Tsoom fwv Albanese tseem tab tom npaj ceev nrooj los nrog pab nom Greens sib tham kom seb puas muaj peev xwm tsim tau tsab cai los tswj cov kev muag luam yeeb pa.
Lub hom phiaj yog xav tso tseg tsis tas hais kom tej neeg hnoob nyoog 18 xyoo yuav tau thov ntawv tso cai ntawm kws kho mob thiaj yuav tau tej luam yeeb pa siv. Yuav ua tib zoo xyuas kom tej neeg hnoob nyoog qes dua 18 xyoo tsis txhob muaj peev xwm yuav tau tej luam yeeb pa no yam raug cai los yog yuav tau yam tsis raug cai. Thiab yuav tsum ntau ntawv tso cai ntawm kws kho mob mas thiaj muaj cai yuav tau xwb.
Yuav txwv tsis puab muag tej luam yeeb no sab nraum tej chaw muag tshuaj, thiab tsuas pub tsim ib co ntxhiab luam yeeb twg xwb thiab tseem kom los tej ntawv dog dig rau tej luam yeeb pa li tej luam yeeb uas niaj hnub muag tam sim no.
Ces txij tim 1 lub 7 hli ntuj (2024) no mus thiaj yuav txwv tsis pub muag tej luam yeeb pa qhov twg li lawm thiab tsuas pub muag ntawm tej khw muag tshuaj xwb.
Txij tim 1 lub 7 hli ntuj txog tim 1 lub 10 hli ntuj ces tag nrho tej neeg xav tau luam yeeb pa haus yuav tsum tau thov ntawv tso cai ntawm kws kho mob.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
