Ntsiab lus tseem ceeb:
- Ntawm Australia ces koj yeej muaj peev xwm thov kom tau nyiaj hauj lwm ntau ntxiv tuaj thaum koj mloog tau tias tsim nyog koj tau lawm.
- Koj yeej muaj peev xwm npaj cov kev thov nce ua hauj lwm no kom ntau tuaj ntxiv nrog tej koom haum sawv cev rau tej neeg ua hauj lwm, tej neeg koom nrog koj ua hauj lwm ua ke los sis yog koj npaj koj tus kheej tau.
- Cov kev ua tib zoo npaj kom zoo li nrhiav cov kev taw qhia kom paub npaj, kom muaj tej kev paub txog tej no, thiab npaj sib tham nrog koj tus coj yog tej yam tseem ceeb yuav thov nce nyiaj hauj lwm kom ntau ntxiv.
Yog koj mloog tau tias tsim nyog hais thiab thov yus tus coj kom tau nyiaj hauj lwm ntau ntxiv, ces xav kom koj paub tias tsis yog koj tib leeg thiaj xav li ntawd xwb.
Raws li Kate Gately uas yog ib tug neeg paub txog tej neeg ua hauj lwm (human resources) zoo hais tias, ntau tus neeg ua hauj lwm yeej pom tias tej no yog tej yam uas tsis pom qab yuav ua li cas li. Txawm li cas los yeej muaj peev xwm hloov tau tej xwm txheej no thiab.
Ms Gately tshab txhais tias “Tej no yeej cuam tshuam nrog tej tswv lagluam ntau dua, thiab yeej yog tej yam ib txwm ua ntawm teb chaws Australia no. Thiab yeej tsis ua li cas yog yus thov kom nce nyiaj hauj lwm. Qhov tseem ceeb mas kom paub tias yuav tau npaj li cas, kom thiaj thov tau raws li qhov yus xav tau xwb.''
Txawm tias yeej muaj tej cai sib txawv siv coj los thov nce nyiaj hauj lwm ntawm tej chaw ua hauj lwm, los yeej tej tswv lagluam yeej lees paub txog tej neeg ua hauj lwm cov kev thov nce nyiaj ua hauj lwm thiab.
Suzanne Young uas yog ib tug zes kais (Professor) paub zoo txog Management (Governance and CSR) ntawm tsev kawm qib siab La Trobe University hais tias, lub caij yuav xaus financial year li ntawm lub 4 hlis los yog 5 hlis ntuj yog lub sij hawm zoo tshaj plaws ntawm Australia rau yus nrog yus tus coj tham txog cov kev nce nyiaj hauj lwm.
Thaum uas npaj tej nyiaj puag xyoo thiab tej nyiaj siv rau xyoo tom ntej ntawd ... ces yog lub caij uas yus muaj peev xwm thov thiab sab laj seb puas nce nyiaj hauj lwm rau yus, kom thiaj li npaj tau tej nyiaj no nrog tej nyiaj yuav siv rau xyoo tshiab no.Suzanne Young, Professor of Management (Governance and CSR), La Trobe University,
Tsis tas li ntawd los ib tug neeg ua hauj lwm twg yeej muaj cai raws tej cai tau teev tseg tias yuav tsum tau nce nyiaj hauj lwm ib xyoos npaum li cas rau nws thiab.
Yog tias koj tau kos xyeem mem tes rau ib daim ntawv cog lus ua hauj lwm lawm, ces tej zaum yeej yuav muaj tej xwm txheej teev txog cov kev nce nyiaj ua hauj lwm thiab lub sij hawm tias yuav nce thaum twg lawm thiab los kuj tau. Credit: djgunner/Getty Images
Kuv yuav paub li cas tias seb kuv puas muaj cai tau nyiaj hauj lwm ntau ntxiv?
Yeej muaj tej cai raws uas siv coj los pov puag Australia tej chaw ua hauj lwm feem coob. Uas yeej teev txog cov award rates uas qhia tias tsim nyog tej neeg ua hauj lwm rau ib cov lagluam twg los yog ib co hauj lwm tsi ntsees twg tsim nyog tau.
Tej neeg ua hauj lwm uas muaj cai tau cov award rates ces muaj cai tau nyiaj ua hauj lwm nce yam tsawg ib xyoos twg me ntsis ntxiv raws li lub koom haum tau teev tseg tom qab uas tau sib khoom nrog tej koom haum sawv cev rau tej neeg ua hauj lwm lawm.
Tsis tas li no los yog tias tej chaw ua hauj lwm ntawd ho muaj cov enterprise agreement, los yog muaj cov kev sib khom ntam tej neeg ua hauj lwm, tej neeg sawv cev rau tej neeg ua hauj lwm thiab tej tswv lagluam ces tej neeg ua hauj lwm kuj muaj cai tau nyiaj hauj lwm tau tuaj ntxiv thiab.
Tej neeg ua hauj lwm los kuj muaj peev xwm thov nce tej nyiaj ua hauj lwm kom ntau tshaj qhov tsim nyog nce ua lawv tsim nyog tau thiab yog lawv xav tias muaj laj thawj zoo txaus tsim nyog nce.
Prof Young hais tias “Lawv yeej muaj peev xwm thov kom nce tej nyiaj hauj lwm kom tau ntau tshaj tej lawv tsim nyog tau thiab ... los yog lawv yeej muaj peev xwm sib khom kom kho tau tej hauj lwm ua lawv ua yog tias lawv ua tej hauj lwm ntau tshaj tej uas teev tseg kom lawv ua lawm, uas yuav tso cai rau lawv thov tau nyiaj ua hauj lwm ntau tuaj ntxiv."
Cov kev tsis tham qhib siab lug, qhia qhov tseeg thiab tus twg yog tus lis tej hauj lwm no li cas thiaj ua rau muaj kev sib tu ncua rau tej nyiaj hauj lwm no rau tej neeg ua hauj lwm sib txawv. Credit: Klaus Vedfelt/Getty Images
Cov kev sib khom uas pab tau zoo
Cov kev piv tej nyiaj hauj lwm hauv tej vas sab haub tau yaum hauj lwm, piv nrog tej hauj lwm yus ua ntawm ib cov lagluam, thiab txheeb xyuas yus tej chaw ua hauj lwm kom paub thiab pab yus npaj kom sib khom tau zoo yog tej yam tseem ceeb.
Txawm li cas los yeej tseem muaj ib cov kab lis kev cai zais npog txog tej kev them nyiaj hauj lwm ntawm tej chaw ua hauj lwm thiab, ces thiaj ua rau muaj teeb meem rau tej neeg ua hauj coob heev hais tsi ntsees rau tej neeg ua hauj lwm hluas, poj niam thiab cov pab pawg neeg tsawg.
Professor Young hais tias, cov kev pib tham txog tej xwm txheej uas pab kom tau nyiaj hauj lwm ntau ntxiv nrog yus tej neeg ua hauj lwm ua ke uas yus tso siab rau tham kuj yuav muaj peev xwm pab daws tau tej teeb meem no thiab qhia kom yus paub tias yus ho khwv tau nyiaj siab txawv li cas.
“ Yog tias ho muaj ib tug neeg sawv cev ntawm ib lub koom haum sawv cev rau tej neeg ua hauj lwm sawv cev rau koj ntawm koj qhov chaw ua hauj lwm, ces koj kuj muaj peev xwm nug tau tej neeg ntawd thiab, vim lawv yeej muaj tswv yim ntau yam txog cov kev them nyiaj hauj lwm ntawm tej chaw ua hauj lwm."
Michele O’Neil uas yog tus coj lub koom haum Australian Council of Trade Unions (ACTU).
Nws hais tias ib tug neeg sawv cev rau tej neeg ua hauj lwm no muaj peev xwm pab txheeb tej nyiaj uas tej neeg ua hauj lwm sib xws li tej yus ua thoob plaws rau tej lagluam no thiab siv tej xov xwm no coj los sib khom kom tau nyiaj hauj lwm ntau ntxiv rau yus.
Ms O’Neil hais tias yog yus yog ib tug tub koom siab nrog ib lub koom haum sawv cev rau tej neeg ua hauj lwm los yog koom nrog lwm tus neeg ua hauj lwm ua ke mus sib khom ces yuav sib khom tau nyiaj hauj lwm zoo dua.
“Txawm tias koj qhov chaw ua hauj lwm tsis muaj ib co kev pom zoo dhau los, los koj yeej muaj peev xwm koom nrog lwm tus neeg ua hauj lwm ntawm tej koom haum sawv cev rau tej neeg ua hauj lwm qhia tias peb xav sib khom kom muaj ib co kev pom zoo rau txhua tus neeg ua hauj lwm ntawm nod tau."
Professor Young hais tias thawj kauj ruam ua ntej yuav thov nce nyiaj hauj lwm ces txheeb tias seb koj puas tau cov award los yog enterprise agreement. Credit: AnVr/Getty Images
Thiab zeskais Young hais tias yus yeej muaj peev xwm sawv cev rau yus thov nce nyiaj hauj raws li qhov yus tau ua pab lub tuam txhab ntawd.
“[Yus tsim nyog] tham txog tej yus tau ua tiav thiab npaj tej pov thawj yus muaj coj los qhia. Kom yus thiaj muaj peev xwm qhia tau cov piv txwv li yus muaj peev xwm ua tau hauj lwm zoo dua ntxiv li cas lawm?''
Ms O'Neil hais tias cov kev npaj ua ntej yuav mus thov nce nyiaj hauj lwm seb puas tau ntau ntxiv tuaj no yog tej yam tseem ceeb heev.
“Kom yus xav seb ho yuav tham li cas, piv txwv li yus tau nyiaj hauj lwm nce npaum li cas zaum dhau los, thiab seb ho muaj kev pauv hloov rau tej hauj lwm yus ua lawm, li seb puas yog yus tau ua ntau yam hauj lwm ntxiv lawm, tau ua hauj lwm txawv sij hawm, los yog tau ua hauj lwm ntau tuaj ntxiv, los yog yus ho tau kawm tau tej txuj ci tshiab dab tsi ntxiv."
Tej neeg ua hauj lwm thiab tej neeg ua hauj lwm yav pem suab yeej muaj cai qhia los yog tsis tas qhia tias seb lawv ho khwv tau nyiaj hauj lwm npaum li cas thiab nug seb lwm tus neeg ua hauj lwm ho khwv tau nyiaj hauj lwm li cas. Credit: goc/Getty Images
Cov kev xav cuam tshuam txog cov kev thov nce nyiaj hauj lwm
Raws li Karen Gately uas yog ib tug paub zoo txog cov hauj lwm human resources hais, tsuas nyob ntawm seb lub tuam txhab lagluam yus ua hauj lwm ntawd seb yog cov tuam txhab lagluam zoo li cas thiab seb ho puas muaj peev xwm ntsib tau tej manager yooj yim li cas xwb.
“Yog tias lawv yeej ib txwm ua hauj lwm hauv lawv chav hauj lwm xwb, ces tej zaum yus muaj peev xwm khob qhov rooj thiab nug seb lawv puas khoom tham xwb. Hos lwm yam ces yuav tau ua tib zoo nug thiab teem caij nrog lawv tham."
Tab sis nws hais tias tsis xav kom yus pheej xav ntau yam rau cov kev thov nce nyiaj ua hauj lwm no thiab.
“Kuv xav tias tsis txhob muab cov xwm txheej no ua ib cov teeb meem rau yus nyuaj siab kuj yog tej yam yuav pab tau yus thiab."
Feem ntau mas yeej ib txwm muaj cov kev tham txog cov kev thov nce nyiaj hauj lwm no tsim ntsej tim muag nrog ib tug twg xwb. Credit: kate_sept2004/Getty Images
- Kev paub yog tej yam tseem ceeb: Xav kom yuav tau paub ntau tshaj qhov tsuas paub txog tias txoj hauj lwm yus ua khwv tau nyiaj li cas xwb, thiab yuav tsum tau muaj cov kev teeb txheeb kom ntxaws tshaj ntawd ntxiv.
- Sij hawm kuj yog tej yam tseem ceeb thiab: Siv lub tsim nyog los thov nce nyiaj hauj lwm ntawm yus lub tuam txhab. Los sis yog kuj siv lwm lub tswv yim sib khom kom nce nyiaj hauj lwm rau yus ob peb lub hlis ua ntej, kom yus tus coj thiaj muaj sij hawm txaus los ua tib zoo xav tso.
- Siv txoj xub ke yuav pab tau zoo thiab txoj xub ke uas yeej npaj tau zoo lawm pab: Thaum tham txog nyiaj hli lawm ces xav kom yus xav raws li tus tswv lagluam xav. Thiab yuav tsum qhia tias cov kev nce nyiaj hauj lwm ntau ntxiv no yuav pab tau dab tsi rau tej lagluam los yog yuav pab txuag tau tej nuj nqes siv ua lagluam dab tsi.
Prof Young kuj pom zoo thiab tias yog tej yam tseem ceeb uas yuav tau ua tib zoo xyuas raws li qhov tsim nyog ua thiab siv lub tswv yim uas siv tau xwb thaum yus thov nce nyiaj hauj lwm.
Thaum yus thov nce nyiaj hauj lwm ntawd, ces yog tej yam tseem ceeb uas xav kom yus tsis txhob nyuaj siab dab tsi, thiab yuav tau siv pov thawj los pab yus thov, tsis yog pheej yuav hais tias 'Kuv rau siab ua hauj lwm los yog tsis muaj peev xwm ua lub neej lawm vim tej nqe txhua yam kim tuaj lawm xwb.Suzanne Young, Professor of Management (Governance and CSR) , La Trobe University,
“Thiaj yuav tsum tau ua zoo xyuas kom yus muaj pov thawj tsim nyog qhia tau qhov tseeb thaum yus thov nce nyiaj tam li ib tug paub zoo txog tej no tiag, kom thiaj qhia tau rau lawm tias yus yeej ua tau hauj lwm zoo tuaj ntxiv lawm thiab yus yeej kub siab ua hauj lwm rau lub koom haum no tiag."
Lwm yam xov xwm tseem ceeb uas koj muaj peev xwm txheeb tau ntxiv:
- Lub koom haum Fair Work Commission (FWC) yeej muaj tej xov xwm qhia txog tej nyiaj uas them rau tej neeg ua hauj lwm raws cov enterprise agreements, thiab tej xov xwm qhia tias yuav tsim ib cov enterprise agreement li cas uas koj .
- Koj muaj peev xwm txheeb tau .
- Tej zaum tej tswv lagluam kuj yuav muaj ib co cai ntxiv teev tseg tias yuav them nyiaj hauj lwm ntau ntxiv li cas raws li lawv cov kev pom zoo cog lus ua hauj lwm los yog lawv tej cai tswj cov chaw ua hauj lwm (workplace policy) siv ntxiv thiab.
- Koj muaj peev xwm txheeb tau tej xov xwm txog cov kev pov puag tej neeg ua hauj lwm ntam teb chaws Australia . Piv txwv li, ib tug tswv lagluam twg tsis muaj peev xwm cia li muab ib tug neeg ua hauj lwm rho tawm hauj lwm, los yog tsim lwm yam teeb meem rau tus neeg ua hauj lwm ntawd vim tej zaum nws yog ib tug uas muaj cai tau nyiaj hauj lwm ntau tuaj ntxiv.
- Lub koom haum FWO yeej muaj ntau yam xov xwm, ua muaj cov xov xwm qhia ib kauj ruam zuj zus pab tej neeg ua hauj lwm tias yuav ua li cas yog tias thiab yeej muaj tej sob kawm qhia pub dawb hauv online pab yog tias
