Nyog rau lub tsam thawj uas SBS tseem yuav pib qhib nws cov kev sib tw National Language Competition 2018 rau lub caij tim 15th October 2018 mus txog rau zwj thaj tim 18th November 2018 no, kuj tau muaj ib lub tsev kawm qib siab (txhooj faj lem) tau nrhiav cov laus neeg tsiv teb tsaws chaw los pab qhia ntawv thiab qhia lus rau cov me yes kawm ntawv qib nrab (high school) lawm thiab.
"Muaj ib tug ntawm peb tug neeg Australia twg yeej yog cov neeg yug txawv teb chaws uas tsis hais lus Askiv ua thawj hom lus"
Raws li tau muaj kev cej luam tsis ntev los no tau qhia, Australia cov tub kawm secondary school kawm ib hom ntawv thiab lus txawv teb chaws tsawg zuj zuj tuaj lawm, vim lawv tau siv lub caij mus koom kev sib tw los yog ua lwm yam ces thiaj tsis muaj cib fim nrog lawv tsev neeg, nrog lawv tej phooj ywg los yog nrog tej zejzog tham ua lawv hom lus los yog tham ua hom lus lawv kawm thiab tsuas siv lus Askiv ntau lawm xwb thaum lawv mus kawm ntawv rau tom tej teej kawm.
Yog li lub txhooj faj lem Monash University thiaj tau tsim ib cov kev teeb txheeb uas nrhiav cov laus neeg tsiv teb tsaws chaw uas yog pej xeem Australia coj los pab tej me yes "connecting bilingual seniors with student language learners' no kom kawm tau ib hom lus thiab ntawv txawv teb chaws kom zoo dua qub tuaj ntxiv, thiab Dr. Hui Huang kuj yog ib tug uas tau koom saub thiab muab cov kev teeb txheeb 3 xyoo no coj los sau ua ib phau ntawv hu ua 'Rethinking second language learning: using intergenerational community resources' no rau sawv daws tau nyeem lawm thiab.
Cov lus thiab ntawv muaj neeg nyiam kawm thiab qhia ntau tshaj plaws hauv teb chaws Australia yog Japanese, ntxiv ntawd yog cov lus Italian, Indonesian, French, German thiab Mandarin, tab sis lus Suav (Mandarin) yog hom lus 2 uas muaj neeg siv coob tshaj plaws ua zum 2 dua ntawm cov lus Askiv uas siv hauv teb chaws Australia no, thiab cov lus suav tseem yog ntiaj teb ib hom lus muaj neeg siv ntau heev, txuas ntxiv ntawd yog cov lus Spainish thiab cov lus Arabic.
Cov kev muaj feem koom los pab qhia lus thiab qhia ntawv ntawm Australia tej laus neeg tsiv teb tsaws chaw (Australian seniors bilingual migrants) tuaj ua lub neej thiab yog pej xeem Australia no rau tej me yes (tub kawm) high school no kuj tau ua rau lawv muaj txoj kev zoo siab rau lawv lub neej tshaj qub ntxiv, vim lawv tseem mloog tau tias kev tsis muaj feem koom nrog tej neeg zejzog thiab raug cai nyob twm zeej los sis cov kev tsis tau siv lawv tej txuj ci coj los pab tej zejzog kom tau txais txiaj ntsim zoo li ua rau lawv lub neej tsis tseem ceeb dab tsi ntxiv lawm.
Tab sis tej kev txhawj xeeb no kuj tau tig thiab tau pauv hloov los ua yam zoo tau txais txiaj ntsim rau tej laus neeg no kom mloog tau tias zoo li lawv hluas zog tuaj thiab kub siab rau txoj kev ua lub neej tshaj qub cus plaws ntxiv thiab tej tub kawm los ho kub siab thiab ho kawm tau ntawv thiab tau lus zoo dua qub ntxiv vim tau nrog cov tswv lus hom ntawv ntawd tham thiab siv kiag lawm tom qab uas Australia lub txhooj faj lem Manash University tau nrhiav ib cov laus neeg uas hais lus Suav, lus Spanish thiab lus German los koom qhia ntawv rau Australia cov tub kawm high school. Ces thiaj ua rau tau txais txiaj ntsim rau 2 pawg neeg no tib si lawm raws li Dr. Hui Huang uas yog tus tswj cov lus Suav ntawm lub txhooj faj lem Monash University tau qhia.
Yog tias koj xav koom SBS cov kev sib tw National Language Competition 2018 uas yuav pib txij hnub tim 15.10.2018 txog hnub tim 18.11.2018 no ces txheeb xyuas tau ntawm
Xov xwm qhia txuas ntxiv:
1) Koj muaj peev xwm txheeb xyuas tau SBS cov kev sib tw National Language Competition 2018 raws li lub vas sab nod:
3) Nrhiav tau cov teej kawm ntawv thiab lus ntawm xeev New South Wales tau ntawm no:
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store thiab ntawm Google Play los yog download xov xwm kaw ua suab (Podcasts) ua lus Hmoob thiab lus Askiv tau ntawm los sis download tau ntawm thiab ntawm iTunes los yog mloog tau ntawm tuaj koom ua tub koom siab thiab koom mloog tau tau ntawm #SBSHmong lub Facebook page tau.
