Xov xwm tshaj tawm hnub zwj Quag (Tuesday newsflash 11.03.2025):
David Chrisafulli uas yog tus hau xeev Queesnland tau qhia tias lub khaub zeeg cua Alfred cov kev ceeb toom tis tes ti taw raug muab ncua tsis siv lawm thiab yog lub khaub zeeg cua phem tshaj plaws, rau lub caij lub koom haum emegerncy serices tau tshuaj ntsuam tias tsim kev puas tsuaj rau tej ntug hiav txwv ntawm Gold Coast, dej nyab ntau thaj chaw li Baudesert, Beenleigh thiab Ipswich. Tej vaj tse txog li 75 feem pua ntawm Brisbane kuj rov qab tau hluav taws xob siv lawm.
Kuj tau txog cov kev ceeb toom tej xwm txheej ti tes ti taw ntawm NSW los ua Watch and Act thiab tsis ceeb toom kom tej neeg tsiv tawm rau lwm qhov chaw rau lub caij nom tswv tseem txheeb seb raug kev puas tsuaj li cas ntawm lub khaub zeeg cua Alfred.
Chris Minns uas yog tus hau xeev NSW tau qhia tias yuav muab nom tswv tej tsev ntawm tej chaw uas pheej raug dej nyab rhuav tsis pub tej neeg mua nyob ntxiv tom qab SES volunteers txheeb thiab pab tau ib co neeg mus nyob tej tsev tsis raug cai ntawm Northern Rivers tom qab ob peb hnub uas lub khaub zeeg cua Alfred dhau mus lawm. Nom tswv NSW qhia tias zoo li tej neeg yuav rov qab pib maj mam ua tau lub neej zuj zus tom qab lub khaub zeeg cua no dhau lawm. Thiab txij tim 11 lub 3 hlis ntuj xyoo 2025 sij hawm 2 pm mus ces tej neeg muaj cai yuav claims tau cov nyiaj disaster emergency payments lawm.
Australia tus nom txawv teb chaws hais tias Australia yuav tsis ntshai Russia tus nom ntawm Canberra cov lus hawv tias Australia yuav raug teeb meem loj yog tseem koom xa tub rog nrog pej kum haiv mus tswj kev thaj yeeb ntawm Ukraine. Tau muaj tej lus tawm tswv yim no rau lub caij nom tswv tub rog Australia tseem npaj yuav koom nrog 30 tawm lub teb chaws tej nom tswv tub rog sab laj ntawm Paris.
Tony Burke uas yog Australia tus nom tswj lub tuam chav Home Affairs tau nqua hu kom Peter Dutton uas yog tus coj ntawm lwm pab nom teb chaws thov txim rau tej lus tawm tswv yim tsis muaj laij thawj cuam tshuam txog tej foob pob uas txheeb tau ntawm ib lub caravan ntawm lub zos Dural lub 1 hlis ntuj dhau los.
Tsoom fwv Syria tau qhia tias nws tau xaus tej xwm txheej sib tua muaj ceem tshaj plaws txij tau muaj tsov rog pej xeem los no lawm. Limtiam dhau los ces tau muaj xov xwm cej luam tias tej tub rog tau tua pej xeem txog 800 tus paub cov kev tawm tsam lub zejzog Alawite tom qab ntau tus tub koom siab tau tua ib lub tsheb tub ceev xwm uas mus tswj kev ruaj ntseg.
Tau muaj Elon Musk ib lub tuam txhab ntawm ntau lub raug cov teeb meem cyber attack rau lub caij uas tus tsoom fwv Trump tau txib kom tus tuam los pav no kho tsoom fwv Meskas lub tuam chav hauj lwm. Ces thiaj tau ua rau lub tuam txhab X uas sawv daws paub tias yog Twitter dhau los rau muab kaw siv tsis tau ib ntus.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
