Xov xwm luv tshaj tawm hnub zwj quag (Tuesday news 13.08.2024):
Tsoom fwv tseem tab tom yuav los tswj tias pub muaj cov kev haub tau yaum twv txiaj ntau npaum li cas dua ntawm cov kev yuav txwv tsis pub muaj kev haub tau yaum kiag raws li tsev tsoom fwv pawg rooj saib xyuas tau taw qhia tsaib no, uas hais kom tsoom fwv tsis txhob pub muaj cov kev haub tau yaum twv txiaj ntxiv rau lub caij 3 xyoos.
Federal Bureau of Investigation (FBI) tseem tab tom tshuaj ntsuam ib co lus ib liam tias muaj neeg hack Meskas tus qub president Trump cov kev nrhiav suab xaiv tsa. Ua lawv ntseeg tias Iran yog tus ua thiab tau nyiaj tau tej ntaub ntawv xaiv tsa coj mus qhia rau tej chaw nthuav xov xwm Politico, Washington Post thiab New York Times.
UN tau qhia tias lub sij hawm 15 dhau los no tau muaj tej hluas poob hauj lwm tsawg tshaj plaws. UN lub tuam chav International Labor Organisation (ILO) tau qhias tias tej poj niam hluas ntawm cov teb chaws Arab, East Asia, Southeast Asia thiab Pacific yog cov tsis tau txais txiaj ntsim tom qab ntxeem dhau kab mob COVID-19 yog piv rau lwm cheeb tsam.
Lub koom haum Victorian Aboriginal Community Controlled Health Organisation [[VACCHO]] qhia tias nws txhawj xeeb heev txog tsoom fwv Victoria cov kev tsis kub siab txog cov kev nce tej me nyuam yaus lub hnoob nyoog raug txim ua 14 xyoos. Vim tam sim no ib tug me nyuam hnoob nyoog 10 xyoo ua txhaum tseem raug rau txim thiab raug kaw tsev laj cuj thiab tsuas muaj Northern Territory thiaj nce hnoob nyoog ua 12 xyoo xyoo 2023 xwb.
Tau muaj ib co koom haum sawv cev thiab pov puag leej tib neeg txoj cai thiab kws lij choj hais tias txwm 75 xyoos rau tsab cai Geneva Conventions yog tej yam qhia tias kom ua raws tsab cai no thaum muaj kev sib ntaus sib tua. Ua tau teev 4 co kev pom zoo, li ua raws cai ua tsov rog, pov puag pej xeem, xyuas kom pov puag tau tej neeg kho mob thiab tej neeg pab lwm tus lub caij ua rog.
Tsoom fwv Albanese npaj yuav tsim cov digital ID siv rau thaum xaus xyoo no coj los siv ntawm myGov digital wallet ua cov kev txheeb tej neeg tej cim thawj thaum nrhiav hauj lwm ua thiab ntiav tsev nyob. Uas tej yuav teev txog tej neeg hnub yug, chaw nyob, pej xeem, visas, qualifications, ntawv ua hauj lwm nrog me nyuam los yog lwm yam ua nom tswv muaj, kom tej lagluam thiaj tsis txhob peej teev txog ib tug twg tej ntaub ntawv ID.
The Laotian Times tau qhia tias Nplog lub tuam chav tswj nyiaj txiaj tau pom zoo nrog lub tuam txhab PT Holding Co Ltd los tsim lub txhab kub kom thiaj tau kev ruaj ntseg rau cov kev sib kub, siv nyiaj thiab pab kom Nplog cov nyiaj Kis muaj nqes.
Bangkok Post tau tshaj tawm tias tom qab Thaib lub tsev hais plaub txhooj cai tswj haiv (Constitutional Court) tau txiav txim muab pab nom Move Forward Party rhuav lawm ces pab nom no kuj tau tsim dua pab nom tshiab hu ua People's Party lawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
