Zalue Xiong, uas yog ib tug tub kawm Hmoob hauv Nplog teb uas tau cov Australian Scholarship tuaj kawm Master of Electrical Engineering ntawm Flinders University ntawm nroog Adelaide, South Australia tau qhia tias, nws yeej tau xeem ntau zaum mam li xeem tau cov scholorship no.
Yeej muaj ntau yam laj thawj ua rau Hmoob tej tub kawm xeem tsis tau cov scholarship no, vim lawv tsis yog neeg nyob nruab nroog es yuav tau kawm ntawv Askiv (English) kom paub txaus, thiab tsis paub tias muaj cov scholarship no thiab yuav xeem li cas thiaj xeem tau. Ces thiaj ua rau me nyuam Hmoob tseem poob qab xeem tsis tau cov scholarship no.
Ntxiav ntawd Mr. Xiong kuj tau qhia tias kawm ntawm teb chaws Australia no txawv hauv Nplog teb deb heev. Hauv Nplog teb ces tsuas kawm kom tas thiab tau ntawv pov thawj xwb, tab sis kawm ntawm tebchaws Australia no ces yuav tau rau siab kawm tiag tiag, yog yus qev ib tug neeg twg lub tswv yim los siv yuav tsum tau siv yus lus los tshab txhais thiab yuav tau teev tus neeg ntawd lub tswv yim tias yus muab qhov twg los, qhov no txhais tau tias yus tsis muaj cai yuav kaij tau leej twg hlo li. Tsis tas li ntawd tseem yuav tau rau siab nyeem ntawv ntau heev li thiab yuav tsum rau siab kawm kom ua tau tej assignment los sis reports rau zeskais.
Mr. Xiong hais tias yog yus kawm tsis tau zoo ces yeej muaj neeg pab yus vim cov scholarship yus tau ntawd yeej npaj ib tug neeg los pab qhia kom yus kawm tau zoo yog yus ntsib teeb meem dab tsi. Dua ntawm cov kev kawm lawm yog yus muaj teeb meem cuam tshuam txog yus tsev neej txoj kev noj qab nyab xeeb, nyiaj txiag thiab lwm yam teeb meem, ces yuav tsum tau qhia rau lub tsev kawm qib siab paub lawv thiaj yuav pab tau yus daws tej teeb meem ntawd.
Nws hais tias Australia tus nom lis teej faj (Embassador) yeej tau qhia rau Nplog cov tub kawm paub ua ntej lawv yuav mus xeem tias muab tej lus zoj khi (Conditions) pauv hloov tshiab lawm. Tsuas pub cov scholarship rau cov tub kawm tas xyoo 12 (High School xyoo 7) tuaj kawm cov Bachlor Degree lawm xwb thiab cov Master Degree los yog PhD lawm xwb. Yuav tsis pub cov sob kawm ua lagluam lawm vim muaj cov kawm ntau lawm. Tab sis tseem muaj cov sob kawm engineer nrog rau lwm cov sob kawm ntau heev rau Nplog cov tub kawm thov xeem tuaj kawm ntawm teb chaws Australia.
Cov neeg xav thov Australian Scholarship yuav tsum paub ua hauj lwm yam tsawg txij 3-4 xyoos rov saud. Thiab yuav tsum xeem kom tau cov zauv International English Laguange Testing System (IELTS) raws li tej txhooj faj lem (Tsev kawm qib siab) teev tseg thiaj yuav tau cov scholarship mus kawm.
Mr. Xiong xav qhia rau cov hluas uas xav tau Australian Scholarship tias kom yuav tsum tau xeem ntau zaus txog rau thaum lawv kawm tau ntawv Askiv zoo lawm ces yeej xeem tau xwb txhob qaug zog los sis me siab yog rau siab tiag ces yeej muaj ib zaug xeem tau xwb.#
Yog koj xav tau xov xwm kom ntxaws ntxiv txog cov Australian Scholarship ces mus txheeb xyuas tau ntxiv raws li cov vas sab hauv qab no:
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
Mus download tau SBS Radio app tau hauv Google Play thiab App Store ntawm tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau tau.
Koj muaj peev xwm mloog tau cov xov tooj cua tau raws li lub vam sab ntawm no:
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
