Yuav txog ntiaj teb hnub World Health Day (07 lub 4 hlis ntuj) no lawm, Maiv Yaj uas yog ib tug dental hygienist ntawm nroog Brisbane, xeev Queensland teb chaws Australia muaj cov lus taw qhia los pab kom peb tau txais kev noj qab nyob zoo rau peb lub qhov ncauj.
Maiv Yaj hais tias 'cov kev xyuas kom peb tau txais kev noj qab nyob zoo rau peb lub qhov ncauj mas yuav tau xyuas txhua yam tsis hais yog hniav, nplaig, pos hniav thiab tej qa tej qab yig tib si.
Peb yuav tsum txhuam peb tej hniav kom huv yam tsawg li ib hnub ob zaug sawv ntxov thiab tsaus ntuj, thiab siv tej xov (dental floss) coj los dig tej khoom noj uas daig rau hauv peb tej kis hniav tawm kom huv si. Ib xyoos twg peb tsim nyog mus ntsib tej kws rho hniav ob zaug kom tsis txhob muaj kab mob.Maiv Yaj, dental hygienist in Brisbane, Queensland, Australia.
Thiab yog thaum tham txog cov kev txhuam hniav lawm ces Maiv Yaj xav kom siv cov txhuam hniav muag muag (soft tooth brush) los txhuam ua voj vooj ntawm ib tug hniav txuas rau ib tug hniav thiab txhuam kom thoob txhua tus hniav uas tsuas siv sij hawm txhuam ib zaug twg txog li 2 ntiag tiv (minutes) xwb tau lawm. Tsis txhob txhuam mus los (back and forth) vim yuav ua rau peb tej hniav yaig.
Nws hais ntxiv tias 'feem ntau mas peb tsis tshua kub siab txog peb lub qhov ncauj thiab tej hniav npaum li peb lub cev, tab sis yog tej yam tseem ceeb heev uas peb yuav tsum tau kub siab txog.'
Tsis xav kom peb noj tej khoom noj daw daw ntsev, los yog qab qab zig, los yog tej khoom noj nplaum nplaum uas yuav mus khub rau peb tej hniav, los yog tsis xav kom peb haus tej kua txiv xyoob txiv ntoo, los sis haus dej qab zib (soft drink - soda) ntau, vim yuav ua rau muaj kab noj peb tej hniav.Maiv Yaj, dental hygienist in Brisbane, Queensland, Australia.
Tab sis vim cov kev rho hniav no yog ib co peb yuav tau them kim heev thiab yuav tau rho nyiaj ntiag tug them, thiab yeej yuav tau tos ntev mam tau siv zej tsoom cov kev pab rho hniav xwb.
Maiv Yaj thiaj qhia tias txawm li ntawd los yeej muaj qee cov kev pab cuam ntau yam coj los pab rau neeg Australia tau siv thiab.
Cov () ces yog cov coj los pab rho hniav rau Australia tej me nyuam yaus txij thauj yug txog hnoob nyoog 17 xyoo.
Maiv Yaj thiaj hais tias 'xum kho thaum tej me nyuam tseem me es lawm hnub lawv loj los lawv cov hniav thiaj healthy thiab thiaj nrog lawv nyob ntev ntev, thiaj li tsis muaj mob rau lawv lub qhov ncauj thiab lawv lub cev.'
Cov public dental health care ces yog ib co kev pab cuam uas nom tswv Australia yeej tsim coj los rau Australia tej neeg zejzog uas muaj health care card, pensioner card tau siv. 'Qhov ib nyuag tsis tshua zoo ces peb tau tos ntev zog mam tau siv cov dental health care no xwb, tab sis yeej zoo dua qhov tsis mus siv.'
Tsis tas li ntawd los nws kuj hais ntxiv thiab tias yog yus muaj peev xwm yuav tau cov private health insurance cover cov oral health care los haj yam zoo, kom thiaj tau siv.
Txuas ntxiv ntawd los kuj muaj peev xwm yuav siv tau yus cov nyiaj superannuation (compassionate release of superannuation) los pab yus rho yus tej nyiaj no coj mus siv rho hniav, ua hniav cuav siv thiab yog tias yus tsis muaj nyiaj los siv cov kev kho mob no. 'Tab sis mas koj yuav tsum tau mus ntsib koj tus kws rho hniav thiab ib tug health professsional specialist sau daim form no xa mus rau koj lub super fund.'
Peb muaj peev xwm nrog cov dental health care professional tham thiab thawv lawv cov kev taw qhia thiab tej xov xwm pab peb tu peb lub qhov ncauj thiab kaus hniav kom tau txais kev noj qab nyob zoo. Los yog nyeem tau tej xov xwm hauv online. Mus ntsib kws hniav ib xyoos ob zaug, txhuam peb tej hniav, siv xov paj dig tej khoom noj daig ntawm kis hniav tawm, noj zaub thiab noj txiv xyoob txiv ntoo kom ntau. Tsis txhob noj tej khoom nplaum kub kaus hniav, tsis txhob haus kua txiv, dej qab zib,' yog ua tau li no ces yeej pab tau peb lawm.Maiv Yaj, dental hygienist, Brisbane, Queensland, Australia.
Maiv Yaj hais tias 'periodontal disease (gum disease) uas yog ib tug mob uas mob ntsiag to (mob pos hniav sov pos hniav qawj) uas tos nco peb paub ces peb tej hniav twb ua ua zog lawm thiab twb yuav poob lawm, los sis peb tej pos hniav twb mob twb o ua paug liab liab los ntshav lawm, tej no ces yog ib qho ib nyuag lig zog lawm. Thiab yog tim poor oral hygiene li tsis tshua txhuam hniav, txhuam hniav tsis huv, tsis mus ntsib kws rho hniav los yog kws ua hniav ib xyoos li ob zaug kom thiaj pab txheeb seb puas tau txais kev noj qab nyob zoo rau yus lub qhov ncauj thiab tej hniav los yog kaus pob zeb tawm hauv yus tej hniav.'
'Nws thiaj xav kom peb kub siab txog peb lub qhov ncauj 'vim yog thawj yam ntawm peb lub cev' tsis yog kub siab txog peb lub cev thiab tej roj ntsha xwb. Thiaj xav kom sawv daws tsis txhob ntshai, vim yeej muaj kev pab ntau yam rau sawv daws.'
LUS TIM TSUM:
Maiv Yaj cov lus no tsuas yog tawm tswv yim coj los qhia rau peb ua kev kawm ua kev paub kom peb paub tu thiab saib xyuas peb lub qhov ncauj thiab tej hniav kom tau txais kev noj qab nyob zoo xwb. Yog koj xav tau cov kev taw qhia tsi ntsees ces tsim nyog koj yuav tau mus ntsib tej kws ua cov hauj lwm rho hniav los yog ua hniav no thiaj yuav pab tau haum raws li qhov koj xav tau.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
