Xov xwm tshaj tawm hnub zwj Quag (Tuesday news 01.04.2025):
Lwm pab nom teb chaws (Pab nom koom tswj - Coalition) yuav ua kom tej hluas muaj peev xwm qev tau nyiaj yooj yim los yuav tsev, uas Michael Sukkar uas yog tus nom tswj dej num vaj tse qhia rau ABC RN Radio tias muaj tej neeg yuav tsev tsev thawj zaug yuav laug txog 40 feem pua tsis muaj peev xwm qev tau nyiaj yuav tsev. Thawj pwm tsav Anthony Albanese hais tias nws cov kev txo tej tub kawm tej nuj nqe kuj yuav pab tej hlua thuam qev nyiaj yuav tsev vim cov kev txo se theem 3 twg tau pab tej hluas ntau heev lawm.
Lub chaw ntsuam huab cua ceeb toom tias tsam muaj ntuj los nag hlob ntawm sab hnub poob ntawm Western Queensland ces tej zaum ntshe haj yam ua rau muaj teeb meem phem tuaj ntxiv rau thaj chaw twg raug dej nyab puas tsuaj loj tuaj ntxiv. Vim twb muaj dej nyab dav txog li 2 npaug ntawm xeev Victoria uas tau yuam kom tag nrho tej neeg zejzog ntawm ib lub zos tsiv tawm lawm.
Tus coj lub koom haum International Monetary Fund (IMF) hasi tias Meskas tus president trump tej se tsub rau tej khoom xav muag rau Meskas ua rau sawv daws txhawj xeeb heev tab sis tsis ua rau muaj teeb meem rau ntiaj teb tej lagluam li sawv daws xav tseg thiab.
Tau muaj neeg txum tim tej coj tau xa ntawv yws rau UN pawg rooj saib xyuas tsis pub faib cais lwm tsav neeg nqua hu kom maj ceev nrooj daws cov kev ua txhaum leej tib neeg txoj cai rau neeg txum tim Aboriginal thiab Torres Strait Islander tej me nyuam yaus.
Meskas tus President Donald Trump hais tias yuav rau txim lagluam roj ntxiv rau Russia yog tias Vladimir Putin tsis kam koom tes los sib khom xaus tsov rog nrog Ukraine.
Thawj pwm tsav Anthony Albanese tau qhia tias yuav siv nyiaj $150 million los tsim lub chaw kho mob tshiab ntawm Flinders University ntawm Adelaide kom kho tau neeg mob ib xyoos twg txog li 10,000 tus thiab xyaum qhia tej neeg kho mob txog li 1,300 tus, uas lwm pab nom teb chaws los pom zoo yuav ua tib yam li no thiab. Nag hmo los Mr Albanese kuj tau qhia tias yuav tshwm nyiaj $200 million los kho ib lub tsev kho mob ntawm Perth thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
