Xov xwm luv tshaj tawm hnub zwj Quag (Tuesday newsflash 04.03.2025):
Thawj pwm tsav Anthony Albanese hais tias Peter Dutton lub tswv yim uas yuav tsis pub zej tsoom tej neeg ua hauj lwm rau tsoom fwv ua hauj lwm ntawm tsev ntxiv yog nws raug xaiv ua Australia tus tsoom fwv tshiab yog ib lub tswv yim uas siv tsi tau hauj lwm dab tsi. Mr Dutton tau qhia tias yog nws yeej cov kev xaiv tsa ces nws yuav kom tej neeg mua ua hauj lwm 5 hnub ntawm tej chaw ua hauj lwm.
Tau muaj ib tug nom ntawm tsev dawb hais tias President Donald Trump tau hais kom cheem tsis txhob pab tub rog rau Ukraine tom qab tau muaj kev tsis haum xeeb ntawm Mekas thiab Ukraine thaum tau muaj tej lus sib cov nyom ntawm Mr Trump nrog Mr Zelenskyy hauv tsev dawb rau ob hnub so dhau los. Txawm li cas los Thawj pwm tsav yeej hais tias yuav xyuas kom xav tau Australia cov tub rog tswj kev ruaj ntseg mus rau Ukraine. Thawj pwm tsav thiab Peter Dutton los kuj txhawb nqa Mr Zelenskyy. Mr Dutton hais tias tias nws tu siab uas Mr Trum tseem tam tsam Mr Zelenskyy uas yog ib tug ''war hero'', thiab hais tias Mr Putin ces yog ''ib tug neeg tua neeg coj nruj tsiv uas tsis hwm tib neeg txoj sia.''
Nom tswv Queensland tau muaj cov kev ceeb toom kom tej neeg ntawm xeev Queensland npaj kom txij tsam muaj khaub zeeg cua Tropical Cyclone Alfred los hla thaj chaw nruab nrab ntawm Brisbane thiab NSW tej ciam teb, vim 12 teev dhau los lub khaub zeeg cua muaj ceem ua zum ob lawm.
Tsoom fwv teb chaws Australia tau qhia tias yuav siv nyiaj $4.8 billion los pab NSW tej teej kawm kom pab tau tej tub kawm txog li 780,000 tus rau 10 lub xyoo thiab yuav pib ua tej hauj lwm no xyoo tom ntej no yog Labor yeej rov qab los ua tsoom fwv.
Vatican tau siv ib lub twj los pab txiv plig Pope Francis ua pa tom qab mob ntsws .
Tau muaj tsab ntawv cej luam zum ob ntawm lub koom haum Workplace Gender Equality Agency qhia tias muaj tej neeg ua hauj lwm tshaj 5 million tus ces yeej muaj tej poj niam tseem khwv tau nyiaj tsawg tej txiv neej ib dollars twg uas tsuas tau 78 cents xwb.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
