Tau muaj ntau cov neeg zejzog South East Asian uas muaj Nplog, Cambodia, Cob tsib thiab Phabmab ntawm ntau lub teb chawstau mus tawm tsam lawv tej tsoom hwv ntawm lub rooj koom txheej ASEAN-Australia Summit 15-18 March 2018 ntawm Sydney. Tab sis yeej tsis muaj neeg zejzog Hmoob mus koom cov kev tawm tsam no li.
Tus coj koom haum Hmoob Australia Society dhau los kuj tau tawm tswv yun tuas zejzog Hmoob yuav nyob tsis tau twj ywm li no ntxiv lawm thiab yuav tsum tau kub siab nrog lwm lub zejzog sab laj kom thiaj li paub los koom raws li qhov tsim nyog.
Tau muaj tej koom haum tswj tib neeg txoj cai ncaj ncees thiab tej neeg tawm tsam tsoom hwv tau nqua hu kom Australia uas yog tus tswv cuab tswj lub rooj koom txheej no yuav tsum coj cov dej nuam cuam tshuam txog tib neeg txoj cai ncaj ncees (Human rights) coj los ua ib cov ncauj lug tseem ceeb sab laj hauv lub rooj koom txheej no thiab.
Ms. Po Bounthorn Chanthalavong uas yog Nplog ib tug poj niam tuaj txawv teb chwas tuaj rau teb chaws Australia no tau koom nrog Nplog cov neeg zejzog hauv teb chaws Australia no mus tawm tsam tsoom hwv rau lub caij nws tuaj koom lub rooj koom txheej no. Thiab nws tau nqua hu tsoom hwv Nplog kom tswj hwm raws li txoj kev tswj hwm ywj pheej uas tso cai rau pej xeem xaiv lawv tus coj (Democracy) raws li koom haum nraj nrig tim koom haiv (United Nations) tej cai (Charters) tau teev tseg.
Cov neeg Nplog uas mus tawm tsam tsoom hwv Los tsuas tau nqua hu kom tsoom hwv yuav tsum qhib kev dav tso cai ywj pheej rau pej xeem Nplog muaj cai tawm suab tawm tswv yim tau ywj pheej yam tsis ntshai tias tsam raug txim los yog raug cai, hais kom tsoom hwv Nplog yuav tsum tau cam hwm leej tib neeg txoj cai ncaj ncees, nrhiav kom tau Sombat Somphon uas ploj lawm, tso tseg txoj kev siv tsoom hwv lub fwjchim tawm tsam pej xeem, xaus Nyab laj cov kev raus tes rau Nplog tej laj fai kum xeeb, xaus tej kev txiav xyoob ntoo txhaum cai, txaus cov kev txeeb pej xeem liaj teb thiab tsim pas dej tauv tsim hluav taws xob, yuav tau los nrog xyuas kom txhob muaj tej lagluam yaj yeeb txhaum cai thiab tej teeb meem nyiag neeg coj mus siv yam tsis raug kev raug cai, nrhiav kev pab cuam rau Nplog tej hluas kom muaj cib fim zoo tau kawm txuj kawm ci. Tej no yog cov suab ntawm cov neeg Nplog uas tau qw tawm tsam.
SBS News kuj tau cej luam tias muaj ib txhia neeg tawm tsam tau hais tias ib txhia thawj pwm tsav ntawm qee lub teb chaws muaj ntshav los lawv tes, lawv yog cov neeg siab phem lim hiam, yog cov neeg siv hwjchim, yog cov neeg siv lwm tus yam tsis raug kev raug cai thiab yog ib cov neeg ua txhaum cai."
Teb chaws Cambodia tus thawj pwm tsav Hun Sen yeej tau hais ib cov lus rau cov neeg Cambodia ntawm teb chaws Australia uas npaj yuav mus tawm tsam nws rau lub caij sab laj ntawm lub rooj koom txheej ASEAN-Australian Summit no tias, yog tseem muab nws tus duab mojzeej hlawv ces nws yuav raws tej neeg ntawd qab mus tom lawv tsev muab lawv ntaus.
Teb chaws Malaysia tus thawj pwm tsav Najib Rasak tau hais kom tsoom hwv yuav tau kub siab los nrog xyuas cov teeb meem kub ntxhov cuam tshuam txog nws cov neeg pawg tsawg Rohingya Muslim vim txhawj tsam yuav raug cov neeg phem IS ntxias siv.
Tham txog txoj kev ruaj ntseg rau cheeb tsam no, ces kuj tau muaj ntau tus coj ntawm lub koom haum ASEAN nrog rau Australia tus thawm pwm tsav yeej pom zoo kom yuav tsum tau kub siab tshaj no los sib koom tes los tawm tsam nrog cov neeg phem tua neeg, tsim cov programs sib pab sib koom tes thiab sib faib siab qhia tej xov xwm cuam tshuam txog tej neeg phem kom tej tsoom hwv paub txog tej xwm txheej neeg phem npaj yuav tsim kev kub ntxhov, kom thiaj li yuav muaj peev xwm los tiv thaiv, tawm tsam nrog tej neeg phem no kom thiaj li yuav tswj tau txoj kev ruaj ntseg rau cheeb tsam no.
Malaysia tus thawj pwm tsav Najib Rasak tau hais tias "Peb yuav tsum tsim kom tau tej cai los nqes tes los tiv thaiv thiab tawm tsam nrog cov neeg phem lub tswv yim tsim xwm txheej kub ntxhov tsis yog pheej yuav los daws tej teeb meem no tom qab twb tau tshwm sim lawm wb."
Australia tus thawj pwm tsav Prime Minister Malcolm Turnbull tau hais tias cheeb tsam Asia Pacific yog Australia lub neej pem suab vim yog ib cheeb tsam uas muaj ntiaj teb cov lagluam loj hlob huam vam sai tshaj plaws hauv ntiaj nteb. Rau qhov tias yeej muaj Australia tej pej xeem txog li xya pua txheeb tus yog cov neeg tuaj ntawm lub koom haum ASEAN cov teb chaws no tuaj nyob rau teb chaws Australia.
Kim Turnbull thiaj tau qhia tias yog ib lub rooj sab laj uas tham tau mus zoo raws li siab xav rau fab lagluam thiab yeej tau koom tes nrog ntau lub teb chaws los kos xyeem memtes nrog cov teb chaws no.#
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
Mus download tau SBS Radio app tau hauv Google Play thiab App Store ntawm tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau tau.
Koj muaj peev xwm mloog tau cov xov tooj cua tau raws li lub vam sab ntawm no:
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
