Ntsiab lus tseem ceeb:
- Cov kev txheeb txog tej hauj lwm tsis raug haub tau yaum yuav pab kom koj muaj cib fim nrhiav tau hauj lwm.
- Tej kev pab cuam neeg thoj nam thiab tsiv teb tsaws chaw nrhiav hauj lwm ua yuav muaj peev xwm pab nrhiav tau hauj lwm sai dua.
- Hos txheeb tej hauj lwm tu tsom kwm, tos txais qhua thiab tej lagluam uas poj niam muaj peev xwm ua tau.
Cov kev nrhiav hauj lwm ua yog ib cov hauj lwm yuav tau kub siab tiag tiag.
Thaum koj tuaj txog Australia lawm, ces yog tej yam tseem ceeb koj yuav tau txheeb kom paub kiag tam sid tias seb koj puas muaj cai ua hauj lwm thiab kub siab nrhiav seb puas tau hauj lwm ua.
Tsis txhob tos ib tug twg pub hauj lwm rau koj ua. Tab sis koj yuav tsum muaj peev xwm txaus mus nrhiav ib txoj hauj lwm rau koj ua. Thiab koj yuav tsum mus nrhiav hauj lwm rau koj ua. Tsis muaj leej twg yuav nrhiav hauj lwm rau koj ua.Agnes Kemenes, Principal Lawyer at NB Migration Law.
Tej vas sab (websites) thiab tej chaw nrhiav/ntiav neeg ua hauj lwm
Tej vas sab haub tau yaum hauj lwm li Seek, CareerOne thiab Jora nrog rau cov social media platform li LinkedIn yog ib cov chaw uas yuav qhia tau ib lub tswv yim rau koj tias muaj tej hauj lwm dab tsi thiab tej lagluam twg tab tom nrhiav neeg ua hauj lwm.
Koj los kuj muaj peev xwm sib txuas lus nrog tej chaw nrhiav neeg ua hauj lwm thiab tej chaw ntiav dag zog. Ces tej chaw nrhiav neeg ua hauj lwm mam li nrhiav ib txoj hauj lwm ruaj rau koj ua los yog cia koj ua hauj lwm contract nrog ntau cov tswv lagluam thiab mam tsub nqe rau lawv them. Hos cov kev ntiav dag zog ces cia li kom yus ua hauj lwm ncaj qha xwb, tab sis ntiav kom yus mus ua hauj lwm rau lwm cov tswv lagluam luam.
Tsis hais lub tswv yim nrhiav neeg ua hauj lwm, xa ntawv nrhiav hauj lwm ua, ua hauj lwm contract thiab ua luam. Muab koj daim resume rau lub chaw nrhiav hauj lwm rau ib lub chaw nrhiav neeg ua hauj lwm txheeb tej neeg cov ntaub ntawv nrhiav hauj lwm ua. Source: Moment RF / Narisara Nami/Getty Images
Nrhiav tej hauj lwm uas tsis muaj neeg paub txog
Vim tej hauj lwm no feem ntau tsis raug coj mus haub tau yaum, ces yog koj xav nrhiav hauj lwm ua ces koj yuav tau xyuas kom paub neeg coob li nrog tej tswv lagluam tham ncaj qha los yog nug tej neeg koj paub ntawm Australia no.
Txhais tau tias tej zaum koj ho txheeb tej zojzog phau Facebook seb puas muaj neeg xav ntiav lwm tus ua hauj lwm los yog ho nug koj tej phooj ywg seb puas paub tias muaj hauj lwm ntawm lawv tej chaw ua hauj lwm ua.
Cov kev pab cuam neeg tsiv teb tsaws chaw thiab neeg thoj nam
National not-for-profit organisation Settlement Services International ( uas yog ib lub koom haum NGO uas pab cuam zej tsoom yeej muaj ib co program coj los xyaum thiab qhia txog ntau txoj xub ke kom nrhiav tau hauj lwm ua pab rau tej neeg thoj nam thiab tsiv teb tsaws chaw sib txawv.
Joudy Lazkany, uas yog tus coj tswj cov Employment Services ntawm SSI hais tias ''Peb hu cov program no tias yog '10 kauj ruam pab kom nrhiav tau hauj lwm ua'.
Peb pab kom lawv totaub tias yuav tau npaj dab tsi, yuav coj lawv tej ntaub ntawv coj mus txhais raws li Australia tej pov thawj li cas, yuav ua li cas kom lawv tej qualification tau txawv teb chaws thiaj raug lees paub, yuav nrhiav hauj lwm ua li cas, yuav teeb txheeb txog tej lagluam li cas, yuav sib cuag tau nrog lub khoom haum li pab thiab siv tau cov kev pab li cas kom thiaj pab lawv nrhiav tau hauj lwm ua thiab tau txais kev ywj pheej.Joudy Lazkany, Head of Employment Services at Settlement Services Interantional (SSI).
Yog tias koj twb tau ua ib txoj hauj lwm txawv teb chaws lawm, ces SSI kuj yuav muaj peev xwm qhia koj tias ho ua tej hauj lwm ntawd zoo li cas ntawm Australia no.
''Piv txwv li, yog koj twg ua hauj lwm tam li ib tug mechanical engineer ntawm Middle East uas ua cov hauj lwm raug nyiaj ntau billion dollar lawm, ces seb koj ho yuav muaj peev xwm ua tau cov hauj lwm no li cas? Seb koj puas muaj peev xwm pib ua ib yam hauj lwm dab tsi ua ntej rau lub caij uas peb txheeb tias seb ho muaj lwm txoj xub ke twg pab kom koj tej qualification tau txawv teb chaws raug lees paub, npaj kom koj siv tau lus Askiv zoo ntawm tej chaw ua hauj lwm, thiab xyuas kom koj ntseeg koj tus khej, thiab xyuas kom koj paub neeg coob ntxiv li cas?''
SSI los yeej yuav pab coj koj mus ntsib tej lagluam ntawm koj zos thiab pab kom koj qhia rau tej tswv lagluam tias seb koj ho muaj peev xwm ua tau hauj lwm dab tsi rau lawv. Yog li dua ntawm yuav coj koj ib daim ntawv ua hauj lwm rau tej tswv lagluam ntawd ces ho nrog lawv tham thiab ntsib lawv tias seb koj ho muaj tej txuj ci dab tsi uas muaj peev xwm siv tau thiab ho paub ua hauj lwm dab tsi.
yeej muaj tsoom fwv teb chaws Australia cov program Workfore Australia thiab lwm cov program uas yeej muaj tej koom haum ywj pheej tsim pab cuam coj los pab nrhiav hauj lwm rau tej neeg tsiv teb tsaws chaw thiab neeg thoj nam.
Tej program no yuav nrog txheeb tias seb ho muaj teeb meem dab tsi cuam tshuam txog cov kev nrhiav hauj lwm ua, li txheeb txog ib tug neeg lub tsab peev xwm, tej txuj ci, qualifications thiab tej kev paub uas tej neeg thoj nam muaj ntawm lawv tus kheej.
Cov Employment Mentoring Program yog cov pab kom nrhiav tau tej xub ke uas yuav pab kom tej neeg tsiv teb tsaws chaw nrhiav tau hauj lwm ua sai.Laurie Nowell, Public Affairs Manager at AMES.
Mr Nowell hais ntxiv tias “Peb kuj muaj cov program uas muaj ntau yam coj los qhia rau tib qho chaw rau tej neeg li cov kev pab kom peb tej neeg thoj nam pib tau lub neej tshiab, kev kawm thiab tej neeg pab nrhiav hauj lwm ua kom lawv thiaj muaj peev xwm los txheeb ib tug neeg tsiv teb tsaws chaw los yog ib tug neeg thoj nam twg."
AMES los kuj muaj cov program hu ua coj los pab tej neeg tsiv teb tsaws chaw uas paub ua hauj lwm lawm rau Australia tej chaw ua hauj lwm thiab.
Ib tug poj niam neeg txum tim Australia hnav ib ce khaub ncaws uas pom yooj yim ntawm ib thaj chaw uas teeb ib co phiaj ziab tshav tsim hluav taws xob siv. Credit: Thurtell/Getty Images
Tej poj niam ua cov hauj lwm ua lagluam
Tsoom fwv NSW yeej muaj cov program Connecting Women to trades ntawm lub koom haum SSI coj los pab nrhiav hauj lwm rau tej poj niam ua, li pab kom tej poj niam muaj lub tsab peev xwm thiab pab poj niam paub txog ntau yam lagluam thiab kom tej poj niam ua ib yam lagluam dab tsi los yog ua cov lagluam ua vaj tse.
Ms Lazkany hais tias “Peb yeej ua hauj lwm tsi ntsees nrog tej lagluam thiab tej poj niam kom tej lagluam muaj peev xwm nrhiav neeg ua hauj lwm, tswj tej neeg ua hauj lwm kom nrog ib lub tuam txhab twg ua hauj lwm txuas ntxiv thiab txhawb nqa tej poj niam kom tig mus ua lagluam uas ua ib yam hauj lwm dab tsi tsi ntsees ntawd.''
Tej program no yeej lees paub txog tias tseem ceeb npaum li cas rau cov kev txhawb nqa kom poj niam khwv tau nyiaj txiaj vim tsis yog tias yuav muaj peev xwm pab tau lawv tus kheej xwb - tab sis lawv tseem muaj peev xwm pab tau lawv tsev neeg thiab tej txheeb ze nrog thiab.
Ces poj niam cov kev ua tej lagluam no thiaj qhia txog ib co kev pauv hloov tseem ceeb, thiab yog tej yam tsim nyog rau tej neeg uas xav nrhiav cib fim rhiav hauj lwm ua.
Ho xav seb puas xav ua cov hauj lwm tu tsom kwm thiab tej hauj lwm tos txais qhua
Lub koom haum AMES Australia yeej muaj ib cov program xyaum qhia tej neeg kom paub ua ib cov hauj lwm, uas muaj peev xwm mus pib ua tau ntau yam hauj lwm.
Laurie Nowell hais tias “Peb yeej ua hauj lwm nrog tej neeg tsiv teb tsaws chaw thiab tej neeg thoj nam uas tej zaum tsis paub ua hauj lwm tab sis xav ua hauj lwm, kom lawv kawm tau tej txuj ci thiab qualification kom sai kom thiaj ua tau tej hauj lwm tu tsom kwm thiab tos txais qhua.”
Tej lagluam tu tsom kwm yog ib cov lagluam ntawm ntau yam lagluam uas loj hlob saib tshaj plaws. Tej lagluam no yeej ntiav tej neeg ua hauj lwm yuav laug txog ob million tus, thiab yuav muaj tej neeg ua hauj lwm coob ntxiv tuaj txog li 2.5 million tus rau xyoo 2025.Laurie Nowell, Public Affairs Manager, AMES Australia
Ib daim duab yees siab rau qhov qes uas pom ib tug poj niam ua luam tab tom nrog nws ib tug neeg ua hauj lwm ua ke tham thaum tseem tab tom zaum ntawm nws lub rooj zaum ntawm lub chaw ua hauj lwm. Credit: Willie B. Thomas/Getty Images
Tej txiaj ntsim yuav tau los ntawm cov kev ua hauj lwm yeem thaj
Agnes Kemenes hais tias “Xav kom yus qhia txog yus tus kheej rau lwm tus paub; thiab yus ho qhia rau lwm tus paub tias yus muaj peev xwm ua tau dab tsi,”
“Tsis hais ib tug neeg tsiv teb tsaws chaw twg li uas tuaj rau lub teb chaws no yeej coj ib yam kab lis kev cai zoo tuaj thiab coj ib lub tswv yim txawv uas zoo rau ib cov hauj lwm twg tuaj. Kuv thiaj xav kom kom ho xav txog tej no thiab yog tias koj twb yog ib tug neeg uas nrhiav hauj lwm los ntev txog li 30, 40, los yog 50 txoj tab sis tsis muaj neeg teb thiab txais koj ua hauj lwm.”
Ms Kemenes hais ntxiv tias "Cov kev ua li no ces yog yus qhia rau tus tswv lagluam tias yus muaj peev xwm ua tau dab tsi rau lub caij uas yus tseem kawm kom paub ua hauj lwm ntxiv.''
READ MORE
Hnav tsoos mus nrhiav hauj lwm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
