Xov xwm luv tshaj tawm hnub zwj Hli (Monday news 24.03.2025):
Queensland tau koom nrog Australia tej xeem kos xeem mem tes nrog tsoom fwv teb chaws kom tau nyiaj pab tej teej kawm ntau tuaj ntxiv ntawm 20 ua 25 feem pua mus txog rau xyoo 2034 thiab lub xeev no mam li them tej seem ntawm cov feem pua no rau zej tsoom tej teej kawm. David Crisafulli uas yog tus hau xeev no tau qhia tias yuav nrog thawj pwm tsav sib tham hnub tim 24.03.2025 no.
Tsoom fwv teb chaws thiab lwm pab nom teb chaws tab tom qhia txog lawv tej cai tswj lagluam ua ntej uas tsoom fwv Albanese yuav los qhia txog nws tej nyiaj puag xyoo hmo tim 25.03.2025. Ces tus tsoom fwv no thiaj tau pab nyiaj $150 ntxiv coj los rau Australa tej cuab yig thiab tej lagluam me them nqe hluav taws xob ntxiv rau cov nyiaj $300 uas twb tau pab lawm.
Kaja Kallas uas yog European Union tus nom uas tswj tej cai lij choj hais tias tsim tsim nyog Hamas muaj feem koom dab tsi rau Gaza tus nom pem suab, rau lub caij uas nws tseem tham nrog Egypt tus nom txawv teb chaws kom tsim tau tej tswv yim los xaus tsov rog ntawm Israel thiab Hamas.
Kuj tau muaj tej neeg mus thov tswv ntuj foom koob hmoov rau txiv plig Pope Francis tom qab nws tau raug coj mus kho ntawm tsev kho mob tau 5 limtiam vim mob ntsws thiab tau tawm ntawm tsev kho mob.
Australia tus nom txawv teb chaws tau ceeb toom kom tej neeg Australia ntoj ncig txawv teb chaws yuav tau ceev faj rau dej caw lawv hau thaum mus ntoj ncig txawv teb chaws kom thiaj tau txais kev nyab xeeb thiab tsis qaug cov methanol poisoning. Penny Wong uas yog Australia tus nom no thiaj qhia tias tsoom fwv teb chaws tseem sam sim tsim ib cov kev taw qhia coj los qhia rau tej hluas kom paub txog tej no tom qab tau muaj Bianca Jones thiab Holly Bowles tas sim neej nrog 4 tug neeg txawv teb chaws uas tau mus ncig teb chaws Nplog tsaib no. Ces thiaj yuav kom tej tuam txhab ntoj ncig, tej lagluam ya dav hlau faib tej xov xwm no, thiab hais kom lub koom haum Red Frogs thiab Nicole Fitzsimmons Foundation yog cov mus qhia tej tub kawm ntawm tej teej kawm.
Rustem Umerom uas yog Ukraine tus nom tswj dej num tiv thaiv teb chaws qhia tias nom tswv Ukraine thiab Meskas sib tham tau zoo thiab yuav los pov puag tej hluav taws xob thiab tej hauv paus txhim kho tseem ceeb thaum sib tham ntawm Saudi Arabia kom tsim tau kev thaj yeeb rau Ukraine.
Andrew thiab Tristan Tate uas yog ob kws tij kuj raug coj mus hais plaub thiab kom them nyiaj A$295,000 vim nkawv raug liam tias tau ntxias tej poj niam mus rau teb chaws Romania coj mus yuam rau lwm tus deev thiab tau tsim lub koom haum neeg ua txhaum cai. Tab sis nkawv tsis lees tag nrho tej txim no.
Raws li tau muaj tsab ntawv cej luam xyoo 2023-24 ntawm Victorian Ambulance Cardiac Arrest Registry tsab ntawv cej luam uas sau ib xyoos ib zaug qhia ces Victoria yog lub xeev muaj tej neeg ntxeem dhau ntawm tus mob plawv txhaws (heart attack) ntau tshaj plaws ntawm Australia thiab yog thaj chaw uas muaj tej neeg dim ntawm tus mob no coob tshaj plaws ua zum 3 hauv ntiaj teb no.
Meskas kuj tau xa ob lub tsheb tua cov foob pob uas tua tau mus dab txog 500 km rau Australia uas Richard Marles uas yog Australia tus nom tswj dej num tiv thaiv teb chaws tau hais tias yog tej yam Australia tej tub rog thiab teb chaws Australia zoo siab heev. Thiab Meskas tseem yuav xa tshaj li 40 tawm lub ntxiv, uas nws hais tias tsoom fwv teb chaws tab tom nqes peev los tsim kom tau tej foob pob uas yuav coj mus nruab rau tej tsheb no siv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
