Lub koom haum Parinatal Anxiety and Depression (PANDA) uas yog ib lub koom haum pab tej niam txiv sab laj thiab daws kev nyuaj siab rau lub caij xeeb me nyuam thiab tom qab yug me nyuam tag uas tsis nce rau tseem hwv thiab tau lis tej dej num no pab tej neeg zejzog los tau ntev tshaj 30 tawm xyoo no lawm.
Terri Smith uas yog tus coj ntawm lub koom haum no qhia rau SBS Radio Hmong Program tias nws lub koom haum muaj ib cov checklists tshiab coj los pab ntau cov neeg thiab xav txhawb nqa kom cov nkawm niam txiv tshiab yuav tsum tau kub siab tshaj tam sim no los saib xyuas lawv tus kheej siab ntsws lub hlwb thiab lawv txoj kev xav kom tau txais kev noj qab nyob zoo.
"Ms. Smith tau hais tias nws lub koom haum cov kev teeb txheeb tsis ntev los no yeej tau qhia lawm tias muaj 9 tus ntawm 10 tug niiam txiv twg uas muaj cov me nyuam hnoob nyoog qes dua 5 xyoos yeej ua txoj dag tias lawv tsis muaj teeb meem nyuaj siab ntxhov plawv los yog mob hlwb dab tsi. Tsis tas li no muaj neeg Australia tshaj ib nrab yeej tau qhia tias lawv xav kom lawv muaj peev xwm los ua tau ib yam dab tsi coj los pab tej niam txiv tshiab no, tab sis zoo li lawv tsis muaj peev xwm yuav pab tau raws li siab xav li thiab tsis pom qab tias xyov yuav pab tau li cas, vim cov teeb meem nyuaj siab ntxhov plawv thiab mob hlwb no yeej yog ib cov teeb meem tham tsis tau yooj yim, yog li ntawd thiaj xav kom sawv daws yuav tsum tau kub siab nrog xyuas cov teeb meem no."
Mloog tau Terri Smith cov lus tham txog cov teeb meem nyuaj siab ntxov plawv ntawm cov niam txiv tshiab ua lus Askiv (English) ntawm no:
Txawm li cas los Terri Smith kuj tau qhia ntxiv tias "Cov kev tau txais kev noj qab nyob zoo rau lub hlwb thiab txoj kev xav yeej tseem ceeb tib yam li cov kev tau txais kev noj qab nyob zoo rau fab cev ntaj tsug thiab." Yog li ntawd nws thiaj xav kom sawv daws yuav tsum los tham thiab txhawb nqa kom tej niam txiv tshiab los tham txog cov teeb meem no kom ntau tuaj ntixv thiaj yuav nrhiav tau kev pab cuam rau lawv.
Ms Smith kuj tau hai tias txhua leej txhua tus hauv tej zejzog yeej muaj lub lub hauj lwm los nrog xyuas cov teeb meem mob hlwb thiab nyuaj siab ntxhov plawv uas tej niam txiv tshiab no muaj tau.
Thawj co neeg yog cov health professional. Vim tej poj niam yeej tau ntsib thiab tau thov kev pab cuam los ntawm cov neeg no rau lub caij lawv xeeb me nyuam los yog tom qab lawv yug me nyuam tag ntawd lawm. Yog li thiaj xav kom cov health professional no pab cov niam txiv tshiab thiab.
Terri Smith qhia tias muaj 5 hom checklists txheeb xyuas seb lawv puas muaj teeb meem nyuaj siab ntxhov plawv thiab mob hlwb xws li hauv qab no:
- Cov checklist rau cov poj niam xeeb me nyuam tshiab uas tseem yuav los ua leej niam tshiab. Txheeb xyuas
- Cov checklist rau cov txiv neej uas tseem nyuam qhuav yuav ras los ua leej txiv. Txheeb xyuas tau.
- Cov checklist rau cov poj niam uas tau yug me nyuam tag thiab ras los ua leej niam thawj zaug lawm. Txheeb
- Cov checklist rau cov txiv tshiab uas tom qab tab zag yug tau me nyuam lawm.
- Cov checklist rau tus txiv, tsev neeg los yog tej phooj ywg uas txhawj xeeb txog tus leej niam tshiab.
Ntxiv ntawd ces yog cov niam txiv ntiag tug kiag, lawv tsev neeg, nrog rau tej phooj ywg thiab tej neeg zejzog los sis cov koom haum pab cuam txhua nrho yog cov yuav tau los sib pab thiab tham txog cov teeb meem no. Los nug thiab nrog cov niam txiv tshiab no tham tias seb lawv puas muaj kev nyuaj siab ntxhov plawv rau lawv txoj kev ua lub neej li cas, txhawb nqa kom lawv tham txog cov teeb meem no los yog qhia tias seb puas yog lawv nkees los yog sab ib ce xwb los sis yog lawv muaj cov teeb meem nyuaj siab ntxhov plawv no li cas. Tus txiv kiag los yuav tau nrog yus tus poj niam los sis yus tus poj niam yuav tau nrog yus tus txiv tham txog tej teeb meem no los yog yus tsev neeg thiab tej phooj ywg yog yuav tsum tau nug thiab kub siab txog tias seb yus puas tau txais kev noj qab nyob zoo rau phab kev kaj siab thiab tsis mob hlwb no. Tej koom haum los tsim nyog yuav tau los txhawb nqa kom tej neeg qhib siab los tham txog cov teeb meem no kom ntau tuaj ntxiv.
Terri Smith uas yog tus coj lub koom haum PANDA tau qhia tias lub plua (week) no nws lub koom haum tau coj ib cov checklists los tso rau hauv nws lub koom haum no lawm thiab xav txhawb nqa kom ntau cov neeg li tau hais los saum toj no mus txheeb xyuas.
Nws hais ntxiv tias, txawm tej niam txiav tshiab tsis xav tham los xav kom lawv mus txheeb xyuas cov checklists no seb lawv ho puas raug cov teeb meem no kom thiaj ho paub nrhiav kev pab cuam rau lawv. Los yog kom thiaj yog ib lub tswv yim pab kom qhib siab thiab pib sib tham txog cov teeb meem mental health, anxiety thiab depression issues no. Thiab qhia rau cov niam txiv paub tias yus txhawj xeeb txog lawv, txawm lawv tsis xav nrog yus tham thiab tsis xav qhia rau yus los tsis ua li cas, xav kom lawv mus txheeb xyuas cov checklist no ntawm .
Ntxiv ntawd los Ms Smith tau qhia ntxiv tias tej niam txiv tshiab tseem muaj peev xwm hu rau nws lub koom haum PANDA's helpline tus xov tooj 1300 726 306, uas yeej hu tau 24 teev 7 hnub mus thov kev pab cuam sab laj sib tham thiab yeej muaj neeg txhais lus ua yus hom lus rau yus, thiab qhov zoo tshaj ces yus siv cov services no dawb xwb tsis tau them nyiaj dab tsi. Tsis tas li no yog koj xav tau neeg pab txhais lus thaum koj hu mus thov kev pab cuam ntawm lub koom haum no ces xav kom kom sib txuas thiab hu xov tooj rau 131 450 nrog lub koom haum tham thiab teem caij kom lawv thiaj paub tias yuav pab koj rau lub caij twg.
Yog li ntawd Terri Smith thiaj xav kom tej niam txiv tshiab, lawv tsev neeg, lawv tej phooj ywg los yog tej neeg zejzog uas raug cov teeb meem no los yog xav tias ntsib cov teeb meem no kom mus txheeb xyuas tau ntxiv rau ntawm lub koom haum ntxiv.#
