Xov xwm luv tshaj tawm hnub zwj Quag (Tuesday newsflash 18.03.2025):
Peter Dutton uas yog tus coj ntawm lwm pab nom teb chaws hais tias yog nws yeej los ua tsoom fwv Australia tshiab ces nws yuav tsis muab tej neeg Australia ua pej xeem rau ob lub teb chaws uas ua txhaum terrorism xa rov qab.
Butch Wilmore thiab Suni Williams uas yog ob tug Astronaut tau khuam daig ntawm International Space Station kuj yuav rov qab los rau ntiaj teb ntau teev ntxiv no tom qab tau khuam daig nruab ntug tau 9 hli txij lub 6 hli ntuj tsaib no los.
Jacinta Allan uas yog tus hau xeev Victoria tau qhia tias ntshe nws lwm cov nom yuav tsis tau mus tsev txog rau thaum tsim tau tsab cai Bail Bill siv tso, uas yuav rau txim rau tej hluas vim yuav xub kub siab kom tej zejzog tau txais kev nyab xeeb ua ntej tso.
Mark Carney uas yog Canada tus thawj pwm tsav uas lees ua nom tshiab kuj tau mus xyuas EU tham txog kev lagluam thiab pab Ukraine thiab hais tias kom Trump tso tseg tsis txhob hais tej lus tawm tswv yim tias yuav Canada ua Meskas ib lub xeev tom qab tau muaj teeb meem rau cov kev sib raug zoo phem zuj zus ntxiv. Nws kuj tau mus xyuas huab tais Charles, tau nrog Kir Starmer tham tom qab tau ntsib Fabkis tus coj Emmanuel Macron.
Labor raug tsub nias kom cia li tsis txhob teev lub koom haum construction union tom qab limtiam no uas tub ceev xwm teb chaws tseem txheeb ib co lus iab liam tias CFMEU tej nom tsim kev kub ntxhov rau poj niam.
Trump yuav sab laj nrog Putin txog Europe lub nuclear power plant loj tshaj plawws rau lub caij uas Ukraine thiab Russia pheej liam ib tog twg tias yog tus yuav ua rau muaj teeb meem rau lub chaw tsim hluav taws xob siv no.
Labor kuj raug tsub nias kom tso tseg tsis txhob ua raws li cov kev pom zoo AUKUS uas Australia yuav ib co nkoj nuclear submarine uas twb siv nyiaj txog $800 million lawm, tom qab uas Malcolm Turnbull uas yog Australia tus qub thawj pwm tsav dhau los thiab Adam Bandt uas yog Greens tus coj hais kom tso tseg, uas thaum xub yeej muaj Paul Keating uas yog Australia tus qub thawj pwm tsav dhau los , Bob Car uas yog tus nom txawv teb chaws tsis pom zoo.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
