Ntsiab lus tseem ceeb:
- Tag nrho txhua lub rooj rau me nyuam yaus zaum yuav tsum tsim tau raws li Australia tej cai siv.
- Yeej muaj tej cai siv coj los tswj cov kev siv me nyuam yaus tej rooj zaum ntawm tej taxi, rideshare thiab tej tsheb ntiav sib txawv ntawm tej xeev.
- Txheeb 5 cov kev sim ua ntej koj yuav tsis cia me nyuam zaum lawv tej rooj thiab cia li sia siv li tej laus uas caij tsheb lawm xwb.
Australia yog ib lub teb chaws muaj me nyuam tej rooj zaum caij tsheb ntau tshaj plaws hauv ntiaj teb, tab sis tej kev ua tsheb sib tsoo ntwm kev yog ib co ua rau muaj kev raug mob thiab tas sim neej rau tej me nyuam yaus ntau tshaj plaws.
Cov kev sia siv los ygo tej rooj rau me nyuam yaus zaum thiaj muaj peev xwm yuav pab cawm tau lawv txoj sia, tab sis yuav tsum yog ib lub rooj zaum uas haum rau tus me nyuam ntawd mas thiaj yuav pab kom lawv tau txais kev nyab xeeb tshaj plaws.
Tej cuab yig yeej tseem totaub yuam kev thaum hloov siv me nyuam ib lub rooj qub mus siv lub rooj tshiab los yog thaum uas tsis siv rooj rau me nyuam zaum hauv tsheb lawm.
Associate Professor Warwick Teague uas yog tus coj tswj cov hauj lwm trauma services ntawm Royal Children’s Hospital ntawm Melbourne hais tias 'yeej muaj tseeb tiag' tias tej niam txiv no tseem yoob vim tseem muaj ''cov kev sib tu ncua'' rau tej cai thiab tej xub ke siv zoo tshaj plaws.
Associate Professor Warwick Teague Credit: The Royal Children's Hospital Melbourne
Txawm tias yeej hais kom tag nrho txhua tus me nyuam yuav tsum tau zaum ntawm tej rooj zoj khi zoo tshaj plaws hauv tsheb rau ntawm lub tog zaum kom haum raws li lawv tej hnoob nyoog thiab cov kev siab, thiab Professor Teague hais tias qhov zoo tshaj plaws ces yog xyuas kom ''haum'' rau tus me nyuam ntawd.
"Qhov tseem ceeb tshaj ces yog xyuas kom lub rooj ntawm haum rau tus me nyuam ntawd raws nws cov kev siab thiab hnoob nyoog thiab nws lub cev.''
Nws hais ntxiv tias tag nrho Australia tej cai tswj tej rooj rau me nyuam yaus zaum hauv tseb yeej muaj cov kab kos rau lub xwb pwg, uas qhia tias thaum twg lub rooj ntawd tsis haum rau ib hom rooj zaum twg lawm.
Cia tus me nyuam ntawd zaum ntawm lub rooj thaum xub siv ntawd kom ntev npaum li ntev tau yog tias lub rooj ntawd tseem haum tus me nyuam ntawd vim lub rooj thaum pib siv ntawd thiaj yog lub uas tau txais kev nyab xeeb tshaj plaws.Associate Professor Warwick Teague
Piv txwv li Professor Teague taw qhia tias kom cia tus me nyuam ntawd zaum tig xub ntiag rov qab kom ntev npaum li ntev tau yog tias lub rooj ntawd tseem haum tus me nyuam ntawd, thiab xav kom siv tej rooj uas nom tswv tso cai siv tau ntev tshaj 6 hli.
Ib tub me nyuam uas zaum xub ntiag tig rov qab thaum caij tsheb ces tau txais kev pov puag ntau tshaj 5 npaug ntawm cov kev zaum tig xub ntiag rov rau pem hauv ntej.Associate Professor Warwick Teague
Ua ke no los yeej xav kom cia tej me nyuam no zaum tej rooj xub ntiag tig pem hauv ntej los yog cov booster seats kom ntau npaum li ntev tau yog tias tej rooj ntawd tseem haum lawv.
Haiv neeg no (Australia) tej cai tswj me nyuam yaus tej rooj zaum hauv tsheb Credit: ChildCarSeats
Cov kev sim 5 theem uas yuav qhia rau yus tias thaum twg mam li cas ib tug me nyuam sia siv li tej laus
Raws li Lub tsev kho mob Royal Children's Hospital ntawm Melbourne tau muaj cov kev tshuaj ntsuam zej tsoom cov kev tawm tswv yim xyoo 2019, ces pom tau tias 2 feem 3 (63%) ntawm tej me nyuam hnoob nyoog 7 txog 10 xyoo yeej sia siv li tej laus txawm tias lawv tseem qes tshaj 145 cm.
Professor Teague thiaj hais tias xav kom yus yuav tsum siv lub rooj ntawd kom ntev npaum li ntev tau txog thaum siv tsis tau lawm mas mam li cia tej me nyuam ntawd sia siv li tej laus, thiab xav kom siv '5 co txheej txheem' raws li lub koom haum Neuroscience Research Australia (NeuRA) and Kidsafe Australia tau tsim coj los siv.
Yog tias koj tus me nyuam teb 'Yes' rau tag nrho 5 nqe lus nug hauv qab no ces lawv muaj peev xwm mus sia siv li tau laus tau lawm.
- Tus me nyuam ntawd lub nrob qaum puas pheej tau rau lub rooj zaum ntawm lub tsheb ntawd?
- Tus me nyuam ntawd lub pob hauv caug puas quav tau raws lub npoo tog zaum ntawd?
- Puas yog txoj siv sia ntawd qe dua tus me nyuam ntawd lub pob ntsag thiab chwv nws ob txhais ncej puab?
- Txoj siv sia ntawd puas nyob rau ntu nruab nrab ntawm nws lub xwb pwg?
- Thiab thaum yus caij tsheb mus rau ib qho qhov twg lawm tus me nyuam ntawd puas ua tau raws li 4 npe hais saum toj no?
Siv tej rooj rau me nyuam zaum uas tau txais kev tso cai siv tau thiab hais kom tej neeg paub nruab tej rooj no nruab rau yus siv
Txawm tias yus npaj tau tej rooj yog thiab 'haum' rau yus tus me nyuam siv lawm, los yeej muaj ntau yam uas tsim nyog yus paub txog thiab. Bernard Carlon uas yog tus coj lub koom haum Centre for Road Safety hais tias, ib qho ntawm ntau qhov kev ua yuam kev tas mus li ces yog pheej nruab lub rooj zaum tsis yog, vim yeej tseem pom tias muaj tej rooj txog 2 feem 3 nruab rau tej tsheb yog cov nruab yuam kev ntawm teb chaws Australia no.
Yog li ntawd, thiaj yog tej yam tseem ceeb heev uas yuav tau nruab raws li tej tuam txhab tsim tej rooj no qhia los yog sab laj nrog tej chaw uas muaj cai nruab tej rooj no. Tej nom tswv zos los yeej muaj cov hnub uas lawv qhia nruab me nyuam tej rooj no pub dawb rau tej neeg thiab yeej muaj ib co program qhia txog tej no ua qee yam lus thiab.
All the child car seats that are on sale within Australia must comply with Australian standards.CEO of Centre for Road Safety, Bernard Carlon
Txhais tias tsis pub koj siv tej rooj rau me nyuam yaus zaum hauv tsheb uas yuav txawv teb chaws los.
Mr Carlon hais tias , tsoom fwv tej koom haum thiab tej koom haum neeg tsav tsheb los yeej muaj ib daim list uas qhia txog tej rooj uas tau txais kev tso cai siv thiab qhia tias yog cov rooj siv tau txais kev nyab xeeb npaum li cas?
Tsis tas li ntawd los kuj taw qhia kom tsis txhob siv tej rooj qub tshaj 10. Thiab xav kom txheeb tias seb yog lwm tus ho pub lub rooj rau yus siv los yog tej me nyuam hlob ho muab rau cov yaus siv ntawd ho yog cov rooj ua thaum twg lawm.
Taxis thiab rideshares
Tej cai uas tswj tej me nyuam yaus tej rooj zaum hauv tsheb taxis, tsheb ntiav (hire), thiab cov tsheb sib koom caij (rideshare) ces yeej sib txawv ntawm ib lub xeev rau ib lub xeev thiab, yog li qhov zoo tshaj plaws thiaj xav kom txheeb nrog tej nom tswv tswj cov kev siv kev tsheb uas muaj feem xyuam.
Piv txwv li, tag nrho txhua cov rooj zaum rau tej me nyuam yaus ntawm tej neeg ntiag tug teb tsheb yeej siv tib yam rau tej tsheb ntiav (hire) thiab cov tsheb koom caij ua ke (rideshare) ntawm xeev
Ntawm , cov tsheb koom caij ua ke (rideshare vehicles) ces kuj tsis siv tej cai tswj me nyuam yaus tej rooj zaum, txawm li cas los yeej xav kom ntiav lub tsheb uas muaj ib lub rooj zaum los yog yus yuav tau npaj yus ib lub siv.
Thiab thaum uas ntiav ib lub tsheb siv ntawd, ces xav kom txheeb nrog tus tswv ntiav tsheb ntawd tias seb ho puas muaj tej rooj rau me nyuam yaus zaum ntawm yus lub xeev los yog lwm lub xeev.
Yuav tsum tau kho lub rooj zaum ntawd rau tus me nyuam ntawd tas mus li
Prof Teague hais tias tej rooj rau me nyuam yaus zaum no mas tsis nyog tias ''nruab tag ces txawm yuav tag li ntawd xwb.''
Tej nim txiv thiab tej neeg tu saib xyuas me nyuam yuav tsum tau txheeb tas mus li tias seb lub rooj ntawd puas haum tus me nyuam ntawd, raws li qhov lawv loj tuaj, los yog ntawm ib lub tsheb rau ib lub tsheb, thiab ib lub rooj rau ib lub rooj, los yog tej khaub ncaws uas tej me nyuam hnav ntawd seb lawv hnav dab tsi.
Prof Teague hais tias "Me nyuam lub cev thiab tej zog ntiab (lub caij thaum uas tsheb sib tsoo) yog tej yuav txiav txim tias seb tus me nyuam ntawd yuav tau txais kev nyab xeeb npaum li cas. Yog tias peb ho tsis ua zoo xyuas ces yuav ua rau lawv tau txais kev nyab xeeb tsawg dua, thiab yuav ua rau lawv raug kev phom sij ntau tuaj ntxiv los yog yuav ua rau lawv raug mob ntau tuaj ntxiv.''
The obligation is on adults to keep children safe in cars. Credit: MoMo Productions/Getty Images
Lub koom haum Early Learning Association Australia yeej tau tsim ntau yam xov xwm txog tej rooj rau me nyuam ntau tshaj 20 hom lus uas koj muaj peev xwm .
Thiab yog tias koj xav tau xov xwm kom ntxaws ntxiv, ces koj muaj peev xwm txheeb ntau nrog tej nom tswv transport authority ntawm lub xeev koj nyob tau raws li hauv qab no:
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
