Lub koom haum Australian Prudential Regulatory Authority (APRA) cov zaum teeb txheeb uas qhia 4 hlis ib zaub twg tau qhia tias, tsuas muaj pej xeem Australia tshaj 45% thiaj yuav cov nyiaj tuav pov hwm tswj kev noj qab haus huv ntiag tug (Private Health Insurance) rau lub sij hawm 7 xyoo no lawm xwb, uas yog tus zauv tsawg tshaj plaws, vim tej neeg mloog tau tias lawv tsis tau txais txiaj ntsim raws li qhov tsimnyog.
Lauren Radford uas yog ib tug neeg yuav cov private health insurance tib yam li lwm tus neeg Australia tau qhia tias " Kuv nyuam qhuav nrog kuv tsev neeg sab laj tas nag hmo thiaj tsis yuav cov health insurance no ntxiv lawm, vim mloog tau tias zoo li tsis tau txais txiaj ntsim dab tsi rau yus pes tsawg, vim kuv tsuas siv cov kev rho nhiav me ntsis xwb."
Muaj cov neeg hnoob nyoog 30 txog 34 xyoos yog cov tsis yuav cov hospital cover coob tshaj plaws, thiab tseem muaj cov neeg hnoob nyoog txij 25 txog 29 xyoo txog 11,000 tus txiav txim siab tsis yuav cov hospital cover ntxiv lawm thiab.
Tom Godfey uas yog tus coj lub koom haum Consumer Group hu ua Choice no hais tias tsis tau txais txiaj ntsim raws li qhov tsim nyog, thiab tej neeg mloog tau tias lawv them cov premium kim heev, thiaj ua rau lawv xav tias seb puas tsim nyog yuav tej private health insurance no, thiab tej zaum yuav pab lawv txuag tau nyiaj me ntsi yog lawv tsis yuav lawm.
Vim tej neeg meem txom thiab dhuav tej nqe premium yuav tau them kim thiab tej policies uas yus tsis paub tseeb tias, yog yus yuav lawm ne puas cover yus. Thiaj ua rau Greg Hunt uas yog Australia tus pwm tsav lis laj fai tswj kev noj qab haus huv tau qhia tias,tsoom hwv Australia tau los kho tej cai tswj cov private health insurance no.
Lub hli dhau los Mr. Hunt thiaj pom zoo tso cai rau tej Private Health Insurance nce cov premium ze txog li 4% ntxiv los yog them kim dua li 200 dollars ntxiv, uas tsoom hwv cav tias tsuas nce tsawg tsawg xwb txij xyoo 2001 los tau 17 lub xyoo no, uas tsoom hwv yeej kub siab los nrog xyuas kom txhuas kis uas Australia tej cuab yig them ntawd tau txais txiaj ntsim ntau tshaj plaws rau lawv.
Tab sis Catherine King uas yog tus pwm tsav tswj kev noj qab haus huv rau lwm pawg fai kum xeeb (Oppostion Party) qhia tias, tej neeg tsis muaj peev xwm them tau tej nqe yuav private health insurance no coob zujzus tuaj lawm, yog tej yam tsis muaj peev xwm yuav siv tau ntev ntxiv mus, vim ua rau tej neeg nug tias puas tsim nyog yuav coj los siv? Vim tau ras los ua ib cov teeb meem rau tej neeg yuav tej insurance no los siv lawm.
Ms. King hais tias tsoom hwv yeej tau siv zej tsoom tej nyiaj ib xyoos twg txog li AUD 6 billion coj los pab cov private health rebate no, kom cov insurance no pheej yig es tej neeg yuav tau siv, tab sis APRA tej ntawv cej luam yeej tau qhia tias tej tuam txhab muaj cov private health insurance no yeej khwv tau nyiaj tsam los ntawm cov insurance no ntau ntxiv tuaj txog 7.3% lawm thiab. Yog li kuv thiaj xav tias tsim nyog uas tej private health insurance no yuav tsum nrhiav cov kev kho mob raws li qhov tsim nyog raws li tej nqe tej neeg them thiab.
Tsis tas li no pab nom Labor qhia tias nws tseem xav xyuas kom tsuas pub nce cov premium no 2% rau 2 lub xyoo twg xwb thiab. Tom Godfrey uas yog tus coj ntawm lub koom haum Choice hais tias, ua rau tej neeg yuav ua tib zoo xav kom zoo zoo tso seb puas tsim nyog yuav yuav tej nyiaj tuav pov hwm tswj kev noj qab haus huv ntiag tug no.
Tom Godfrey hais tias yog tias koj yog ib tug hluas hnoob nyoog qes dua 31 xyoo thiab khwv tau nyiaj tsawg dua 90 txheeb dollars rau ib lub xyoos twg ces kev yuav private health insurance yeej tsis tau txais txiaj ntsim dab tsi ntau rau koj.
Tab sis Rachel David uas yog tus coj lub koom haum Private Health Care Australia hais tias tej lus Tom Godfrey hais ntawd tsis muaj tseeb.
Rachel David hais tias peb yeej pom muaj tej hluas hnoob nyoog qes dua 31 xyoos mus siv tsev kho mob, siv tsev kho cov neeg mob hlwb nyuaj siab ntxhov plawv, muaj teeb meem rau tej kev noj zaub mov rau lawv lub cev thiab raug mob los ntawm cov kev sib tw (Sports) ntau heeev li uas tej zaum yuav ua rau tej neeg no tsis muaj peev xwm ua tau hauj lwm ntixv lawm. Yog li Kuv thiaj xav qhia kom tej neeg yuav tusm ua tib zoo xav kom ntxaws ntxaws ua ntej mam li tsis yuav tej private health insurance, vim lawv yog tej neeg uas ntsib thiab raug tej teeb meem no ntau dua thiab yeej pom muaj tas mus li.#
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
Mus download tau SBS Radio app tau hauv Google Play thiab App Store ntawm tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau tau.
Koj muaj peev xwm mloog tau cov xov tooj cua tau raws li lub vam sab ntawm no:
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
