Xov xwm luv tshaj tawm hnub zwj Feej (Wednesday news 29.05.2024).
Dorinda Cox uas yog ib tug nom senator ntawm pab nom Greens tau qhua hu kom teeb tsa ib pawg neeg tuaj nruab nrab mus txheeb xyuas txog cov xwm txheej ob niam ntxhais raug tua tus ntawm nroog Perth vim tub ceev xwm tsis tshua kub siab txog tej xwm txheej no thaum tau muaj ib tug tub ceev xwm dhau los ntawm Western Australia hais tias nws tsis tso siab rau tub ceev xwm cov kev mus tshuaj ntsuam xyuas tsev neeg Mark Bombara uas raug neeg tua ntawd.
Tau muaj cov kev tsub nias ntau tuaj ntxiv kom tsoom fwv muab nws tus nom tswj dej num tsiv teb tsaws chaw rho tawm hauj lwm. Lwm pab nom teb chaws thiaj tsub nias kom muab tus nom no rhi tawm tom qab nws muaj feem cuam tshuam nrog ib tug neeg txawv teb chaws nrog lub tsev hais plaub Administrative Review Tribunal uas tau pub visa rau ib tug txiv neej neeg New Zealand siv txawm txheeb tau tias nws tau yuam deev nws tus ntxhais uas nws tus poj niam coj ntawm tus txiv nram ntej ub los.
Tsoom fwv Meskas hasi tias nws yeej tsis pom tias Israel tej tub ceev xwm tau ua ib yam dab tsi txij hnub Sunday tim 26 May dhau los no uas yuav ua rau nws yuav thim tsis pab sab tub rog rau Israel.
Taiwan tau maj ceev nrooj los tsim tau ib tsab cai tshiab coj los tswj kom nws tus president tsis txhob muaj fwj chim heev, txawm tias tau muaj neeg ntau txheeb tus tau tawm tsam sab nraum zoov ntawm nws lub tsev tsoom fwv. Tej neeg rwg npoj tawm tsam sib sau sab nraum tsev tsoom fwv thiaj hais tias cov kev hloov tsab cai no yuav ua rau muaj teeb meem rau nws tus tsoom fwv.
Kuj muaj cov kev txhawj xeeb txog ob niam tub txoj kev noj qab nyob zoo uas muaj neeg txheeb tau tias pom ib lub tsho me nyuam thiab ib txoj hlab ntaws ntawm ib tug leej niam thiab tus me nyuam mos liab ntawm ib thaj ntug dej. Nom tswv thiaj tau mus nrhiav nkawv ces thiaj pom tej khoom nrog cev li hais ntawd ze ntawm tus dej Cooks River ntawm Earlwood ntawm Sydney sab qab teb hnub poob.
T-Mobile kuj yuav laus tswj tag nrho Meskas cov cellular's wilreless operation rau lub caij uas nws los yuav qee yam ntawm cov lagluam no thiab yuav tau them ib co nuj nqes. Ces thiaj ua rau T-Mobile yuav tau tej peev txheej txog li ntawm 30 feem pua ntawm tej lagluam no.
Australia ib cov kws teeb txheeb cia siab tias lawv cov kev teeb txheeb txog tej neeg cov plab hnyuav tej zaum yuav muaj peev xwm los daws tau tus kab mob Parkinson's didease uas ua rau muaj teeb meem rau tej neeg lub paj hlwb. Ces lub tsev kawm Queensland University of Technology thiaj tau nyiaj $4 million los ua cov kev sim kho tej neeg kom tej plab hnyuv zoo uas cia siab tias seb puas pab kho tau cov kab mob Parkinson no. Tus mob no yog ib tug mob muaj coob tshaj plaws tuaj hauv ntiaj teb thiab kwv yees tias txog xyoo 2050 ces Australia yuav muaj tej neeg tau tus mob no ntau tuaj ntxiv txog li 3 npaug (tshaj 150,000 tus).
Bangkok Post tau tshaj tawm tias Thaib tus kws lij choj teb chaws tseem yuav los txiav txim rau hnub zwj Feej (Wednesday) tim 29.05.2024 no tias seb yuav ua li cas rau Thaksin Shinawatra uas yog Thaib ib tug qub thawj pwm tsav dhau los seb puas yog tej lus tawm tswv yim nws tau hais nrog Kaus Lim qab teb ib lub chaw nthuav xov xwm xyoo 2015 ntawd cuam tshuam txog tsab cai 112 Lèse-majesté uas muaj feem ua rau huab tais Thaib yuav puas koob npe li cas.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
