Ntsiab lus tseem ceeb:
- Robbery ces cuam tshuam txog kev siv dag zog los yog cov kev hawv ib tug twg kom nyiag ib yam khoom ntawm ib tug neeg.
- Theft ces cuam tshuam txog cov kev nyiag ib tug twg ib yam khoom yam tsis tau txais kev tso cai yam tsis siv fwj chim/dag zog dab tsi yuam ib tug twg..
- Tej fwj chim/dagzog uas yus siv pov puag yus tus kheej yuav tsum siv raws li qhov tsim nyog siv haum raws li tej xwm txheej phom sij yuav muaj tau rau yus xwb.
Yog tias koj tsis tau hnov dua tej xwm txheej muaj neeg tsoo tsev/nyiag nkag mus rau koj lub tsev los sis koj tej lagluam ces koj yog ib tug muaj hmoo heev.
Thiab yeej muaj ib tsab xo uas peb hnov tej neeg paub qhib nruas phoo, tej kws tswj kev ruaj ntseg thiab tej neeg tuaj nyob ntev ntawm teb chaws Australia hais tas los hais ntxiv thiab tias — yuav tau xyuam xim ceev faj txog tub sab.
Cov kev totaub txog los lus robbery raws li Australia tej cai lij choj
Ntawm Australia no ces cov xwm txheej tub sab tsis yog tib cov kev nyiag ib yam dab tsi nkaus xwb; thiab lo lus no yeej muaj ib lub ntsiab lus tsi ntsees raug teev rau hauv tej cai lij choj thiab yog ntsib cov xwm txheej no lawm yuav raug tej teeb meem dab tsi.
Alex Cao ces yog ib tug kws lij choj ntawm Sydney uas paub zoo txog tej kev ua txhaum cai hais tias lo lus 'robbery' ces cuam tshuam txog cov kev siv dag zog/fwj chim los yog siv cov kev hawv rau ib tug twg kom nyiag ib yam khoom dab tsi ntawm lwm tus neeg.
Thiab qhov tseem ceeb ntawm lo lus robbery no ces yog tus neeg raug tej xwm txheej tub sab no yeej tau sib tawm tsam tim ntsej tsim muag nrog tus neeg tub sab thiab raug tus tub sab hawv nws rau lub caij ua txhaum cai.
Lo lus theft, ces kuj muaj lub ntsiab lus sib txawv ntawm tej xeev thiab, tab sis yeej ib txwm cuam tshuam txog ib tug neeg twg cia li nqa lwm tus ib yam khoom dab tsi yam tus tswv tsis pom zoo los yog tsis tso cai yam tsis siv dag zog fwj chim dab tsi. Ces qhov sib txawv ntawm ob lo lus theft thiab robbery ces lo lus theft no tsis muaj kev cuam tshuam dab tsi ncaj qha txog cov kev hawv los yog kev tsim kev kub ntxhov.
Mr Cao kuj tshab txhais txog ib co kev ua txhaum cai sib xws tib yam li no thiab uas yog burglary.
"Burglary ces yog ib co xwm txheej tshwm sim thaum ib tug neeg twg cia li mus rau hauv ib lub tsev los yog ib qho chaw twg uas muab kaw/xauv li ib lub tsev, ib lub khw, los yog ib lub tsev khaws khoom yam tsis tau txais kev tso cai dab tsi ntawm tus tswv, thiab muaj hom phiaj ua txhaum cai, uas tej ib txwm pom yog cov kev tub sab nyiag khoom, tab sis kuj muaj peev xwm cuam tshuam nrog lwm cov kev ua txhaum cai thiab li cov kev tsoo vaj tsoo tse los yog cov kev ntaus ib tug twg thiab,'' raws li Mr Cao hais.
Theft ces cuam tshuam txog cov kev cia li nqa ib tug twg ib yam khoom mus lawm yam lawv tsis pom zoo thiab tsis siv dag zog/fwj chim dab tsi yuam. Source: iStockphoto / Михаил Руденко/Getty Images/iStockphoto
"Xyuas kom tsis txhob muaj cib fim ua tau tub sab."
Tej Panesar ces yog ib tug neeg nyob ntawm Melbourne, thiab yeej tau ntsib ib co xwm txheej ntawm tej xwm txheej no xyoo 2023. Tab sis muaj hmoo uas nws thiab nws tsev neeg tsis tau sib tawm tsam tim ntsej tim muag nrog tej tub sab ntawd rau lub caij uas tej neeg phem tseem ua txhaum cai ntawd.
Panesar hais tias ''Lawv qhib tsis tau qhov rooj tag, lawv los kuj qhib tsis tau qhov rooj txuas thiab, vim tias peb yeej tiv thaiv tau lub tsev zoo heev, tab sis zoo li lawv kuj muaj peev xwm nkag ntawm lub qhov rais ntawm chav ua noj mus rau hauv tsev, thiab thawj yam uas tub sab ua ces yog muab cov security system tshem, thiab cia li muab pov ntawm lub dab siv dej ntawm chav ua noj thiab tso dej rau.''
Mr Panesar hais tias lawv yeej ib txwm khaws lawv tej khoom muaj nqes rau hauv tej tub xaum cia xwb. Tab sis muaj tej thaum ces lawv kuj nqa qee yam saw kub/khoom tsim nuj los tsev thaum lawv ua ib rooj tshoob los sis mus koom ib lub koom txoos dab tsi.
Mr Panesar hais tias ''Ces lub cai ntawd thiaj yog ib lub zoo cib fem rau tej neeg phem. Thiab raws li tub ceev xwm txheeb lawm. Ces tej neeg phem ntawd cia li ncaj qha mus rau hauv peb chav pw, tau qhib lub tub ntim khoom, thiab cia li muab lub thawv uas ntim tej khoom muaj nqes puv nkaus nqa lawm,''
Lawv tej khoom uas raug tub sab nyiag no thiaj ua rau nws thiab nws tsev neeg nyuaj siab ntxhov plawv hev thiab ua rau poob nyiaj ntau heev.
Nws hais tias ''Cia li ua rau peb ntshai tsis tau luag nyob tib leeg ntawm tsev li lawm. Ces peb thiaj yuav tau ua tib zoo xyuas kom muaj neeg yam tsawg li ob leeg nyob tsev. Peb xaiv peb tej chav pw thaum peb pw hmo ntuj. Vim yog tias peb nyob tsev rau lub caij ntawd ces peb kuj tsis paub tias tsam ho muaj neeg rov qab tuaj tsim teeb meem rau peb ntxiv li cas thiab.''
Tej zog/fwj chim yus siv tiv thaiv yus tus kheej ntawm tej tub sab yuav tsum tau siv kom haum raws li tej xwm txheej tsim nyog ua xwb. Credit: Flying Colours Ltd/Getty Images
Cov kev pov puag yus tus kheej
Cov kev pov puag yus tus kheej thiab yus tej vaj tseg/tej khoom kom tsis txhob raug nyiag yog tej yam tseem ceebthiab tej zaum yeej yog tej yam uas yus yeej paub lawm tias yuav ua li cas lawm, tab sis yus ho muaj peev xwm npaum li cas los pov puag yus tus kheej thaum muaj ib tug neeg twg cia li nkag los rau yus tsev ntawm teb chaws Australia?
Alex Cao uas yog ib tug kws lij choj paub zoo txog tej kev ua txhaum cai thiaj tshab txhais tias yeej muaj tej cai tiv thaiv yus tus kheej siv sib txawv ntawm tej xeev thiab, tab sis yeej sib tib co ntsiab lus zoo tib yam rau cov kev tiv thaiv yus tus kheej ntawd tej xeev xwb.
Nws hais tias "Yus yuav tsum tau ntseeg tias tej yus ua ntawd yog tej tseem ceeb yuav tau ua coj los pov puag yus tus kheej los yog lwm tus. Thiab yuav tsum tau siv lub zog/fwj chim ntawd kom haum raws li tej xwm txheej phom sij ntawd xwb. Thiab tsuas muaj peev xwm siv tau lub zog phom sij heev yog tias yuav ua rau raug kev phom sij rau yus txoj sia kiag tam sim ntawd xwb. Thiab yus tsis muaj peev xwm pheej yuav tawm tsam tus neeg ntawd txuas ntxiv yog thaum twg muaj peev xwm tswj tau tej xwm txheej ntawd tus lawm.''
Mr Cao thiaj taw qhia tias yog yus pom tias yus lub tsev los yog yus lub chaw ua luam raug neeg phem nyiag nkag mus rau hauv lawm, ces kom tsis txhob cuam tshuam dab tsi thiab hu ncaj qha kiag tam sim ntawd rau tus xov tooj Triple zero (000) rau tub ceev xwm xwb.
Tej kev pab rau tej neeg raug tsim teeb meem rau
Cov kev raug tej xwm txheej tub sab yog tej yam uas rau tus neeg raug tsim teeb meem rau muaj txoj kev ntshai/nyuaj siab heev. Thiab kuj muaj hmoo uas Australia yeej muaj tej systems coj los pab tej neeg raug tej xwm txheej no.
Sarah Quick ces yog tus coj 3 ntawm lub koom haum pov puag tej neeg raug lwm tus tsim teeb meem rau txoj cai ntawm South Australia ().
Nws thiaj hais tias cov kev xyuas kom tau tej kev pab haum yog tej yam tseem ceeb, thiab cov kev paub tias yuav siv tau tej kev pab no li cas kuj yog tej yam tseem ceeb uas yuav pab tus neeg raug teeb meem ntawd tej yam ntxwv ntau yam thiab pab daws tau tej teeb meem ntawd thiab.
Ms Quick tshab txhais tias "Tej neeg uas raug neeg ua txhaum cai tsim kev kub ntxhov rau yeej ib txwm muaj peev xwm siv tau cov kev sab laj daws kev nyuaj siab dawb xwb. Tab sis kuj yuav sib txawv ntawm tej xeev thiab, txawm li cas los feem ntau ces yeej tau siv cov kev sab laj daws kev nyuaj siab dawb los yog tau nyiaj pab them rau cov kev sab laj daws kev nyuaj siab no.''
Nws kuj hais ntxiv tias tej kev ua txhaum cai li robbery (tub sab) no ces muaj peev xwm ua rau muaj teeb meem nyiaj txiaj rau tej neeg raug neeg phem tsim teeb meem rau, suav cov kev tsis muaj peev xwm khwv tau nyiaj hauj lwm nrog. Thiab ib lub xeev twg nyias yeej muaj nyias tej nyiaj pab thiab muaj tej nyiaj coj los them pauj, tab sis kuj them sib txawv tsuas nyob rau ntawm seb koj ho nyob rau lub xeev twg xwb thiab.
Txawm li cas los tej xeev feem ntau yeej tsis muaj nyiaj los them pauj rau tej khoom uas raug nyiag lawm los yog tej khoom uas puas lawm.
Nws thiaj hais ntxiv tias ''Tej neeg raug neeg ua txhaum cai tsim teeb meem rau tsis muaj peev xwm yuav claim kom tau nyiaj coj los them rau lawv tej khoom uas raug neeg phem tau nyiag mus lawm. Tej nyiaj uas them pab tsuas yog coj los pab rau tej neeg raug neeg phem tsim kev kub ntxhov ua rau lawv raug mob rau lawv lub cev ntaj ntsug los yog ua rau lawv tau ntshai rau sab ntsuj plig xwb.''
Neighbourhood Watch Victoria ces yog ib lub koom haum zejzog uas tsim coj los tiv thaiv kom tej neeg tsis txhob ua txhaum cai thiab yeej muaj lwm cov koom haum sib xws li no thoob haiv neeg no thiab.
Xyuas kom tau txais kev nyab xeeb
Bambi Gordon uas yog tus coj lub koom haum thiaj muaj ib co lus taw qhia thiab tswv yim coj los tiv thaiv kom ''tsis txhob muaj cib fim ua tub sab'' no.
Ms Gordon hais tias '' Peb yeej muaj peev xwm xyuas kom tej neeg phem tsis txhob muaj cib fim ua tub sab thiab ua kom ib nyuag nyuaj zog kom lawv tsis txhob muaj peev xwm ua tau cov kev ua txhaum cai. Li tej yam yooj yooj yim li ib txwm kaw thiab xaus yus lub qhov rooj tag thiab qhov rooj txuas, thiab yuav tsum xaus yus tej qhov rooj thaum yus tseem nyob tsev thiab, txiav tej nyom thiab tej nroj tsuag xyoob ntoo ib puag ncig yus vaj tse thiab qab vag tsib taug kom luv kom qes kom tej neeg phem tsis txhob muaj chaw nkaum, vim yus xav kom yus tej neeg nyob ze yus ntawd pab nrog yus soj thiab.''
Neighbourhood Watch Victoria ces yeej yog ib lub koom haum zejzog uas tiv thaiv kom tsis txhob muaj neeg ua txhaum cai, thiab yeej muaj tej koom haum muaj ntsis sib xws li no thoob teb chaws no thiab. Lub koom haum no lub hom phiaj ces yog txhawb nqa kom zej tsoom muaj kev koom npoj li pab kom tej neeg zejzog sib paub nrog cov yim neeg nyob ze lawv, pab txheeb thiab soj tej yam txawv txav thiab tib los sib pab ib tug twg.
Lub koom haum no los kuj muaj ib co xov xwm hauv online coj los qhia kom yus paub txheeb tias seb yus tej chaw ua luam, yus tej tsev thiab yus tej tsheb puas tau txais kev nyab xeeb, thiab yeej muaj tej xov xwm no ua ntau yam ntawv. Koj muaj peev xwm txheeb kom ntxaws ntxiv txog cov twj no ntawm
Tsis tas li ntawd los koj muaj peev xwm sib txuas lus nrog tej koom haum muaj feem xyuam raws li hauv qab no kom tau tej xov xwm ntxaws ntxiv qhia txog tej neeg uas raug lwm tus tsim teeb meem rau txoj cai ntawm koj lub xeev.
| ACT | Victim Support, Human Rights Commission (02) 6205 2222 |
| NSW | Victim Services victimsservices.justice.nsw.gov.au Victim Access Line 1800 633 063 Aboriginal Contact Line 1800 019 123 |
| NT | Victims of Crime NT |
| Qld | Victim Assist Queensland 1300 546 587 |
| SA | Victims of Crime SA (08) 7322 7000 |
| Tas | Victims Support Services 1300 300 238 |
| Vic | Victims of Crime 1800 819 817 |
| WA | Victim Support Services 1800 818 988 or (08) 9425 28 50 |
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
