Xov xwm luv tshaj tawm hnub zwj Feej (Wednesday newsflash 05.03.2025):
Thawj pwm tsav Anthony Albanese tau tham ib co lus txog lub khaub zeeb cua Tropical Cyclone Alfred ntawm Brisbane lub caij lub khaub zeeg cua no los ze rau xeev Queensland tej ntug hiav txwv uas kwv yees tias yuav muaj av toj pob rau thaum 2 teev sav ntxov zwj Kuab (Friday). David Crisafulli uas yog Queensland tus hau xeev hais tias lub khaub zeeg cua muaj ceem zum ob yuav ua rau muaj ib co teej kawm kaw, tsis phais ib co neeg mob thiab yuav tsis tau public transport siv hnub zwj Teeb (Thursday) thiab zwj Kuab (Friday). Thawj pwm tsav qhia tias twb pab 250,000 hnav xuab zeb rau Queensland thiab txib kom tej tub rog pab tej xwm txheej no. Cheeb tsam Brisbane thiab hinterland ces yuav muaj cua hlob, uas tus hau nroog Brisbane hais tias ntshe tej zaum kuj yuav ua rau muaj tej vaj tse txog li ntawm 20,000 lub raug kev puas tsuaj tau thiab. Tsis tas li ntawd los tsoom fwv kuj tau hais npau taws ntsuav rau tej lus tawm tswv yim li ub li no txog lub khaub zeeg cua no tias tsam ho muaj teeb meem rau lub caij uas thawj pwm tsav tseem yuav qhia tias seb yuav xaiv tsa hnub twg, uas Clare O'Neil uas yog tus nom tswj dej num vaj tse hasi tias yeej kub siab txog tej xwm txheej uas tej zaum yuav raug kev puas tsuaj rau sab qab teb hnub tuaj ntawm Queensland thiab sab qaum teb xeev New South Wales uas yeej muaj cov kev ceeb toom tej huab cua tas mus li.
Tau muaj ib co project tshiab uas tseem tab tom yuav coj los siv coj los pab tej neeg mob uas tau tus mob multiple scierosis (MS) kom lub hlwb rov qab zoo tuaj. Tus mob no ces yuav tawm tsam nrog tus neeg mob tej immune system thiab ua rau hlwb khiav hauj lwm tsis zoo ces thiaj ua rau muaj tej yam ntxwv nkees nkees, mus los tsis tau yooj yim thiab cim xeeb tsis zoo.
Hamas kuj zoo siab rau tej coj ntawm cov teb chaws Arab lub rooj sab laj ntawm Egypt uas yuav siv rov qab los txhim kho Gaza tam sim no mus txog rau xyoo 2030, uas thawj yam ces yuav tshem tej foob pob tsi tau tawg thiab tshem tej vaj tse puas ntsoog 50 million tons tawm.
Tau muaj ntau txheeb tus neeg ntawm Japan raug muab tshem tawm rau lwm qhov chaw lub caij tseem muaj hav zoov kub hnyiab loj tshaj plaws ntau caum xyoo no ntawm ib thaj hav zoov ze qaum teb hnub tuaj ntawm lub nroog Ofunato.
Dr Ibrahim Abu Huhammad uas yog tus coj lub koom haum pawg ntseeg Islam ntawm Australia tau qhia rau SBS Arabic tias xav kom tsim ntau yam cai coj los pov puag txhua cov kev ntseeg kom tau txais vaj huam sib luag thiab tsis txhob siv tej xwm txheej ib tug neeg xav tawm tsam lub tsev teev hawm Mosque ntawm Sydney coj lso tawm tsam nrog ib pawg neeg twg tsi ntsees.
Tub ceev xwm Western Australia kuj tau muaj ib tug me nyuam tub hnoob nyoog 16 xyoo rau txim vim liam tias nws tau hawv hauv online tias yuav tsim cov xwm txheej Christchurch 2.0 li ib tug neeg Australia tau tsim xyoo 2019 uas tua 51 tus neeg ntawm teb chaws New Zealand.
Vasyl Myroshnychenko uas yog Ukraine tus ambassador ntawm Australia thov kom Australia pab Ukraine txuas ntxiv rau lub caij uas Meskas tsis pab ntxiv lawm. Nws hais tias Ukraine xav tau Australia cov tsheb Bushmaster thiab tanks.
Tau muaj ib tug txiv neej hnoob nyoog 27 xyoo uas ua nurse dhau los raug teem txim cuam tshuam nrog ib daim video uas tau hawv tej neeg mob Israeli thiab kuj liam tias nws cuam tshuam nrog yaj yeeb txhaum cai.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
