William Wei twb muaj hnoob nyoog 78 xyoo lawm tab sis nws tseem tau rov qab mus kawm ntawv Askiv (English) dua txawm tias nws tau kawm thaum tseem kawm Junior High School thiab tau tuaj nyob rau teb chaws New Zealand ua ntej yuav los nyob rau teb chaws Australia los nws yeej tsis totaub thiab hais tsis tau siv tsis tau lus English li.
Tom qab nws tus tab zag nruamsim lawm, nws tau tsav tshev ntawm Sunshine Coast mus rau Brisbane tab sis ho poob zoo thiab tsaus ntuj lawm ces thiaj nug ib tug txiv neej kom nws qhia kev los tsis paub xyov tus txiv neej ntawd hais dab tsi li. Thiaj ua rau Mr. Wei uas yog ib tug neeg Suav tuaj nyob Australia txiav txim siab rov qab mus kawm ntawv Askiv ntawm Brisbane lub tsev teev ntuj Sunnybank Uniting Church 1 xyoos dhau los.
Nws qhia tias yog thaum kawm paub lus lawm yuav pab kom yus ntseeg yus tus kheej tias yus yeej kawm tau ua tau siv tau hais tau lus thiab ntawv Askiv li lwm tus thiab. Tab sis Mr. Wei hais tias yus laus lawm cim xeeb yeej tsis tshua zoo pes tsawg kawm hnag hmo tas hnub no twb tsis nco qab lawm tab sis nws rau siab kawm thiab xyaum hais thiab nyeem ib teev rau ib hnub twg ces nws kuj kawm paub lawm thiab.
Diane Morris uas yog tus lees kais qhia ntawv Askiv (English) kuj hais tias qhov nws pom ua txawv tshaj mas yog cov kev sib nug moo ntaus kev phooj ywg ntawm nws cov me yes (tub kawm) hnoob nyoog tshaj 50 xyoo no.
"Tsis yog lawv kawm ntawv thiab lus Askiv xwb tab sis lawv tseem ntau kev phooj ywg thiab ua rau lawv ntseeg lawv tus kheej thiab lawv muaj kev zoo siab rau txoj kev ua lub neej dua tuaj ntxiv lawm thiab. Vim yeej tseem muaj ib txhia tsis tau ua dab tsi ntau hauv Australia, thiaj ua rau lawv raug cai nyob twmzeej kho siab khuav tsis tau koom nrog lwm tus rau qhov lawv tsis paub lus thiab tsis paub ntawv."
Annita Esposito yeej tau nyob Bribane los tau 42 lub xyoos thaum nws ntsib nws tus txiv mus ncig teb chaws Italy ces nkawv tau sib sau ua txwj nkawm. Tab sis vim nws muaj tej txheeb ze nyob ze ces thiaj ua rau nws siv tsis tau lus Askiv zoo. Tab sis muaj ib zaug, nws mus yuav tshuaj thiab muaj ib tug poj niam neeg Italian hais lus Askiv rau nws ces nws tsis totaub xyov lawv hais dab tsi li. Thiab txhua zaus nws mus tsham khw pheej yuav tsum muaj ib tug nrog nraim nws xwb ces mem txom dhau lawm. Thaum kawg nws thiaj li txiav txim siab mus kawm ntawv Askiv thiab twb kawm tau 3 lub xyoo dhau los. Ua rau nws muaj peev xwm nrog lwm tus sib txuas lus thiab sau tau tej ntaub ntawv yooj yim lawm.
"Ms. Esposito thiaj xav hais rau cov neeg sawv daws tias kom kav tsij mus kawm vim lom zem heev thiab yog tej yam zoo ua rau yus tus kheej, thiaj pab kom yuav muaj peev xwm nrog tau lwm tus neeg ntawm tej koob tsheej tham, nrog lwm tus tham thaum noj mov ntawm tej khw noj mov. yog li tsis txhob ntshai tias tsam yus hais yuam kev tab sis yuav tsum ua siab txias txias mam mam kawm thiab ntseeg yus tus kheej thiab yuav tsum qhia rau yus tus kheej tias yus yeej kawm xwb."
Dr. Marlies Dowland yog ib tug kws kho mob (General Practitioner-GP) thiab thaum tseem nyog ntxhais hluas nws yeej tau kawm ntawv Fabkis ntawm teb chaws Holland 1 teev rau ib limtiam (Plua) tau 5 xyoos, tab sis nws yeej tsis muaj peev xwm nrog lwm tus tham ua lus Fabkis tau li. Nws thiaj tau txiav txim siab rov qab mus kawm ntawv Fabkis dua ntawm lub teej kawm Alliance Fraincais thaum muaj 68 xyoo.
"Dr. Dowland hais tias laus lawm cim xeeb tsis zoo thiab nplaig txhav lawm ces kuj meem txom thiab ua rau yus txaj muag kawg thiab. Vim yus tseem xav kom nco lo lus mam coj los sib dho ua ib so lus thiaj tham tau xwb. Tab sis kuv xv tias yog ib yam zoo ua tej neeg kawm lwm hom lus thiab yeej xav txhawb nqa kom sawv daws mus kawm."
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
Mus download tau SBS Radio app tau hauv Google Play thiab App Store ntawm tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no:
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
