Thaum muaj ib yam dab tsi cuam tshuam txog cov criminal law, family law thiab civil law lawm ces nyias yeej yuav poob rau nyias tej xwm txheej sib txawv uas tej zaum ib tug neeg twg uas raug cov teeb meem no muaj peev xwm sawv cev rau lawv tus kheej thaum mus hais plaub ntawm tsev hais plaub, los sis yog yuav tsum tau muaj ib tug kws lij choj sawv cev rau tus neeg ntawd. Teb chaws Australia yeej muaj cov kev pab cuam cai lij choj pub dawb coj los pab rau tej neeg xav tau txais kev pab cuam, uas koj yeej muaj peev xwm nrhiav tau kev pab cuam los ntawm tej koom haum community legal centre, migrant resources centre los yog tej tsev hais plaub zejzog thiab tej koom haum Legal Aid ntawm lub xeev koj nyob los yog koj muaj peev xwm mus ntsib mus cuag tau koj tus nom kis seb ho xa koj los yog taw qhia kom koj mus nrhiav tau kev pab cuam cai lij choj ntawm tej koom haum twg.
Txawm li cas los vim tej koom haum cai lij choj no tssi muaj nyiaj txaus los tsim kev pab cuam thiab tsis muaj peev xwm xyaum qhia tej neeg kom paub txog cai lij choj ntau ces thiaj tsis yog txhua tus neeg raug teeb meem cuam tshuam txog cai lij choj yuav muaj cai thov tau cov kev pab cuam tau, tsuas yog tias ntshe koj yog yog tej neeg hnoob nyoog tsis tau nto 18 xyoo, yog cov laus neeg, yog tej poj niam raug teeb meem kub ntxhov hauv lub cuab yig, los sis yog koj yog cov neeg tsiv teb tsaws chaw, neeg thoj nam uas tsis paub ntaub ntawv, tsis paub lus thiab tsis paub mus nrhiav kev pab cuam cai lij choj xwb mas tej zaum koj thiaj li yuav tau txais cov kev pab cuam cai lij choj pub dawb rau koj los daws koj tej plaub ntug.
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
