Xov xwm luv tshaj tawm hnub zwj Feej (Wednesday newsflash 03.04.2024):
Tau muaj tsev kawm qib siab Monash University ib co kev teeb txheeb tshiab qhia tias rov qab muaj txiv neej tej cwj pwm khav txiv thiab tsis nyiaj poj niam ntawm Australia tej teej kawm ntxiv lawm. Cov kev tshawb fawb no txheeb tau tias tej me nyuam tub rov qab coj tej cwj pwm thab zes lwm tus, tsis nyiam poj niam, uas yog ib co cim qhia txog tej kev pauv hloov uas txaus txhawj xeeb heev hauv Australia tej teej kawm.
Penny Wong uas yog Australia tus nom txawv teb chaws hais tias Israel yuav tsis tau txais kev txhawb nqa zujzus ntawm zejzog pej kum haiv yog tias nws tseem coj nws tus cwj pwm qub ntawm Gaza txuas ntxiv. Thiaj tau muaj tej lus tawm tswv yim no tom qab tau muaj 7 tus neeg ua hauj lwm pab tej neeg txom nyem uas muaj ib tug yog neeg Australia raug Israel ib lub dav hlau tua tas sim neej. Senator Wong thiaj tau qhia rau lub chaw nthuav xov xwm tshooj 7 tias Israel yuav tau ua raws li zejzog pej kum haiv cai. Nws hais tias 'Peb yeej tau hais ncaj qha rau tsoom fwv Netanyahu lawm tias ntau lub teb chaws ntawm zejzog pej kum haiv yuav tsis pab lawv tej hauj lwm no. Thiab lawv yuav tsum tau hloov ua raws li zejzog pej kum haiv tej cai pab tej neeg txom nyem, uas yuav tau pov puag tej neeg uas hauj lwm pab lwm tus nrog thiab.'
Donald Trump uas yog Meskas tus coj dhau los tau piav tsoom fwv Biden tus tsoom fwv cov kev tswj tej dej num tsiv teb tsaws chaw tias yog ib cov xwm txheej nrog kua zig. Mr Trump tau hais ib co lus ntawm xeev Michigan rau lub caij nws tawm tsam Joe Biden thiab tau hais tias tej xwm txheej ntawm Meskas thiab Mexico tej ciam teb tab tom tsim kev puas tsuaj rau nws lub teb chaws.
Australia tus thawj pwm tsav Anthony Albanese tau qhia tias nws xaiv Samantha Mostyn los ua Australia tus nom sawv cev rau huab tais Aaskiv zum 28. Ms Mostyn ces tam sim no yog tus tswj tsoom fwv lub koom haum Women's Economic Equality Taskforce thiab kuj yog tus neeg sab laj tawm tswv yim rau Australia tus qub thawj pwm tsav Paul Keating dhau los.
Peter Dutton uas yog tus coj ntawm lwm pab nom teb chaws tau nqua hu kom tig mus siv cov nuclear energy kom thiaj tsim tau tej hluav taws xob pheej yig rau tej lagluam me siv. Lub caij uas nws tab tom hais ib cov lus thaum tseem koom lub rooj sab laj National Small Business Summit ntawm Sydney ces nws kuj tau qhia txog tej txiaj ntsim ntau yam ntawm cov nuclear power, thiab hais tias yog tej yam yuav pab tau tej lagluam.
Muaj ntau caum cov ntug hiav txwv ntawm xeev Victoria thaj hiav txwv Port Phillip Bay yuav tsis tau txais kev nyab xeeb mus ua luam dej tom qab tau muaj ntuj los nag hlob heev ntau hnub. Lub koom haum Environmental Protection Agency thiaj tau qhia tias muaj 36 thaj nug hiav txwv ze Melbourne thiab ib puag ncig yog cov chaw tsis zoo mus da dej. Thiab St Kilda, Briton mus rau Mornington Peninsula's thaj ntug hiav txwv Portsea, Sorrento thiab Rye nrog rau Williamstown thiab Altona ntawm Melbourne sab hnub poob yog qee thaj ntug hiav txwv ntawm ntau thaj tsis xav kom tej neeg mus siv.
Tau muaj ib cov tshuaj vaccine hno tiv thaiv kab mob khaub thuas tshiab raug coj los pib siv xyoo no ntawm Australia rau lub caij tseem tab tom pib muaj kab mob khaub thuas lawm. Tej kws paub zoo txog tej hauj lwm no hais tias tus tshuaj tshiab no yog tsim coj los siv kom haum raws li tej kab mob khaub thuas uas tab tom sib kis thoob ntiaj teb no.
Google tau pom zoo yuav muab ntau billions tej xov xwm ntawm tej neeg ntiag tug ntau tshaj li 136 million tus uas mus siv Google Chrome search ntawd lwv pov tseg vim raug liam tias yog ib cov kev nyiag soj lwm tus yam tsis raug cai coj los ua cov kev sib kho kom xaus tau ib rooj plaub.
Nplog phau ntawv xov xwm The Laotian Times tau tshaj tawm tias Thaib lub koom haum tswj tej tshav dav hlau (Airport of Thailand -AOT) tau qhia tias yuav nce cov nqe passenger service charge rau tej neeg txawv teb chaws tshaj USD 20 thiab nce tej nqe no rau tej neeg ncig hauv teb chaws Thaib ua 130 Baht.
Bangkok Post tau tshaj tawm tias txij lub 5 hlis ntuj no mus ces nom tswv Thaib yuav tsub se Value Added Tax (VAT) 7 feem pua rau tej khoom nqus txawv teb chaws los muag ntawm teb chaws Thaib. Tam sim no ces tej khoom nqus txawv teb chaws los muag uas raug tus nqe tsawg dua 1,500 Baht ces tsis tau them se VAT dab tsi.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
