Cov kev totaub txog Australia tej peev txheej dej tseem ceeb thiab tej huab cua

Lake Eildon was built in the 1950's to provide irrigation water for the Goulburn Valley Credit: Construction Photography/Avalon/Getty Images

SBS Hmong

View Podcast Series

Get the SBS Audio app

Other ways to listen

Australia yog ib nrim av ntawm tag nrho txhua cov nrim av uas muaj neg nyob, thiab yeej muaj ntuj los nag sib txawv, muaj cov kev kub sov sib txawv thiab muaj tej yam ntxwv huab cua sib txawv rau ntau thaj chaw. Nod yog vim li cas nrim av uas loj dav heev no thiaj yog ib thawj chaw hauv ntiaj teb uas muaj tej huab cua txawv dua lwm qhov.

Ntsiab lus tseem ceeb:

Australia yog nrim av qhuav tshaj plaws yog piv rau lwm nrim av hauv ntiaj teb, ces thiaj ib txwm pom muaj tej caij ntuj nqhuav ntev heev uas ua rau yuav muaj huab cua kub sov thiab rau kev phom sij hav zoov kub hnyiab.
Kuj muaj ntau yam huab cua sib txawv thoob Australia, uas yuav muaj cov kev kub sov sib txawv, muaj cov kev sov vaum, tej nroj tsuag xyoo ntoo thiab muaj tej caij ntuj los nag sib txawv.
Dej yog ib co peev txheej tseem ceeb ntawm Australia, thiab yeej muaj ntau co ecosystem uas yuav raug kev phom sij los ntawm cov huab cua pauv hloov, tej xwm txheej ntuj tsim kev puas tsuaj, cov kev luaj hav zoov thiab tib neeg lwm cov hauj lwm.

Tsis hasi yog cov chaws sov sab qaum teb mus rau tej chaw no sab qab teb li, Australia yeej muaj ntau yam xwm txheej huab cua phem heev, tsis hais yog khaub zeeg cua chaw sov, dej nyab, xwm txheej huab cua kub sov thiab ntuj qhuav nkig.

Peb tej huab cua thiaj ua rau muaj ntau yam ecosystem sib txawv thoob Australia, thiab vim tias dej yog ib co peev txheej tseem ceeb heev ntawm teb chaws no, thiab yeej muaj Australia ntau cov ecosystem ces yuav raug tau teeb meem yooj yim thiab pheej muaj tej huab cua pauv hloov, tej hav zoov kub hnyiab thiab tej xwm txheej ntuj qhuav nkig, ces thiaj li ua rau cov kev los ceev txuag tej ib puag ncig yog tej yam tseem ceeb heev.

Nyob rau lub caij thaum tseem ntxov xyoo 1900’s ntawd ces Australia tus kws sau paj huam hu ua

Dorothea Mackellar

thiaj tau sau nws zaj paj huam nto npe fi rau Kuv lub teb chaws - My Country, uas teev txog qhov zoo nkauj thiab qhia txog txoj kev tag kev cia siab thiab txoj kev tsis zoo siab rau nrim av txho uas dav heev no tias.

“Kuv nyiam kuv lub teb chaws uas tshav ntuj kub heev no,

Lub teb chaws uas yog tiaj nrag,

mus rau tej laj roob hauv roob,

uas qhuav nkig thiab muaj ntuj los nag uas ua rau muaj dej nyab...'''

Ua yog ib co lus piav txog Australia yeej tseem qhia tau qhov tseeb txog Australia los txog niaj hnub niam no raws li Catherine Ganter uas yog ib tug kws paub zoo txog tej huab cua ntawm lub chaw ntsuam thiab kwv yees huab cua hais.

Australia yeej yog lub teb chaws uas nto npe tias yog lub teb chaws qhuav nkig thiab raug dej nyab. Ces thiaj muaj tej xwm txheej uas ntuj qhuav nkig ntev niaj ntau xyoo, uas ua rau muaj tej huab cua kub sov, thiab ua rau raug kev phom sij hav zoov kub hnyiab ntau tuaj ntxiv. Tab sis kuj muaj ntau lub hli uas ntuj los nag hlob thiab ua rau muaj dej nyab thoob qhov txhia chaw thiab.
Catherine Ganter, Senior Climatologist, Bureau of Meteorology.

The stark landscape of the Monaro Tablelands which is one of 19 ecosystems collapsing in Australia - Image Greening Australia.

Tej chaw qhuav nkig ntawm Monaro Tablelands uas yog ib co ntawm 19 cov ecosystems uas raug kev puas tsuaj ntawm Australia - Image Greening Australia. Credit: Annette Ruzicka

Tej xwm txheej huab cua phem

Ms Ganter hais tias muaj ntau yam ua rau muaj tej huab cua phem ntawm Australia.

“

Tej xwm txheej ua rau huab cua pauv hloov

li El Nino-Southern Oscillation thiab Indian Ocean Dipole muaj peev xwm ua rau peb yuav muaj cib fim ntsib tej xwm txheej huab cua pauv hloov no no muaj ceem heev. Thiab tej huab cua pauv hloov no yuav ua rau peb haj yam muaj tej huab cua muaj phem tuaj ntxiv.”

Australia yog ntiaj teb

lub teb chaws loj tshaj plaws zum rau (6). Txawm tias Australia muaj av dav txog 7.5

million square kilometres, los Australia tsuas muaj av txog li tsib (5 feem pua) ntawm tag nrho ntiaj teb tej av xwb.

Australian climate zones based on temperature and humidity - credit BOM.png

Australia tej huab cua raws li cov kev kub kev sov thiab cov kev vaum - credit BOM.png

“Australia yog lub teb chaws muaj luaj pua loj dav heev, tsis hais piv ntawm tej chaw huab cua kub sov ntau thaj chaw ze ntawm txoj kab hnub mus rau tej chaw uas muaj huab cua kub sov nrab. Ces thiaj ua rau muaj tej chaw muaj duav tshav ntuj, muaj tej huab cua ntau yam sib txawv, muaj ntuj los nag, thiab tej npoo av siab txawv thoob lub teb chaws no. Thiab cov kev sib txawv no, thiaj ua rau muaj ntau cov chaw uas muaj huab cua sib txawv thoob teb chaws no.”raws li Ms Ganter hais.

Yog li tej kev kub kev sov sib txawv, cov kev vaum, tej nroj tsuag xyoob ntoo thiab tej caij los nag thiaj yog cov raug siv coj los teev tej tej chaw tias huab cua zoo li cas. Ms Ganter tshab txhais tias Australia tej huab cua muaj rau ib lub caij twg yeej sib txawv nrog ntau cheeb tsam ntawm lub teb chaws no.

“Txhais tias peb tej caij nyoog huab cua yeej txawv tej ntawm tej chaw sab qaum teb li cov teb chaws Meskas qaum teb, Europe thiab Asia. Thiab sab qab teb Australia ces yeej muaj cov caij ntuj sov, caij nplooj zeeg, caij ntuj no thiab caij nplooj hlav, thiab peb lub caij ntuj sov ces yog lub caij kaum ob hlis ntuj txog rau lub ob hlis ntuj. Txawm li cas los sab qaum teb Australia uas yog thaj chaw sov tsuas muaj ob lub caij xwb - li caij ntuj nag uas piv txij lub kaum hli ntuj txog lub plaub hlis ntuj, thiab lub caij ntuj qhua uas yog lub caij txij tsib hlis ntuj txog cuaj hli ntuj xwb.”

Lake Keepit in New South Wales - Image Wallula-Pixabay.jpg

Lub pas dej tsuag Lake Keepit ntawm xeev New South Wales - Image Wallula-Pixabay

Australia tej neeg txum tim Aboriginal and Torres Strait Islander peoples of Australia yeej nkag siab zoo txog tej ib puag ncig thiab lees paub txog tej

tej caij sib txawv ntawm tej teej cim zwj (calendars)

based ntawm lawv tej chaw nyob ntawm teb chaws Australia no, uas qhia txog cov kev pauv hloov rau tej huab cua thiab tej kev pauv hloov rau tej txuab zeej txuab sim ntawm thaj chaw ntawd.

Raws li Ms Ganter hais ces thiaj muaj tej huab cua, cov kev kub kev sov - thiab qhov tseem ceeb, ces yog cov kev los nag - uas ua rau muaj feem rau tej huab cua ntawm ib thaj chaw twg.

“Hos yog tham txog tej chaw ze ntawm txoj kab hnub (equator), ces peb muaj tej huab cua chaw sov ntawm sab qaum teb Australia, uas muaj duab tshav ntuj ntau heev, thiab muaj cov caij ntuj los nag hlob, thiab muaj tej khaub zeeg cua chaw sov. Hos thoob plaws rau sab qab teb Australia ces peb muaj tej huab cua ib nyuag txias zog, thiab muaj tej huab cua Mediterranean thoob plaws rau ib nrab ntawm sab qab teb mus rau sab hnub poob uas muaj lub caij ntuj sov qhuav nkig. Hos raws tej ntug hiav txawv sab hnub tuaj ces muaj tej huab cua sov so, tsis muaj lub caij qhuav thiab caij sov mus txog rau lub caij ntuj sov uas tshav kub heev. Tab sis feem ntau mas Australia yeej yog ib lub teb chaws uas qhuav heev, thiab yeej tsis tshua pom muaj ntuj los nag tsawg tsawg rau hauv plawv teb chaws lawm xwb.”

Ces cov kev muaj dej siv thiab tej xwm txheej ntuj qhuav nkig thiaj yog ib co xwm txheej uas yuav muaj teeb meem rau tej hauj lwm ua liaj ua teb, tej zejzog thiab Australia tej ib puag ncig cov kev noj qab nyob zoo.

“Ces dej thiaj yog ib co peev txheej tseem ceeb heev ntawm Australia, vim yeej muaj tshaj li ib nrab ntawm teb chaws no tsuas muaj ntuj los nag noo ntug thawm av tob tsawg dua 350 mm ib lub xyoos twg xwb. Yog li cov kev tsis muaj nag los thiaj tsis yog tib co xwm txheej uas ua rau ntuj qhuav nkig nkaus xwb; thiab yog tseem yog li hais nod thiab ces ntshe tej zaum Australia tej av nruab nrog ntawm feem ntau ntawm lub teb chaws no yuav yog cov qhuav nkig ntau xwb.”

Australia yog nrim av muaj neeg nyob uas qhuav nkig tshaj plaws hauv tiaj teb, thiab peb tej ib puag ncig feem ntau ces yeej tsis tshua muaj dej, tab sis peb tej nroj tsuag xyoob ntoo thiab tej tsiaj txhu yeej muaj peev xwm hloov kom haum raws li tej chaw muaj dej thiab.

Seasonal rainfall zones of Australia - credit BOM.png

Tej caij ntuj los nag ntawm ntau thaj chaw ntawm Australia - credit: BOM.

Dr Blair Parsons uas yog tus coj lub koom haum Impact at

Greening Australia

, uas yog ib lub koom haum xav los tsim kom tau tej chaw ib puag ncig uas tau txais kev noj qab nyob zoo thiab yog tej chaw uas cog tau qoob zoo ntsu kom tib neeg thiab tej txuab zeej txuab sim ua tau lub neej.

“Txawm tias qee thaj chaw ntawm lub teb chaws no yuav raug tej dej nag nyab, los cov kev tsis muaj dej txaus siv kuj tseem yog ib cov kev txhawj xeeb rau peb tej zejzog. Nyob ntawm sab qab teb hnub poob ntawm Australia - uas yog ntiaj teb ib thaj chaw qhuav heev ntawd - ces muaj ntuj los nag tsawg tshaj 20 feem pua txij xyoo 1970 los lawm, ces thiaj ua rau tsis muaj tej kwj ha ntws tshaj 80 feem pua lawm,” raws li Dr Parsons hais.

Thiab raws li Dr Parsons tshab txhais ces vim tau muaj ntau yam luaj pua tau muaj cov kev pauv hloov los ntev tshaj ntau billions xyoos lawm, ces tam sim no Australia tej ib puag ncig thiaj tseem tab tom ntsib ntau yam kev phom sij.

“Ces tam sim no peb tej ecosystem uas tsuas muaj ntawm lub teb chaws no nkaus xws thiab cov ecosystem uas tab tom ntsib teeb meem zujzus no thiaj yuav raug kev phom sij los ntawm tej huab cua pauv hloov, tej xwm txheej puas tsuaj ntuj tsim, cov kev luaj zoov thiab tib neeg lwm yam hauj lwm. Tsis muaj lwm yam yuav raug kev phom sij loj npaum li peb tej paj pob zeb hiav txwv - Great Barrier Reef - uas ntshe yuav ploj mus rau xyoo 2100 no lawm yog tias peb tsis kub siab maj ceev nrooj los daws tej teeb meem huab cua pauv hloov no.”

Tej dej tsis huv yog ib co teeb meem tseem ceeb yuav ua rau muaj kev phom sij rau

Great Barrier Reef

. Vim txhua txhua xyoo twg, ces yeej muaj tej txo av ntws ntawm tej av uas pob mus rau tej paj pob zeb no, ua rau tej ntses ua tsis taus pa, ua rau tej nroj hiav txwv loj tsis taus, ua rau tej paj pob zeb hiav txwv tsis muaj peev xwm yuav rov qab loj hlob hlav ncau tuaj ntxiv vim raug teeb meem los ntawm tej huab cua pauv hloov.

Tej paj pob zeb ntawm Great Barrier Reef - Image Greening Australia

“Lub koom haum Greening Australia thiaj tab tom koom tes ua hauj lwm nrog tej tswv av zejzog thiab Australia tej neeg txum tim tej zejzog rov qab los tsim thiab kho dua tej ntug hiav txwv uas pob, thiab rov qab kho tej hav iav raws tej ntug hiav txwv kom rov qab zoo tuaj, uas zoo tib yam li tej paj pob zeb ho lub raum uas lim tej dej tsis huv tawm ua ntej tej dej huv yuav ntws mus rau hauv hiav txwv. Txij thaum peb tau pib tsim cov

Reef Aid program

xyoo 2016 los, ces peb twb tau tiv thaiv kom tsis txhob muaj tej dej tsis huv ntau tshaj 44,000 tonnes mus rau Australia tej paj pob zeb hiav txwv no lawm, thiab yeej tau qhia lawm tias cov kev kho tej ntsa av raws tej ntug hiav txwv no, yuav muaj peev xwm pab txo kom tsis txhob muaj tej txo av paim ntawm tej chaw no txog li 90 feem pua,” raws li Dr Parsons tshab txhais.

Dr Parsons hais tias Australia yog lub teb chaws uas muaj ntiaj teb ntau yam tsiaj txhu txog li ntawm 10 feem pua, uas feem ntau yeej tsis muaj qhov twg hauv ntiaj teb hlo li, tab sis Australia tseem yog lub teb chaws uas muaj tej kab theem ntawm ntau yam tsiaj txhu tu noob coob tshaj plaws hauv ntiaj teb no thiab.

“Tsab xov xwm tshiab tau los ntawm tsab ntawv cej luam

State of the Environment Report

yeej tau teev Australia tej ib puag ncig tias 'poob rau theem tsis zoo los yog poob rau theem uas muaj teeb meem phem zujzus tuaj ntxiv lawm' thiab kuj tau piav tias muaj peb tej ecosystem yam tsawg li 19 cov tab tom muaj ib co cim qhia tias ntshe yuav puas zujzus. Thiab yog tias peb tsis kub siab los daws kiag tej teeb meem no tam sim no kiag, ces ntshe peb yuav plam peb tej tsiaj txhu thiab peb tej ecosystem mus ib txhi lawm.”

Yog li cov kev los daws tej teeb meem nyuaj ntau yam ntawm tej huab cua pauv hloov thiab cov kev ceev txuag tej ib puag ncig no thiaj xav tau txais kev koom tes thiab kev pauv hloov los ntawm ntau theem li tej zejzog, teb chaws thiab ntiaj teb.

Raws li Dr Parsons hais ces txawm li cas los tej neeg ntiag tug yeej muaj peev xwm ua tau ib yam dab tsi pab thiab. Piv txwv li yog tham txog cov kev ceev txuag thiab pov puag dej lawm, ces peb sawv daws kuj muaj peev xwm hloov peb tej cwj pwm siv dej thiab tswj peb tej chaw raws li tej huab cua qhuav rau lub caij uas muaj tej huab cua qhuav nkig no ntau zuj zus tuaj thiab muaj ceem ntau zujzus tuaj ntxiv no lawm thiab.

Catherine Ganter yog ib tug senior climatologist ntawm lub koom haum Bureau of Meteorology - Image BOM. Thiab Dr Blair Parsons uas yog tus coj tswj cov dej num Impact ntawm lub koom haum Greening Australia - Image Greening Australia.

“Ntawm tej nroog ces tej neeg uas muaj tej vaj kuj muaj peev xwm cog tej xyoob ntoo ib txwm muaj ntawm lub teb chaws no uas tiv tau tej huab cua qhuav nkig kom tsis txhob tau siv dej ntau thiab kom muaj dej txaus rau peb tej tsiaj txhua ntawm teb chaws no. Thiab ywg dej rau tej vaj zaug thaum ntxov rau thaum sawv ntxov los yog yav lig tom qab tav su dua kuj yuav pab kom peb siv dej tsawg thiab ua rau tej dej yaj ua fws dej tsawg dua. Hos nyob rau tej chaw yaj sab (chaw toj siab), ces tej neeg kuj muaj peev xwm xyuas kom tau dej los yug tej av li kho thiab khawb av los txhub rau tej chaw ntawd kom muaj dej ntws thiab cog tej nroj tsuag xyoob ntoo ib txwm muaj rau ntawm thaj chaw ntawd.”

Vim tias tej xwm txheej huab cua phem ntau yam ntawm Australia no kuj yuav ua rau muaj tau kev phom sij tau rau tib neeg thiab tej hauv paus txhim kho thiab, ces thiaj yog tej yam tseem ceeb puas peb yuav tau npaj.

Cov kev npaj kom txhij tias yuav ua li cas yog muaj tej xwm txheej huab cua phem

Nyeem thiab kawm kom peb paub txog ‘peb tej huab cua phom sij thiab paug txog peb tej kev phom sij - Know your weather, know your risk’
ntawm lub vas sab no
.
Txheeb
tej xov xwm tshiab
txog tej huab cua ntawm lub koom haum kwv yees thiab tshuaj ntsuam huab cua (Bureau of Meteorology -BoM) thiab cov kev ceeb toom huab cuab.
Download lub
BOM Weather app
.
Ua raws li ib co kev taw qhia twg ntawm lub koom haum
emergency services
zejzog.