Ntsiab lus tseem ceeb:
- Koj muaj peev xwm ua luam tam li yog tus sole trader (tib leeg ua luam), tsim tsa ib lub tuam txhab, los yog koom ua luam nrog lwm tus.
- Koj tsis tas teev zwm them GST txog rau thaum koj cov lagluam khwv tau nyiaj txog $70,000 tso.
- Australia yeej muaj ntau yam nyiaj pab cuam li grants, loans thiab tej neeg nqes peev lagluam ntiag tug rau koj xaiv qev los siv coj los ua cov kev txhawb nqa tej neeg ua luam.
Australia yeej muaj tej lagluam zoo thiab yeej muaj cov kev pab cuam tej lagluam zoo coj los pab rau tej neeg ua lagluam.
Cov kev pib ib co lagluam me ntawm teb chaws no kuj yuav tau txais txiaj ntsim heev thiab, yog tias koj muaj ib lub zoo tswv yim zoo uas xav tig coj los ua luam kom khwv tau nyiaj.
Nadine Connell ces yog tus coj lub koom haum uas nws yeej ntseeg tias Australia yog ib lub teb chaws hauv ntiaj teb uas muaj peev xwm ua tau lagluam tshaj plaws. Vim tsuas muaj cov GST system uas sau se 10% rau tej khoom muag thiab yeej muaj cov kab theem se zoo, tsis tas li ntawd los yeej muaj peev xwm teev zwm ib tug zaum rau koj ua luam ntawm teb chaws Australia yooj yim thiab.
Tsoom fwv yeej muaj ntau yam paj tshab li tej grants ntau heev. Thiab kuv xav tias ntshe muaj tej nyiaj no ntau tshaj 70 billion thoob teb chaws no siv, thiab yeej muaj tej cai teev meej tseeb thiab yeej muaj tej kev tso cai rau koj siv tau koj tej laj lim tswv yim los ua luam.Nadine Connell
Abdalla Abdallah ces yog ib tug neeg paub tshuaj ntsuam txog kev kawm txog cov kev tsim, kev xav khoom, kev siv khoom thiab tej services ntawm tej lagluam ntawm Sydney hais tias, Australia yeej muaj tej lagluam ruaj khov, uas yog tej yam tseem ceeb rau ib tug neeg nqes peev lagluam twg thiab ib tug neeg ua lagluam twg.
Mr Abdallah tshab txhais tias "Peb tej lagluam yeej loj hlob huam vam ua ntuv zus, tsuas yog muaj ib lub caij luv luv thaum tseem muaj kab mob COVID sib kis ntawd xwb thiaj pom tias ua rau lagluam mus tsis tshua tau zoo xwb. Txawm li cas los lub caij peb caug xyoo dhau los no ces peb tej lagluam yeej tau loj hlob ua ntuv zus.''
Raws li Mr Abdallah hais, ces Australia yeej muaj tej cai lij choj zoo coj los pov puag tej tswv lagluam, tej neeg nqes peev lagluam thiab tej neeg ua luam. Uas yeej kuav cov kev pov puag koj tej vaj tse thiab tej teej tsim khoom, tej tuam txhab, tej laj lim tswv yim ua luam (intellectual property), thiab yeej muaj tej cai lij coj coj los tswj txhua yam.
Mr Abdallah hais tias "Australia cov legal system los yeej dawb huv. Thiab qhov tseem ceeb tshaj plaws ces, muaj cov kev lwg noj lwg haus tsawg ntawm Australia.''
Economics Analyst Abdallah Abdallah
Hom lagluam
Ua ntej koj yuav npaj tswv yim los ua koj tej lagluam, ces yog tej yam tseem ceeb heev uas yuav tau nkag siab txog cov kev teeb tsa lagluam ntawm Australia.
Thiab koj yeej muaj peev xwm ua koj cov lagluam tib leeg (sole trader), teeb tsa ib lub koom haum, los yog koom ua lagluam nrog lwm tus.
Mr Abdallah hais tias ib yam lagluam twg yeej muaj txoj xub ke ua txawv, tsuas nyob ntawm seb koj ho muaj kev cia siab tias yuav ua kom tau cov lagluam ntawd mus zoo li cas xwb.
Piv txwv tias yog koj tsuas xav ua ib hom lagluam me uas provide ib co services rau ntawm thaj chaw koj nyob xwb los yog tej zos yam tsis tas npaj tias xav kom tej lagluam ntawd loj hlob huam vam tuaj. Ces koj tsuas tsuas ua cov lagluam sole trader (yus tib leej ua) xwb los yog koom ua luam nrog lwm tus xwb.
Tab sis yog tias yus xav kom lub tuam txhab ntawd loj hlob ras los ua ib lub tuam txhab nto npe rau tej khoom/services yus muag ntawd, thiab kom yus cov brand muaj txiaj ntsim, thiab tom qab tuaj yus ho xav muag los yog muag qee yam ces Mr Abdallah taw qhia kom tsim ib lub tuam txhab zoo dua.
Mr Abdallah hais tias "Peb yeej tau pom ntau lub tuam txhab tau pib me me ntawm lawv tej chaw nres tsheb xwb thiab tam sim no ces tau ras los ua ib co brand lagluam uas raug nyiaj ntau billion dollars lawm.''
Yog thaum kom tau xaiv tias yuav teeb tsa koj cov lagluam li cas lawm, ces koj yuav tsum tau mus teev zwm koj cov lagluam thiab ua tib zoo xyuas kom uas raws li tej cai ntawm lub teb chaws ntawd. Ms Connell hais tias yeej yog ib co txheej txheem uas yus muaj peev xwm ua tau, thiab yeej muaj ntau yam xov xwm coj los qhia yus ua.
Tej xo xov xwm feem ntau uas koj yuav tau siv los pab kom koj teev zwm tau koj cov lagluam tam li yog ib tug sole trader thiab kom tau ib tug zauv ua luam ntawm Australia (Australian Business Number - ABN) ces yeej muaj ntawm koj tus tsoom fwv xeev tej vas sab.
Txhua yam lagluam yuav tsum teev zwm kom them GST yog thaum koj cov lagluam ntawd khwv tau nyiaj tshaj $70,000 lawm.Abdallah Abdallah
Yog tias koj xav tau nyiaj pab cuam los pib koj cov lagluam, ces teb chaws Australia yeej muaj ntau cov koom haum uas koj muaj peev xwm mus ntsib tau. Credit: SolStock/Getty Images
Nws hais tias "Piv txwv li tej tuam txhab lagluam ces, peb yuav tau teev kom muaj ib tug tax file number (TFN) rau tej tuam txhab ntawd siv. Thiab kom nco tias yog ua sole traders ces koj cov lagluam ntawd yeej sib txuas nrog tej tuam txhab ntawd cov ; uas yeej tsis txawv dab tsi. Tab sis yog tej tuam txhab lagluam lawm yuav tsum muaj nws ib tug TFN siv.''
Ms Connell tshab txhais tias tej neeg ua luam tsim nyog paub txog lwm yam cai lij choj thiab tej caij uas yuav tau ua raws kom yus tsis txhob raug teeb meem, li cov kev npaj yus tej insurance policies ntawd.
"Yeej muaj tej insurance yuav pov hwm tej lagluam li ib txwm muaj siv, thiab muaj cov professional indemnity insurance yog tias koj muag ib co services twg. Thiab yog tias koj yog ib feem ntawm tej lagluam no, ces koj yuav tsum yuav insurance tuav pov hwm koj tej khoom thiab yuav tau ua raws li tej cai tswj zaub mov. Thiab nws kuj hais tias tsuas nyob rau ntawm hom lag luam koj ua xwb thiab. Ces tej zaum koj thiaj yuav cov public liability insurance thiab yog tias pheej muaj neeg tuaj rau ntawm koj tej lagluam.''
Cov keev npaj ua koj tej lagluam
Lwm yam uas tsim nyog koj yuav tau xav txog thiab ces yog yuav tsum ua tib zoo npaj tej tswv yim ua luam kom zoo, kom thiaj paub tias muaj tej xub ke li cas yuav ua raws kom thiaj ua tau lagluam zoo.
Ms Connell hais tias yuav tau teeb txheeb tej kiab khw lagluam koj yuav ua ntawd, thiab paub tias seb koj tej customers yog leej twg, ho muaj tej kiab khw lagluam loj npaum li cas, yog thawj kauj ruam ntawm ntau kauj ruam tseem ceeb.
Ms Connell hais tias "Seb leej twg yog cov neeg/lagluam yuav nrog koj sib tw? Koj yuav muag dab tsi, muag tus nqe li cas, thiab ho yuav muag cov khoom dab tsi. Yog li ntawd yog tias koj muaj peev xwm npaj tau tej no kom meej tseeb, ces thiaj yuav pab kom koj muaj peev xwm npaj koj tej khoom los yog cov services muag rau tej kiab khw kom zoo tshaj plaws npaum li qhov koj npaj tau."
Business can be operated as a sole trader, company, or partnership. Credit: Superb Images/Getty Images
Nyiaj txiaj pab cuam
Yog tias koj xav tau nyiaj los pab kom koj pib tsim tau koj tej lagluam, ces Australia yeej muaj ntau qhov chaw uas koj muaj peev xwm mus ntsib tau. Ms Connell thiaj qhia txog nws cov kev xav txog ntau yam kev nrhiav nyiaj uas muaj coj los pab rau tej neeg ua lagluam li tej grants, tej loans, thiab tej neeg nqes peev lagluam ntiag tug.
Nws hais tias "Yeej muaj tej nyiaj grants ntau heev. Thiab yeej muaj ntau tshaj 70 billion uas nom tswv pab li tej nom tswv xeev thiab tej nom tswv zos. Tsis tas li ntawd los kuj tseem muaj tej neeg nqe peev lagluam ntiag tug thiab. Tsuas nyob ntawm seb yus ho paub leej twg thiab ho muaj leej twg xav nqes peev rau yus tej lagluam, los yog yus muaj peev xwm siv tau tej equity thiab.''
Ms Connell kuj hais tias yeej muaj tej grants ntau pua yam ntawm tsoom fwv Australia lub vas sab , uas koj muaj peev xwm txheeb tau ntawm qhov sau tias grants finder, uas yeej muaj peev xwm txheeb tau ntau yam lagluam.
Nws hais tias "Tej neeg yeej muaj peev xwm txheeb tej hais ntawd, tab sis kuj muaj tej nom tswv xeev thiab. Tag nrho tej nom tswv xeev tej vas sab (websites) nyias yeej muaj nyias cov grants teev hauv online thiab. Tsis tas li ntawd los koj tej nom tswv zos yeej muaj grants thiab."
Ces koj yeej muaj peev xwm nrog koj lub tuam chav ua luam ntawm koj lub xeev tham kom tau tej xov xwm ntxaws ntxiv. Australia yeej muaj xov xwm ntau yam heev thiab tsoom fwv los yeej txhab nqa tej neeg ua luam. Piv txwv li lub koom haum cov kev taw qhia yeej muaj peev xwm taw qhia tej neeg xav ua luam kom ntxaws tias yuav pub ua lagluam li cas.
Nadine Connell yog tus coj lub koom haum Smart Business Plans Australia.
Peb yeej muaj ib co kev pab cuam coj los pab tsi ntsees rau ib cov lagluam twg li pab nrhiav xov xwm rau lawv, pab nrhiav seb ho muaj nyiaj coj los pab tej lagluam uas xav pib ua luam ntawm tej nom tswv tej tuam chav ntau yam thiab pab kom tej neeg lagluam nrhiav tau tej nyiaj grants thiab thov tau tej nyiaj rebates uas muaj coj los pab lawv.Cassandra Gibbens
Nws hais ntxiv tias ib cov kev pab ib co lagluam twg yeej yuav nrog tej neeg xav ua luam tham thiab txheeb seb ho muaj cov kev pab cuam li cas rau ib co neeg lagluam twg kom haum raws li qhov lawv xav tau.
Ms Gibbens tshab txhais tias "Lawv yuav muaj peev xwm txheeb tias seb ho muaj cov kev pab cuam dab tsi coj los pab tej lagluam ntau yam thiab pab kom paub txog tej cib fim no. Tsis tas li ntawd los
They will be able to identify the supports available in different industry groups and connect start-ups with these opportunities. Yog li ntawd cov Business Concierge ces kuj pab kom tej lagluam pib tshiab muaj peev xwm sib cuag tau nrog tej neeg tawm tswv yim ywj pheej thiab. Uas lawv yeej muaj peev xwm qhia tau xov xwm txhua yam rau tej neeg xav pib ua ib yam lagluam tshiab, suav cov kev taw qhia tias ho yuav nrhiav tau nyiaj li cas los pab thiab.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Download thiab caum
