Xov xwm luv tshaj tawm hnub zwj Quag (Tuesday news 02.04.2025):
Tus coj ntawm Australia lub txhab nyiaj faj seeb haiv (Reserve Bank of Australia) hais tias Meskas tej kev tsub se rau tej khoom xa muag rau nws lub teb chaws yog tej yam tsis zoo rau ntiaj teb tej lagluam, txawm li cas no nws kuj tsis txo kab theem paj kom tsawg thiab tseem siv li qub ntawm 4.1 feem pua.
Meskas tus President Donald Trump tau cog lus tias yuav ua siab zoo thaum qhia txog nws tej se tsub rau tej khoom xa muag rau Meskas ua ntej nws yuav los qhia txog tej no ces kuj tseem tsis tau paub tias yuav yog tej se tshiab dab tsi los yog yuav tsub tej se li cas.
Australia pab nom Labor tau cog lus tias yuav txhawb nqa kom Australia tej neeg ua hauj lwm khwv tau nyiaj tsawg li minimum thiab award wages ntawd khwv tau nyiaj hauj lwm ntau tuaj ntxiv tiag tiag.
Peter Dutton uas yog tus coj ntawm lwm pab nom teb chaws hasi tias tsim nyog pab nyiaj rau tej kev kawm ntawm tej xeev raws li qhov tsim nyog pab tab sis nyob ntawm tej xeev seb lawv puas yuav tso tseg tsis siv tej xwm txheej tsis tau txais vaj huam sib luag coj los ua cov txiav txim tias seb puas pab nyiaj rau tej teej kawm. Thiaj ua rau Jason Clare uas yog tsoom fwv tus nom tswj dej num kev lawm tsis pom zoo nrog Mr Dutton tej lus , thiab cav tias tsim nyog tej me nyuam yaus yuav tau txais kev pov puag ntawm pab nom koom tswj tej tswv yim.
Thiaj tau muaj tej xwm txheej no tom qab thawj pwm tsav Anthony Albanese tau qhia tias yuav xaiv tsa tsoom fwv tebchaws Australia tshiab rau hnub tim 3 lub 5 hlis ntuj (2025), uas nws tau qhia rau Samantha Mostyn uas yog Australia tus kis rau huab tais Charles.
Phaum neeg Millennials thiab Generation Z yog cov phaum neeg uas muaj yuav laug txog 50 feem pua ntawm tej neeg xaiv nom rau cov kev xaiv tsa tsoom fwv teb chaws Australia tshiab uas yuav los txog sai sai no, ces thiaj yog thawj zaug uas muaj cov phaum neeg xaiv nom no coob tshaj phaum neeg Baby Boomers.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
