Xov xwm luv tshaj tawm hnub zwj Quag (Tuesday news 20.08.2024):
Muaj ib tsab ntawv cej luam tau qhia tias txhua txhua ib tug neeg ntawm 4 tug neeg Australia twg yeej tsuas tau siv childcare tsawg tsawg xwb, thiab yeej muaj tej neeg txog li 700,000 tus yeej tsis tau siv childcare hlo li. Raws li Victoria University lub chaw teeb txheeb Mitchell Institute cov kev txheeb txog tej kev siv cov kev zov me nyuam ntawm 9 haiv neeg uas muaj tej me nyuam 10 million tus thiab txheeb seb tej cuab yig puas tau siv cov childcare, ces pom tau tias txog li 24 feem pua ntawm neeg Australia yeej nyob rau tej chaw tsis muaj chaw sov me nyuam siv li los yog tej chaw muaj childcare services ces txhua txhua 3 tug twg tseem yuav tau tos seb puas tau siv ib qho chaw zov me nyuam.
Tau muaj ntau txheeb tus neeg rwg npoj tawm tsam uas txhawb nqa cov neeg Palestinian tau mus sib zaug ze ntawm thaj chaw Democratic National Convention tsis pom zoo nrog President Biden cov kev pab Israel. Thiaj muaj tej neeg tawm tsam thoob teb chaws suav tej neeg zejzog neeg Palestinian thiab Arab ntawm xeev Illinois thiab tej xeev nyob ze tau mus sib sau thiab xa ib tsab xo rau pab nom Democrat tias lawv yuav tsum nrog xyuas thiaj yuav tau tej neeg no tej suab xaiv nom.
Kuj tau txheeb tau tias muaj ib co dej haus ntawm Sydney tej zaum kuj yuav muaj tej kuab tshuaj uas yuav ua rau mob tau cancer. Tab sis ib tug kws hasi tias cov kev txheeb tau no kuj tsis yog tej yam txaus txhawj xeeb dab tsi vim yeej muaj lwm yam khoom li twj ua noj uas tsis khub qab lauj kaub, tej khaub ncaws, tej tshuaj tua kab thiab khoom ntim zaub mov uas tsuas tej taug tshuaj no. Thiab raws li tej dej ntawm lub pas dej Warragamba Dam uas yog ib lub pas dej loj ntawm lub nroog no coj mus txheeb ces kuj pom tias muaj cov kuab tshuaj PFAS ntau tshaj tej muaj ntawm teb chaws Meskas.
Murray Watt uas yog tus nom tswj tej hauj lwm ntiav dag zog thiab tej chaw ua hauj lwm tos txais tsab cai uas tsim coj los teeb tsa pawg tswj tshiab uas los tswj lub koom haum CFMEU uas raug liam tias muaj tej neeg ua txhaum cai muaj feem cuam tshuam nrog ib lub koom haum no ntawm ceg xeev Victoria.
Raws li pab nom Greens tau tshwm nyiaj ua ib cov kev tshuaj ntsuam txog ntau yam xov xwm uas khaws ntawm Australia tsev tsoom fwv lub chaw khaws ntawv uas txheeb txog 10 yam hauj lwm, ATO tej xov xwm teev txog tej nyiaj tej neeg khwv tau, RBA cov kev qev nyiaj thiab CoreLogic tej nqe tsev ces pom tau tias ntshe tseem yuav laug txog li 20 xyoo mas neeg Australia thiaj mam txuag tau nyiaj txaus coj mus zoj yuav ib lub tsev rau lawv nyob.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
