Ntsiab lub tseem ceeb:
- Tej cai uas tsis sau teev tseg uas ntaub ntawv ntawm ib qho chaw ua hauj lwm twg kuj yuav muaj teeb meem ua rau yus cov kev ua hauj lwm nce qeb thiab.
- Yog tias yus tsis nkag siab txog tej cai no ces tej zaum yuav ua rau yus mloog tau tias yus coj tsis haum los yog ua tsis tau hauj lwm zoo.
- Yog tias yus tsis paub meej txog ntau yam tias yuav ua li cas ntawm tej chaw ua hauj lwm ces tsis txhob ntshai nug.
- Tej kws hais tias tej tsim nyog tej tuam txhab lagluam pab tej neeg ua hauj lwm tshiab kom paub txog tej cai uas tsis sau teev ua ntaub ntawv tseg uas siv ntawm tej chaw ua hauj lwm no.
Tom qab nrhiav tau ib txoj hauj lwm ntawm Australia lawm, ces yog tej yam tseem ceeb uas yuav tau nkag siab txog lub tuam txhab ntawm tej cai uas tsis tshua tham txog thiab.
Robyn Johns uas yog ib tug neeg ua nrhiav thiab ntiav tej neeg ua hauj lwm qhia ntawv thiab yog ib tug zes kais theem qes ntawm tswv kawm qib siab UTS Business School hais tias yeej muaj cov kev hloov tej kev cai uas tsis sau teev ua ntaub ntawv ntawm ib lub tuam txhab rau lwm lub tuam txhab thiab.
Nws tshab txhais tias “Tej no ces yog tej peb ib txwm xam tias yog tej kev cai uas ib txwm ua, thiab tej neeg ntawm ib lub koom haum twg coj.''
Professor Johns hais ntxiv tias cov kev los txheeb kom paub txog tej no yog tej yam nyuaj thiab tej zaum kuj yuav muaj peev xwm ua rau muaj teeb meem rau ib tug neeg twg tsis muaj peev xwm ua tau hauj lwm nce qeb thiab.
Nws tau hais tias “Yog tias koj tsis yoog raws li tej kev cai no thiab yog tias koj tsis paub txog ces tej zaum lwm tus yuav pom tias koj tsis yog ib tug neeg koom ua hauj lwm tam li yog ib pab neeg los sis tsis yog ib tug uas coj haum raws li peb lub koom haum tej kab lis kev cai.''
Professor Johns hais tias yeej cuam tshuam txog ib co kev cai uas tsis tshua tham txog peb tsawg li tej cwj pwm yooj yoj yim uas tej neeg coj txhua hnub los yog tej cwj pwm uas ib tug neeg twg sib cuag sib txuas lus nrog lwm tus thiab tsim kev sib raug zoo nrog lwm tus.
Nws hais tias “Hos lwm yam kev cai ces tej zaum kuj cuam tshuam txog seb yus ho muaj cov kev tsim kev sib raug zoo li cas nrog lwm tus los yog ho sib cuag li cas nrog lwm tus kom sib paub. Vim yeej ib txwm muaj tej cai uas tsis sau teev tseg ua ntaub ntawv uas siv ntawm tej chaw ua hauj lwm, tsis tas li ntawd los yeej tseem cuam tshuam txog tej kev tsuas kub siab tej tej yuav tau txais txiaj ntsim rau yus xwb tsis kub siab txog tej yuav tau txais txiaj ntsim rau lwm tus los yog lub tuam txhab yus ua hauj lwm rau — thiab kom paub txog tias yus yuav ua li cas kom thiaj muaj peev xwm ua tau li hais ntawd thiab daws tej xwm txheej no yog ib feem tseem ceeb heev.''
Ib pab neeg Australia sib txawv koom ua hauj lwm ua ke ntawm Sydney ib lub chaw ua hauj lwm. Credit: pixdeluxe/Getty Images
Tus yam ntxwv uas yus siv email sib txuas lus nrog lwm tus
Professor Johns qhia tias tej yam ntxwv siv emails los kuj yog tej yam tseem ceeb heev thiab.
Nws hais tias “Nug seb koj puas muaj peev xwm siv tej emojis thiab tej exclamation makrs thiab ntau yam? Thiab tej cwj pwm zoo li cas thiaj tsim nyog siv tej no? Uas tej zaum kuj yuav yog tej yam uas tsis sau tej kev cai teev ua ntaub ntawv cia thiab. Li tej yam uas tej neeg siv coj los sib tham lus paj paws.''
Tej zaum yus cov kev siv tej emails nrog lwm tus sib txuas lus kuj yuav ua rau ib txhia neeg tsis nyiam thiab.Robyn Johns, Associate Dean (Academic Staffing) and Associate Professor at UTS Business School
Christine Castley ces yog tus coj lub koom haum Multicultural Australia, thiab yog ib lub koom haum ntawm xeev Queensland uas pab tej neeg thoj nam, tub kawm pej kum haiv thiab tej neeg thov ua neeg thoj nam nrog rau tej neeg tsiv teb tsaws chaw tuaj pib lawv lub neej tshiab.
Nws hais tias Australia yeej muaj tej cai ntau yam ntxaws heev coj los tswj tej chaw ua hauj lwm uas muaj hom phiaj los pov puag tej neeg ua hauj lwm tej cai thiab lawv cov kev noj qab nyob zoo.
Nws hais tias ''Kuv xav tias kuj ua rau tej neeg tuaj txawv teb chaws tuaj ua hauj lwm ntawm Australia tej chaw ua hauj lwm ceeb thiab, Kuv xav tias vim muaj tej cai ntxaws heev los tswj tej chaw ua hauj lwm, uas tej zaum ntshe tseem muaj cai tswj tej chaw ua hauj lwm nruj tshaj tej ntawm ntau lub teb chaws, suav cov kev tswj cov kev sib thab sib zes nrog tib si.''
Nejat Basar ces yog tus tswj xov tooj cua SBS Turkish. Thiab nws yeej tau ua hauj lwm ntawm teb chaws Turkey tau 20 xyoo ua ntej yuav tuaj nyob rau teb chaws Australia.
Basar tshab txhais tias “Yeej ib txwm muaj cov kev sib thab sib zes ntawm teb chaws Turkey. Thiab yeej xav tias yuav muaj tej xwm txheej no. Vim tias tus coj yuav tsum yog ib tug tawv ua tau txiv thiab tej neeg ua hauj lwm yuav tsum tau ua raws li tej nws hais. Tab sis ntawm teb chaws Australia no ces yeej muaj tej cai teev meej txog lub ntsiab lus ntawm lo lus sib thab sib zes thiab cov kev tsis nyiam ib yam neeg twg.''
Muaj tej thaum ces cov kev tsis totaub txog tej cai uas tsis sau teev ua ntaub ntawv tseg uas siv ntawm tej chaw ua hauj lwm ntawd kuj muaj peev xwm ua rau ib tug twg mloog tau tias nws raug cais thiab. Credit: pixdeluxe/Getty Images
Lub tswv yim multiculturalism thiab tej kev cai tswj cov kev sib ntsib sib tham
Mr Basar hais tias neeg Australia muaj peev xwm tawm tau tswv yim tsis pom zoo ntawm tej rooj sab laj, txawm li cas los kuj muaj cov kev tawm tswv yim sib txawv raws li tej kev cai ib txwm siv thiab yeej ib txwm tawm tau tswv yim yam muaj kev fwm lwm tus los yog coj tej cwj pwm hais lus txhawb rau kis zoo.
Nws tshab txhais tias “Yeej muaj tej kab lis kev cai ua hauj lwm teev tias coj lis cas thiaj yog tus cwj pwm zoo ntawm Australia no. Vim zoo li yeej tej neeg uas zoo li lawv pom zoo thiab. Li thaum xub lawv yuav hais tias, 'Oh, okay mas. Yog, koj hais yog lawm. Thiab kuj yog ib qho zoo.' Tab sis tom qab ntawd lawv kuj tsis pom zoo thiab kuj tham lwm yam txawv tuaj lawm. Tab sis nyob ntawm teb chaws Turkey ces yeej hais ncaj qha xwb. Piv txwv li yua hais kiag tias, 'Tsis yog, qhov no yuav kev lawm; ua li no thiaj yog.''
Cov kev koom thiab tsim kev sib raug zoo nrog lwm tus
Cov kev mus hais kas fes ua ke los yog haus dej tshuaj yej rau lub caij so thiab noj khoom txom ncauj yeej yog tej uas tej neeg ib txwm ua coj los kom tau koom thiab tsim kev sib raug zoo nrog lwm tus ntawm Australia tej chaw ua hauj lwm.
Txawm li cas los yeej muaj ib txhia neeg tsiv teb tsaws chaw tsis swm nrog tej kev cai no thiab tej zaum kuj yuav xav tias yog tej yam tsis tsim nyog ua thiab pheej nkim sij hawm xwb.
Ms Castley hais tias yeej muaj tej neeg tsiv teb tsaws chaw coob leej ntau tus yeej ib txwm tsis tau hnov dua los lus ''morning tea - lub caij so me ntsis haus dej tshuaj yej thaum sawv ntxov'' ua ntej lawv yuav tuaj rau teb chaws Australia li.
Thaum muaj ib tug twg yaum tias 'Let's hav a coffee - mus haus kasfes yoj' no ces txhais tias 'wb ho sib tham me ntsis seb ib ntus no ua dab tsi lawm kom rov qab sib swm dua sib cuag tau li qub dua.' Tab sis kuj ras los ua ib yam tseem ceeb heev txog cov kev sib cuag nrog lwm tus, thiab kuv xav tias yog cov kev totaub txog tias yus ho tsim cov kev sib raug zoo no nrog lwm tus li cas.Christine Castley, Chief Executive Officer, Multicultural Australia
Tom qab nrhiav tau ib txoj hauj lwm tshiab ua ntawm teb chaws Australia no lawm, ces yog tej yam tseem ceeb uas yuav tau xyuas kom yus nkag siab txog lub tuam txhab ntawd tej cai uas tsis sau teev ua ntaub ntawv tseg thiab. Credit: xavierarnau/Getty Images
Nws thiaj taw qhia kom yog li ntawd yog tej yam tseem ceeb uas tej tuam txhab lagluam yuav tsum yog yog cov uas qhia txog tej txheej txheem no, thiab tsis tas li ntawd los tej neeg ua hauj lwm kuj yeej muaj peev xwm nug tau taj lus nug txog tej no los yog nrhiav ib tug paub txog tej no los qhia yus.
Ms Castley hais tias “Yog thaum muaj ib tug neeg tsiv teb tsaws chaw ua hauj lwm ntawm ib qho chaw ua hauj lwm ces lawv kuj muaj peev xwm pib nug tias, 'Kuv xav totaub txog tej kev cai ntawm qhov chaw ua hauj lwm no kom kuv thiaj muaj peev xwm ua tau hauj lwm zoo tshaj plaws raws li qhov kuv muaj peev xwm ua tau. Lub tuam txhab no tus tswv lagluam ho puas muaj ib co kev taw qhia dab tsi pab kom kuv thiaj ua tau hauj lwm zoo tshaj plaws rau nej?''
Subscribe thiab caum qab mloog cov xov xwm kaw ua suab hu ua Australia Explained kom thiaj tau ntau yam xov xwm tseem ceeb thiab ntau yam lus taw qhia txog cov kev pib koj lub neej tshiab ntawm teb chaws Australia no.
Yog tias koj muaj tej lus nug dab tsi los yog ib co tswv yim txog ib yam dab tsi, ces muaj peev xwm sau ntawv xa tuaj rau tus email
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
