Raws li tau muaj kev teeb txheeb lawm, txhua txhua ib tug me nyuam ntawm 10 tus twg yeej muaj ib tug yug ua ntej lub caij tsim nyog yug, ces thiaj ua rau tej ua niam ua txiv mloog tau tias lawv ua dab tsi txhaum. Tab sis lub caij lawv ntsib tej teeb meem no los yeej tsis muaj kev pab cuam txaus rau lawv li thiab, thiaj li ua rau lawv rov qab liam rau lawv tus kheej tias lawv yog tus tau ua ib yam dab tsi txhaum, ua rau lawv nyob ib leej kho siab khuav thiab tsis paub yuav los daws tej teeb meem no li cas.
Yog li ntawd, Kylie Pussell uas yog ib tug leej niam uas ntsib cov teeb meem no thiaj tau los koom teeb tsa lub koom haum Miracle Babies Foundation thiab yog tus coj ntawm lub koom haum no, lub hom phiaj yog tsim tsa coj los pab tsoom niam txiv uas ntsib tej teeb meem no.
Nws hais tias" Tej niam txiv yeej mloog taut ais lawv ua ib yam dab tsi txhaum thiaj ua rau lawv yug tau tus me nyuam los muaj mob thiab yug ua ntej lub caij tsim nyog yug, ua rau lawv tus me nyuam tsis cus li, lwm tus yug tau los. Tsis tas li no tseem muaj teeb meem ua rau leej txi tseem mloog tau tias nws ua txhaum thiab vim tsis pom qab yuav tu thiab saib xyuas leej niam los yog tus me nyuam rau lub caij yug tau me nyuam tshiab ntawd."
Tab sis yog tim dab tsi thiaj muaj cov teeb meem yug me nyuam ua ntej lub caij tsim nyog yug no?
Raws li Kylie Pussel hais "Cov teeb meem no yeej sib txawv txav rau tej ua niam ib leej ntiag tug, thiab tej cuab yim, tej zaum kuj tim keeb kwm ntawm leej niam los yog tej zaum tim caj ceg neeg thiab muaj qee zaus ces yeej tsis paub tias yog tim dab tsi thiaj muaj tej teeb meem no tshwm sim thiab.“
Mloog tau cov lus nrog Kylie Pussel tham ua lus Askiv (English) ntawm no:
Yog li tus me nyuam yug ua ntej lub caij tsim nyog yuav raug teeb meem dab tsi thaum ntxov los yog ntev ntxiv tuaj?
“Kylie Pussell hais tias -thawj thawj 2-3 plua rau ntau hli thaum yug tau tus me nyuam, ces yuav muaj teeb meem ua rau tus me nyuam ua tsis tau pa yooj yim, muaj teeb meem cuam tshuam txog plawv, paj hlwb, thiab kev kub kev sov ntawm tus me nyuam lub cev, plab hnyuv tsob ntshav thiab feem ntau lub cev tsis muaj zog thiab noj tsis tshua tau mis. Yog li thiaj yuav tsum tu ntshis kom tus me nyuam tau txais kev nyab xeeb thiab txhob muaj mob ua yog tej yam tseem ceeb heev. Tsis tas li ntawd yuav tau nrhiav kev pab cuam ntau yam pab rau tus me nyuam tsis hais yog zuaj nws ib ce, thiab lwm yam kev pab cuam. Hos thaum tus me nyuam loj tuaj lawm, yuav tsum tau pab qhia kom nws txawj hais lus, los yog pab kom nws kawm tau ntawv, pab kom nws coj tus cuj pwm tus thiab sib txuas lus tau nrog lwm leej lwm tus thaum nws pib lub kawm ntawv ntawm tej teej kawm."
Yog li peb yuav txheeb tau li cas tias tus leej niam twg yuav yug me nyuam ua ntej lub caij tsim nyog yug?
Ms. Pussell hais tias “Yeej tau muaj ib cov kev teeb txheeb tshiab tau los tshawb fawb txog tej teeb meem no thiab tau los sim ntshav seb puas muaj peev xwm qhia tau tias nkawm niam txwv twg yuav raug cov teeb meem no. Peb kuj muaj hmoo uas muaj ntau cov kev teeb txheeb txog tej dej num no hauv teb chaws Australia thiab pej kum haiv hauv ntiaj teb txog cov kev yug me nyuam thiab tej teeb meem uas me nyuam tseem pw tom tsev kho mob, uas yeej pab tau zoo dua tuaj ntxiv lawm tab sis cia siab tias peb yuav tsim tau cov kev kho mob thiab pab cuam zoo tshaj qub ntxiv rau yav pem suab."
Ms Pussell tau hais tias "ntxiv ntawd tseem muaj ib cov yam ntxwv mob li pre-eclamsia (cov yam ntxwv poj niam muaj ntshav siab, ntej muag, caj npab kav hlaub vos o thiab muaj protein hauv zis) nrog rau lwm cov yam ntxwv mob yuav muaj peev xwm ua rau tus leej niam ntawd yug me nyuam ua ntej lub caij tsim nyog yug. Tab sis yeej muaj qee zaus uas tej kws kho mob tshuaj ntsuam tau rau lub caij xeeb me nyuam thiab pab kom tej niam txiv ho npaj lawv tus kheej ua ntej lawm thiab."
Kylie Pussell qhia tias “Lub koom haum Miracle Babies Foundation kuj tau muaj ib cov kev pab cuam rau tej ua niam ua txiv yuav mus yug me nyuam ntawm tsev kho mob los yog yuav rov qab los tsev rau tej neeg zejzog thiab, uas yog tej yam tseem ceeb heev rau yim neeg ntawd. Qhov zoo yog los pab kom lawv tham tias seb tam sim no lawv ntsib teeb meem dab tsi, thiab yuav muaj teeb meem dab tsi ntxiv kom lawv paub npaj los tus lawv tus me nyuam, thiab tu lawv tus kheej, pab kom lawv muaj peev xwm sib txuas lus tau koom nrog lwm yim neeg uas yuav pab kom lawv txhob nyob kho siab khuav, vim tseem muaj ntau tus txij nkawm raug cov teeb meem no, thiab tseem yuav muaj teeb meem kev sib raug zoo ntawm leej niam thiab tus me nyuam uas yuav muaj teeb meem pub tsis tau mis raws li qov tsim nyog ntxiv. Yog li kev pab kom tej niam txiv ntseeg lawv tus kheej tias muaj peev xwm tswj tau tej teeb meem thiab pab tau lawv tus kheej yog tej yam zoo. Ntxiv ntawd los thaum lawv nyob ntawm tsev kho mob tseem siv tau cov kev pab cuam los ntawm tsev kho mob thiab siv tau cov social work pab rau lawv thiab ho muaj lub koom haum Miracle Babies pab rau lawv ntxiv thiab."
Kylie Pussell xav xa ib ib tsab xo rau tsoom ua niam rau lub hli Miracle Babies Month of May no tias:
“Miracle Month of May ces yog lub hli uas peb qhia txog tej teeb meem uas tej cuab yig ntsib rau lub caij lawv yug me nyuam ua ntej tsim nyog yug, yog lub caij qhia rau tej neeg sawv daws thiab tej zejzog kom paub txog cov teeb meem no kom lawv thiaj li paub pab tej cuab yig hauv tej zejzog. Peb xav thov kev pab cuam ntawm tej neeg pab cuam kom pab lub koom haum Miracle Babies, vim yog pab thov tau nyiaj thiab kev pab cuam ntau npaum li cas ces peb yuav muaj peev xwm pab tau tej cuab yig no kom ntau npaum li ntawv ntxiv."
Kylie Pussells uas yog tus coj thiab tus koom teeb tsa lub koom haum Miracle Babies Foundation tshab txhais thiab qhia txog tej teeb meem tau muaj rau nws rau lub caij nws yug me nyuam ua ntej tsim nyog yug ntawd tias:
“Thaum yus ntsib tej teeb meem no ces yeej ua rau yus mloog tau tias yus ua txhaum ib yam dab tsi lawm. Tam li leej niam, ces yeej siv caij nyoog ib ntus kuv mam li nyiaj ntxeem dhau tej xwm txheej no. Ntawm kuv ces yeej npaj thiab paub tias yuav yug me nyuam ua ntej lub caij tsim nyog yug lawm ces yog tias yug tsis tau ces yuav tsum tau phai xwb, ces ib nyuag khees me ntsi, tab sis yeej tseem ua rau yus mloog tau tias yus yog tus txhaum, vim yus lub cev tsis muaj peev xwm pab tau yus tus me nyuam kom yug tau los cus plaws txhob muaj pob dab tsi es nws thiaj pib tau lub zoo neej li lwm tus, es thiaj tsis ua rau nws yuav tau nyiaj ntxeem nrog txoj kev mob nkeeg. Ces thiaj siv caij nyoog ntev heev yus thiaj dhau ntawm tej xwm txheej no. Yeej tau muaj ntau yam laj thawj ua rau leej niam los yog tus me nyuam raug tej teeb meem no tab sis peb tej cuab yig thiab tej neeg zejzog yeej sib pab kom lawv nyiaj ntxeem dhau thaum tseem pw ntawm tsev kho mob los yog rov qab los tsev. Tab sis tsis muaj hmoo uas ib txhia me nyuam kuj tau tas sim neej uas yog ib txoj kev tu siab kawg nkaus rau leej niam thiab yim neeg ntawd thiab yuav siv sij hawm ntev mam ua siab tso tseg hnov qab txog tej xwm txheej no. Tab sis vim muaj lub koom haum Miracle Babies Foundation tau pab kuv ces kuv thiaj muaj peev xwm nyiaj ntxeem dhau lawm thiab thiaj muaj peev xwm tham kuv zaj dab neeg qhia tau rau lwm tus paub."#
Mloog tau xov xwm ua lus Hmoob ntxiv tau rau ntawm ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store thiab ntawm Google Play los yog download xov xwm kaw ua suab (Podcasts) ua lus Hmoob thiab lus Askiv tau ntawm los sis tuaj koom ua tub koom siab thiab koom mloog tau tau ntawm #SBSHmong lub Facebook page tau. Ntxiv ntawd koj mloog tau SBS Radio cov xov tooj cua ntawm ntau thaj chaw thoob plaws teb chaws Australia no tau ntawm no
