Ntsiab lus tseem ceeb:
- Raws li tsoom fwv teb chaws tsab cai anti-discrimination law teev tseg cev cov kev cais ib tug twg vim nws tej kev ntseeg nkaus xwb yeej tsis yog ib cov kev ua txhaum cai dab tsi tab sis tej nom tswv xeev tej cai hais tias yog ib cov kev ua txhaum cai.
- Tej koom haum li Fair Work Commission, Australian Human Rights Commission thiab tej koom haum anti-discrimination yog tej chaw tsis yog tsev hais plaub uas yus muaj peev xwm sau ntawv mus yws tsis txaus siab rau.
- Thiab muaj qee zaus ces tej zaum kuj muaj laj thawj zaus txaus yuav txwv ib tug neeg ua hauj lwm twg tsis pub ua lawv cov kev ntseeg ntawm tej chaw ua hauj lwm thiab.
Ntawm Australia no ces yeej tsis muaj ib tsab cai zoo tib yam yuav raug siv coj los pov puag tej kev ntseeg thiab ntau xyoo tsis ntev los no yeej tau tsim ib cov txheej txheem xav los tsim kom tau tsab cai .
Ces thiaj yuav siv tsab cai no pov puag tej neeg kom tsis txhob raug cais vim lawv tej kev ntseeg raws tsab cai
Hos yog tham txog cov kev ua hauj lwm lawm, ces yeej muaj tsab cai uas siv thoob haiv neeg no pov puag tsis pub faib cais ib tug twg vim lawv cov kev ntseeg, tab sis kuj tsuas pov puag tau me ntsis xwb thiab.
Karina Okotel ces yog tus kws lij choj tseem ceeb ntawm lub koom haum , uas yog ib lub koom haum caij lij choj zejzog uas siv tau thoob plaws haiv neeg no nyob ntawm Australian Capital Territory (ACT).
Nws thiaj hais tias thawj kauj ruam uas ib tug neeg ua hauj lwm twg yog raug lwm tus cais vim nws tej kev ntseeg kom nrog Fair Work Commission tham thiab txheeb seb puas muaj cai mus hais raws li tsab cai no.
“Lawv muaj peev xwm txiav txim siab uas yuav tsum tau ua raws. Tab sis Fair Work Commission yeej tsuas muaj fwj chim tsawg raws li tej cai tau teev tseg xwb thiab.''
Cov kev yws tsis txaus siab txog cov kev raug cais cuam tshuam txog cov kev ntseeg ntawd yeej suav cov kev raug cais vim ib tug twg tsis ntseeg ib hom kev ntseeg twg nrog thiab. Credit: SDI Productions/Getty Images
Ms Okotel hais tias ''Yeej muaj cov kev cais ib tug twg thaum ntiav neeg ua hauj lwm thiab. Tab sis kuj yog tej yam nyuaj yuav qhia tau qhov tseeb thiab tej zaum yog tim cov kev cais ib tug twg yam tsis nco faj txog.''
Thiab tej zaum kuj yuav muaj ntau yam kev cai ib tug twg cuam tshuam txog cov kev ntseeg ntawm tej chaw ua hauj lwm uas suav cov kev cais ntawm tej neeg ua hauj lwm ua ke, uas tsis teev rau hauv tsab cai Fair Work Act thiab.
Hos tham txog theem teb chaws lawm, ces kuj muaj peev xwm coj cov kev tsis txaus siab no coj mus hais nrog lub koom haum , uas muaj fwj chim los taw qhia txog ib co txheej txheej los sib kho thiab tawm ib co lus taw qhia uas ib tog twg tsis tas ua raws los tau thiab.
Ms Okotel hais tias cov kev puas koob npe thiab ua rau ib tug twg pheej raug tej chaw nthuav xov xwm coj mus tshaj tawm qhia rau lwm tus tom qab tau muaj tej lus yws tsis txaus siab no ces feem ntau ces tej tswv lagluam yuav los ua cov kho kom muaj kev sib haum xeeb xwb.
“Yog li tej zam kuj yuav tau txais txiaj ntsim rau tej neeg uas mus yws tej teeb meem no ncaj qha rau lub koom haum Human Rights Commission, thiab thov kev pab los daws cov kev tsis haum xeeb no yam tsis tas mus hais ntawm tsev hais plaub thiab.''
Hos yog xam rau theem xeev lawm, ces tej kev ntseeg los yog ib yam hauj lwm cuam tshuam txog cov kev ntseeg twg yeej tau txais kev pov puag ntawm tsab cai tsis pub cais lwm tus ntawm tej xeev feem coob thiab. Txawm li cas los kuj yuav tau txais cov kev pov puag sib txawv tsuas nyob rau ntawm seb koj ho nyob qhov twg xwb thiab.
Aimee Cooper uas yog tus coj tej hauj lwm cai lij choj ntawm lub koom haum Victorian Equal Opportunity and Human Rights Commission (VEOHRC) thiab qhia txog qee cov piv txwv txog cov kev yws tsis txaus siab ntawm tej chaw ua hauj lwm vim raug lwm tus cais.
Muaj ib txhia xeev suav xeev Queensland, Victoria thiab ACT ces nyias yeej muaj nyias tej cai Human Right Acts los pov puag cov kev ywj pheej rau cov kev ntseeg tej kev ntseeg thiab. Credit: coldsnowstorm/Getty Images
Yog li tej xeev cov koom haum txwv txiav tsis pub faib cais lwm tus li lub koom haum VEOHRC thiaj pab nrog txheeb tej teeb meem tsis txaus siab no kom ob tog muaj kev pom zoo tib yam tam li yog lwm lub tswv yim los sib kho yam tsis tas mus sib hais ntawm tsev hais plaub.
Ms Cooper tshab txhais tias “Tej zaum tsuas yog thov txim xwb, los yog yuav tau hloov tej cai, los yog hloov tej kev coj taug, thiab yuav tau kub siab los qhia tej neeg ua hauj lwm li rov qab muab nws txoj hauj lwm rau nws ua li qub los yog yuav tau them nyiaj ntxuav ntsej muag xwb.''
Tab sis muaj qee cov xwm txheej mas kuj tsis yog tias twv nyom nrog tej cai uas txwv txiav tsis pub faib cai lwm tus ntawm tej chaw ua hauj lwm, li txwv tsis pub tej neeg ua cov kev ntseeg thiab.
Piv txwv li ntawm xeev Victoria ces tej koom haum ntseeg yeej muaj cai cais lwm tus thaum ntiav ib tug neeg ua hauj lwm twg raws ib cov lus zoj khi twg tau thiab.
Cov kev sib kho kom haum xeeb ces kuj ua tau ''tsawg tsawg xwb thiab, vim rau qhov tias tsuas nyob ntawm seb ob tog puas tuaj yeem pom zoo xwb thiab.'' Credit: CihatDeniz/Getty Images
Justin Carroll ces yog ib tug kws lij choj daws cov kev tsis haum xeeb cuam tshuam txog cov kev ua luam ntawm lub koom haum Blackbay Lawyers tshab txhais tias, tej koom haum ntseeg yeej tsis yog cais ib tug twg yam tsis raug cai raws li tsab cai Fair Work Act, thaum yuav tau ua ib yam dab tsi ''raws li qhov tseeb yam qhib siab lug'' los yog txwv vim xav lug ''kom tsis txhob raug mob rau ib tug twg cuam tshuam txog ib co kev ntseeg los yog yuav tau ua raws ntawd.''
Ces Mr Carroll thiaj hais tias yog tus tswv lagluam yog tus yuav nrog xyuas kom tsis txhob ntsib plaub ntug los yog kom tsis txhob muaj ib co kev yws tsis txaus siab, li yuav tau ua raws tej ntsib cai uas tau teev tseg ntawm tsab cai Fair Work Act thiab tej nom tswv xeev tej cai.
Txawm li cas los kuj yeej muaj qee cov kauj ruam uas tej tswv lagluam yeej muaj peev xwm ua thiab.
“Yuav tau nrog xyuas tej neeg uas yuav tau ua lawv cov kev cai kev ntseeg ntawd kom tsis txhob muaj teeb meem dab tsi rau lawv cov kev ua luam thiab. Thiab nrog xyuas tej kev cai teev hawm ntawd tsis txhob cuam tshuam nrog lwm tus uas tsis ua cov kev ntseeg ib yam dab tsi hlo li, los sis kom tsis txhob muaj kev cuam tshuam dab tsi li.
Mr Carroll tshab txhais tias “Kev noj qab nyob zoo thiab kev nyab xeeb yog tej yam uas tej tswv lagluam yeej muaj peev xwm raus tes rau tej kev ntseeg los yog tej kev cai ua kev ntseeg piv txwv li tej tsoos hnav ua kev ntseeg ntawd.'' (Getty) Credit: Maskot/Getty Images
Ms Oktotel hais tias yog tham txog cov kev ua txhaum ib tug twg txoj cai ntseeg ntawm tej chaw ua hauj lwm lawm, ces tej xwm txheej no kuj yeej ib txwm tsis yog tej yam uas yuav pom ncaj qha thiab tej zaum kuj yuav cuam tshuam txog cov kev faib cai ib tsav neeg twg vim lawv yog lawv ib tsav neeg los sis kuj yog lwm yam uas ua txhaum cai thiab.
''Piv txwv li peb yeej tau muaj ib tug neeg uas xav coj tej xwm txheej no coj mus sib hais ntawm ib lub tsev hais plaub tab sis zoo li tsis tshua muaj laj thawj txaus yuav coj mus hais tau. Tab sis peb yeej muaj peev xwm los txheeb tau tias tej zaum yuav cuam tshuam txog cov privacy lawm.
Ces Ms Okotel thiaj xaus lus tias ''Thiaj tseem ceeb heev uas tej neeg yuav tau nrhiav kev sab laj nrog tej kws lij choj vim kws lij choj yuav muaj peev xwm npaj tau ntau txoj xub ke rau yus thiab txheeb tias seb txoj twg yuav yog txoj zoo tshaj plaws rau yus, vim peb tej cai los yeej tsis muaj tej zoo txaus thiab.''
Yog koj xav tau xov xwm txog cov kev mus hais vim raug cais cuam tshuam txog cov kev ntseeg ntawm tej xeev ces muaj peev xwm mus txheeb tau raws li tej vas sab hauv qab no:
| ACT | ACT Human Rights Commission | |
| NSW | Anti-Discrimination Board of NSW | |
| NT | Northern Territory Anti-Discrimination Commission | |
| QLD | Queensland Human Rights Commission | |
| SA | South Australian Equal Opportunity Commission | |
| TAS | Equal Opportunity Tasmania | |
| VIC | Victorian Equal Opportunity & Human Rights Commission | |
| WA | Western Australian Equal Opportunity Commission | |
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
