Cov kev cog zaub coj los muag ua lagluam tsis yog ib cov hauj lwm yooj yim vim muaj ntau yam yuav tau ua, thiab dab tsi los yog yus yog tus yuav tau ua ntau xwb. Tab sis vim li cas Txawj Pov Xyooj thiaj txiav txim mus ua teb cog zaug muag ntawm xeev Tasmania?
Wb (Kuv thiab kuv tab zag) muab xav txhij txhua tias yus yuav mus ua lwm cov lagluam los zoo li lus los tsis txaus, tswv yim los tsis txaus, dab tsi yus thiaj ua tau no ces yus xav pes tsawg ncig los yeej kawg los rau kev ua teb xwb.Txawj Pov Xyooj.
Mr Xyooj kuj tau ua teb txij thaum xyoo 2006 los txag tam sim no lawm raws li nws qhia rau SBS Radio Hmong program.
'Kev ua liaj ua teb no yeej tsis yog ib qho yooj yim, thiab yeej muaj ntau yam kev ua liaj ua teb, tab sis yog tham txog cov kev cog zaub muag no ces yeej nyuaj kawg nkaus li, hauj lwm ntau tsis tshaj ua teb lawm,
'Vim rau qhov yus tsis muaj neeg txaus pab yus, yog yus ib niam txiav ua thiab yus tsev neeg ua xwb. Yeej khwv kawg nkaus li vim yuav tau ua 7 hnub tsis muaj hnub so rau yus kiag li,
'Tseb los yog yus, dob nyom tua kab tua tshuaj los yog yus, yus yog tus sau tej qoob loo, yus tseem yog tus xa tej qoob loo no tawm mus rau lwm tus thiab,
'Tsis hais nruab hnub hmo ntuj los yeej khwv kawg nkaus li yeej yuav laug 24 teev li, lub caij wb tseem ua 20 acres ces tsuas tau pw ib hnub twg li 2 los yog 3 teev yeej yuav laug txhua hmo thiab yeej yuav laug tsis tau so hlo li,' raws li Txawj Pov Xyooj hais.
Nws hais tias lub caij uas nws tseem cog zaub ntau heev ntawd ces nws cog yuav laug txog li ntawm 40 yam zaub. 'Tab sis kuj tsis ua ntau ntau, tsuas ua me ntswb me ntsi rau ib yam twg kom tau muag xwb. Yog leej twg tuaj rau yus lub khw lawm ces kom lawv yuav ib yam twg xwb xwb li, ces thiaj ua ntau yam qoob loo.'
Dua ntawm cov kev cog tej qoob loo ntau yam thiab muaj hauj lwm ntau yam yuav tau ua li xa ib co zaub muag rau tej retail markets lawm, Txawj Pov Xyooj thiab nws tab zag kuj tseem muag zaub rau ob hnub so ntawm lub khw Salamanca ntawm Hobart thiab.
'Hais txog hauj lwm company no ces li kuv hais rau lawv ua...peb ua peb muaj caij so, kuv twb ua los lawm thiab. Txog caij mus ces mus txog caij los ces los tsev xwb yus tsis muaj kev nyuaj siab. Yus los nyob ua noj ua haus, mus koom kwv tij neeg tsa rau thaum weekend los tsis nco qab txob txhawj dab tsi. Tiam si kev ua liaj ua teb li kuv ua no ces dej los yuav tau ywg, kab los yuav tau tua, ces txhua yam yeej nyob rau yus lub siab tas. Ces yus yeej tsis muaj caij xav txog dab tsi li. Txawm weekend yus muaj caw tab kaum mus rau ib qho qhov twg los zoo li yus lub siab yeej nyob rawv tom teb xwb. Kuv kuj ua tsev greenhouse cog zaug thiab yog li yuav tsum tau xyuas kom txhua yam haum, tsis li ces yus mus lawm rov qab los txog ces yus tej khoom txawv tag li lawm.'
Kev ua hauj lwm rau company no mas zoo li yus ua ces yus dhuav dhuav, tab sis yog yus ua hauj lwm rau yus tus kheej ces txawm yus ua npaum li cas los zoo li yus muaj kev txaus siab rau yus txoj hauj lwm ces yus tsis muaj qhov dhuav.Txawj Pov Xyooj.
'Thiab txawm yus yuav ua yuav laug txog 24 teev 7 hnub ntawd los zoo li tsis muaj qhov dhuav. Vim rau qhov yus enjoy rau yus cov hauj lwm,' raws li Txawj Pov Xyooj hais.
Yog tham txog cov kev noj tej zaub mov zoo muaj txiaj ntsim rau tib neeg lub cev lawm ces Txawj Pov Xyooj hais tias.
'Yam khoom noj no mas lawv ua kom yeem qab kom neeg noj xwb, lawv tsis yog ua kom zoo rau tib neeg, lawv noj tas kom zoo rau lawv lub cev tab sis tsuas ua kom qab kom neeg noj xwb, neeg yeem noj coob yeem ua ntau ib yam li KFC, McDonald no los yeej ua qab kawg nkaus tab sis peb yeej paub tias peb noj ntau tsis zoo rau peb lub cev.'
READ MORE
Rice culture in Australia
Nws hais ntxiv tias 'Peb cov khoom cog no los kuj zoo tib yam...cov zaub zoo zoo ci nplas xwb yog cov zoo tshaj plaws tab sis yeej yog cov siv tshuaj siv chiv ntau tshaj thiab. Cov nod yog ib yam uas yeej tsis tshua zoo rau tib neeg thiab. Ces neeg feem coob mas lawv xaiv qhov zoo xwb. Nyob li peb cov cog no los yeej zoo tib yam li ntawd thiab, peb yeej ua kom zoo heev neeg thiaj li nyiam, cov khoom (zaub) uas kab noj noj yog cov uas yus saib xyuas tsis cuag ces cov nod no ces kab noj noj ces neeg tsis tshua nyiam pes tsawg, vim rau qhov tias tsis tshua zoo nkauj yom.
'Ces kuv thiaj xav tham rau sawv daws tias peb cog rau qab vag tsib taug los yog peb ua peb no mas peb paub hais tias nws zoo li cas rau peb. Cov zaug ntawd peb rau chiv li cas, rau tshuaj li cas. Tau los tsis tau, txog caij lawm peb mam noj, los yog tsis tau txog caij peb twb noj lawm. Peb paub li no no ces nws zoo dua rau qhov peb mus yuav tom khw yom.'
Ces kuv hais rau kwv tij sawv daws tias yog leej twg ho nquag thiab ua tau los yus cog yus noj mas zoo tshaj qhov nej yuav tom taj laj (ຕະຫຼາດ-khw).Txawj Pov Xyooj.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
