Xov xwm luv tshaj tawm hnub zwj Quag (Tuesday news 29.10.2024):
Israel tau tsim tau ib tsab cai los txwv tsis pub UN lub koom haum pab tej neeg thoj nam Palestinian ntawm teb chaws Israel thiab ntawm Gaza strip ntxiv tom qab muaj cov kev tawm suab pom zoo 92 lub suab thiab 10 lub suab tsis pom zoo.
David Crisafulli uas yog tus hau xeev Queensland tshiab tau qhia rau tej neeg ua hauj lwm 250,000 rau nom tswv yuav tsis rho tej neeg no tawm 14,000 tus li tus tsoom fwv Cambell Newman tau ua dhau los rau lub caij xyoo 2012-15 lawm.
Michael Outram uas yog tus coj tswm Australia cov hauj lwm ciam teb tau tawm hnub tim 29.10.2024 no tom qab ua los tau 7 xyoo thiab qhia tias muaj teeb meem nyuaj ntau yam tshaj qub ntxiv rau Australia tam sim no piv rau lub caij nws pib ua txoj hauj lwm no.
Tsoom fwv xeev Victoria tseem tab tom npaj yuav los kho ib tsab cai uas yuav tsis hais kom tej neeg raug lwm tus yuam deev thiab thab zes los yog raug soj qab taug lw yuav tau nrhiav pov thawj tim khawv thiab koom tej txheej txheem hais plaub ntxiv lawm yog tias tsim tau tsab cai tshiab no coj los siv.
Tau muaj lub koom haum Associated Press thiab NORC Centre for Public Affairs Research tshawb tau tias 4 tug ntawm 10 tus neeg Meskas teev npe uas muaj cai xaiv nom yeej txhawj xeeb heev tias tsam yuav muaj teeb meem kub ntxhov thiab yuav muaj plaub ntug yog tias ib tog twg swb cov kev xaiv tsa Meskas tus president shiab no.
Tau muaj ib lub tuam txhab khawb peev txheej ntawm Pilbara ntawm xeev Western Australia tseem npaj yuav coj tsoom fwv xeev mus hais plaub tom qab tsis tso cai khawb peev txheej ntawm ib thaj chaw vim txhawj tias ob thaj chaw ntawd yog neeg txum tim tej chaw puav pheej teej tub xyoo 2023 ntawm Karijini National Park uas lub koom haum Wintawari Guruma Aboriginal Corporation yog tus tswv.
Thawj pwm tsav Anthony Albanese tsis lees paub phau ntawv xovxwm Nine Newspaper tej lus iab liam tias nws coj tej cwj pwm tsis tsim nyog kom nws thiab nws tsev neeg tau siv Qantas tej fij dav hlau zoo.
Lub koom haum Smart Energy Council tau liam pab nom Coalition tias nws ntseeg tias pab nom no lub tswv yim xav siv nuclear energy seb Australia puas tsim nyog siv yuav pab tsis tau kom neeg Australia tsis txhob tau them nqe hluav taws xob pheej yig thiab yog cov kev tawm tsam rau tej hauj lwm renewable energy.
Ted Chaiban uas yog tus lwm coj UN lub koom haum UNICEF tau nqua hu kom zejzog pej kum haiv kub siab txog teb chaws Sudan tshaj qub ntxiv rau lub caij muaj tsov rog ntawm lub teb chaws no txog 1 xyoos 6 hl uas twb ua rau tej neeg ntawm lub teb chaws no ze rau qhov yuav tuag tshaib lawm.
The Laotian Times tau tshaj tawm tias nom tswv Nplog npaj nce nyiaj hli rau txhua tus neeg ua hauj lwm rau nom tswv xyoo 2025.
Bangkok Post tshaj tawm tias Thaib tus thawj pwm tsav Paetongtarn teeb tsa ib pawg neeg los nrog xyuas kom txhawb nqa tau nws tej lagluam kom loj hlob tuaj ntxiv, ua ke no los kuj yuav los txheeb tej cai tswj cov kev siv tej drones ua liaj ua teb thiab pab tej xwm txheej phom sij.
Australia pab Matilda tau sib tw yeej teb chaws Germany 2-1 rau cov kev sib tw ncaws pob ntawm Duisburg.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
