam txhab social media los yuav tsum tau kub siab los nrog xyuas tib yam kom txhob muaj tej teeb meem txuam yuaj ua rau tej neeg siv cov social media no tej xov xwm ntiag tug paim quav thiab raug lwm tus coj mus siv yam tsis raug kev raug cai.#
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
Mus download tau SBS Radio app tau hauv Google Play thiab App Store ntawm tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau tau.
Koj muaj peev xwm mloog tau cov xov tooj cua tau raws li lub vam sab ntawm no:
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
