Txij hnub tim 28 lub 10 hli ntuj xyoo 2024 ces Australia yuav tsis siv cov 3G network ntxiv lawm. Ces tej zaum thiaj yuav ua rau tej neeg uas siv tej xov tooj qub, tej xov tooj yuav txawv teb chaws los siv tsis muaj peev xwm siv tau tej xov tooj emergency call (000) los yog ib co twj kho mob tseem ceeb, los yog ib cov system ceeb toom kom tau txais kev nyab xeeb tsam ho muaj tej xwm txheej phom sij tshwm sim tau. Hais tsi ntsees rau tej neeg nyob rau tej zos cheeb tsam nroog thiab tej zos yaj sab uas nyob deb.
Ob lub tuam txhab li Optus thiab Telstra yeej tau qhia thiab pab tej neeg ntau caum txheeb tus kom tau tej xov tooj tshiab siv los yog tej tseem tsis tau hloov kav tsij nrhiav xov tooj tshiab siv thiaj siv tau ntau yam kev pab cuam.
Vim cov kev tso tseg tsis siv cov 3G network no yuav tib mus siv cov 4G los yog 5G lawm.
Ces Michelle Rowland uas yog Australia tus nom tswj tej hauj lwm Communications thiaj tau nqua hu tej neeg Australia kom txheeb seb yus puas yog tej neeg yuav siv tsis tau ntau yam services yog thaum xaus tsis siv cov network no lawm thiab xyuas kom tau tej xov tooj tshiab siv thiaj siv tau ntau yam services.
Tej neeg Australia uas txheeb paub tias muaj xov tooj rau yus tej xov tooj xav kom xa tus zauv ''3'' rau tus zauv xov tooj ''3498'' los yog nrog lub tuam txhab yus siv xov tooj tham thiaj yuav tau kev pab raws li qhov tsim nyog.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
