Yog tham txog green tea lawm ces yeej muaj keeb kwm ntev heev los lawm. Tab sis Kim Kuab Luj Cag Yaj yog thawj tug Hmoob ntawm cov teb chaws xov tshoj uas nyob ntawm niam dav teb tau rov qab mus cog cov green tea no rau sab qaum teb ntawm teb chaws Thaib coj los ua luam lawm thiab.
Kim Npuag Looj Vwj kuj yog ib tug uas tau tswj lub tuam txhab KuabCua uas muag cov green tea tau los ntawm Kim Kuab Luj Cag thaj teb organic green tea 100 acres no, thiab nws coj mus muag txuas ntxiv.
Kim Vwj tau qhia tias muaj Hmoob thiab pej kum haiv neeg nyiam Hmoob cov organic green tea no heev, vim yog ib cov de kiag 3 daim nplooj saum lub ntsis mosmos coj los npaj kom tiav kiag rau hnub ntawd xwb yog li tus nqe thiaj ib nyuag kim zog.
Nws kuj tau qhia ntxiv tias tau muaj zejtsoom Hmoob tej kiab khw yog cov yuav cov green tea muaj ntau hom coj mus muag txuas ntxiv, thiab yeej muaj ib tsoom Hmoob thoob ntiaj teb ntawm txhua lub teb chaws muaj Hmoob nyob paub txog Hmoob cov green tea no lawm, ntxiv ntawd los pej kum haiv ntiag tug kuj tau mus yuav ntawm nws lub khw online coj los siv rau lawv ntiag tug thiab.
Nyeem tau thiab mloog tau cov xov xwm txog Australia cov lagluam green tea ntawm no: READ MORE
Thaum tham txog cov kev haus cov dej tshuaj yej organic green tea no lawm, Kim Npuag Looj Vwj tau qhia tias:
"Qhov rhaub mas yog qhov tseem ceeb, tsis yog muab rhaub rau hauv lauj kaub nawb, tab sis yog rhaub cov dej kub kub coj los hlab xwb, mas yuav tsum muaj ib lub lim, thiab thaum hlab no mas tsuas hlab cov nplooj tea li 15 feeb (15 minutes) xwb ces rho lub lim uas muaj cov nplooj tea tawm tau lawm, ces yuav tsum hau cov kua tea thaum tseem kub kub ntawd thiab txhob tshuab cov pa ntawd vim cov pa yog ib cov tseem ceeb ntawm cov kuab tshuaj yej, koj yuav tsum hlw cov pab ntawd thiab haus thaum kubkub tom qab koj noj mov tag."
Nws hais tias cov organic green tea uas nws muag ntawd yog cov tau los ntawm Kim Kuab Luj Cag thaj teb uas cog kom ciaj xwb yeej tsis ywg dej tsis rau chim cia ntuj ua tus tu kom loj hlob xwb, ces yeej haus qab txawv tej yuav tom tej kiab khw uas sawv daws yuav los haus ntawd uas tej zaum yuav muaj lwm yam tau tshuaj los yog tshuaj tua kab paub tsuas xyaws thiab tej zaum yuav tsis qab li cov cog rau ces tag li ntawd lawm xwb.
Kim Npuag Looj Vwj hais tias kev hauv cov green tea no tej zaum kuj yuav pab luj lim tau tej taug tshuaj paub tsuas rau tej zaub mov uas peb noj thiab peb lub cev zom ntawm kom tsuag thiab txhob muaj teeb meem rau peb lub cev, pab kom roj ntsha khiav zoo kom txhob tsam plab thiab pab kom peb tau txais kev noj qab nyob zoo los kuj tau.#
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store thiab ntawm Google Play los yog download xov xwm kaw ua suab (Podcasts) ua lus Hmoob thiab lus Askiv tau ntawm los sis download tau ntawm thiab ntawm iTunes los yog mloog tau ntawm tuaj koom ua tub koom siab thiab koom mloog tau tau ntawm #SBSHmong lub Facebook page tau.
